طيحني تيتيز الرجاوي💚
By: kawtar Ben
الجزء الواحد و عشرون:
نادية: اه أصلا حب الخضرة فالقلب ماشي ضروري تبان معاها باش يعرفوك كتبغيها
انيس: داكشي لي كاين غاتفرجي نهار لاربعة
نادية: ضروري و مؤكد
انيس: مزيان دعي معانا
نادية: أن شاء الله ياله نخليك دابا خاصني نقطع
انيس: بسلامة (قطعات معاه و مشات شدات السربيس قبلاصة الطاكسيات نص ساعة و هيا واقفة تماك عاد وصلتها نوبة ركبات و مشات لدار )
نادية: زغرتي امي زغرتي راني خدمت فسناك
ماماها: على سلامتك فين كين هدا
نادية: فالمدينة
وسيم: هيا غانولي نمشي نقصي طاكوس فابور
نادية: نم كليتو تانا راني غي غانخدم ماشي شريت سناك
ادم: اييه هادشي غي باقا مابديتيش و تخلصتيش وليتي دافعة كبير العالم الله ايلا خدمتي
نادية: نتا غي سكت يا المحساد تل مبروك ماگلتيها
ادم: و فين هيا تحلية و الحلوى ناكلوها باش نباركو لك ولا غي الفم
نادية: انوض را خرجو عليك الهنود گالك تحلية سميتي كاجول انا
ادم: اجي اجي تشوفي فيلم جديد ديال شاروخان
نادية: رجاوي؟
ادم: لا هندي
نادية: هانتا گلتيها هندي ماراجاويش ماعندي ماندير بيه
ادم: تا سلمان خان طلق فيلم جديد
نادية: (دخلات بسباطها فوق ديالي💔 حلف حلف ارا نشوف (ماحساتش حتى جا تها صندالة من عند مها)
ماماها: خرجي يا بنت الحرام داخلة بسبرديلتك لصالون ماحشمتيش
نادية: سموحات امي
ادم: غاخرجي ابنت عمي ماكين والو باقي ماخرجوش
نادية: الله يلگيها لك
ادم: دابا هاد سلمان خان ماشي رجاوي و باغاه
نادية: لا هداك حالة خاصة
🌷بغيت نوضح واحد الحاجة بنسبة لقارئات عنيبات كنوجه ليكم تحية تعنبو على كلشي و تا وحدة ماتجبد ليا سلمان خان راني نبغيه و نموت عليه الكراش ديالي💔 هاني وضحت 😂
نتلاقاو فاجزاء جديدة ارائكم ضروري
طيحني تيتيز الرجاوي💚
By: kawtar Ben
الجزء الثاني و العشرون:
ادم: اوا الله يعفو عليك
نادية: أمين مي كين شي كسكروط
ماماها: تسناي يجي باك و نحطو (بقاو كيتسناو باها جا حطو كسكروط ياكلو گالت ليه على الخدمة حتى هوا فرح ليها جمعو دنية و كل واحد شد سداري فالبيت كيتفرجو اما ادم خرج عند صحابو و وسيم حتى هوا بقات غي هيا و ماماها و باها سلات بنات فضيلة هزات تيلي مكونيكطية شوية لقات ميساج من عند سيمو (الاكس ديالها) )
سيمو: نادية حبي
نادية: ههه ال*امل عاد فاق ليا (سيفطات ليه اديو) سيمو خويا سبرديلة الا لحتها من رجلي مانبقاش نرجعها
سيمو: وليت خوك دايا
نادية: لا سمح ليا بزاف عليك واش تكون خويا
سيمو: و صافي ا نادية واش اول مرة غانتخاصمو نعلي شيطان
نادية: هادي عندك فيها الحق ماشي اول مرة طيح مني و نتخاصمو و لكن هاد المرة هيا لخرة ههه و نزيدك لقيت سيد سيدك
سيمو: هيا وليتي كيف ال*حبة من واحد لواحد
نادية: مايعرف ال*حاب غالي كابر فحجر ال*وادة
سيمو: تحل لك الفم هاه
نادية: ماتنساش تگول لختك مبروك التحمحيمة ا مضرا كيف بقات
سيمو: غاتسناي نشد دين مك فشي زنقة ماكتخرج
نادية: هههه اش دير مثلا
سيمو: غانخويه فمك ابنت ال*حبة
نادية: خفنا غي تجي تجبدو و نوحلو فيك و لا بلاتي نجبدوه بفنيتة (البنات صفيو النية الله يرحم الواليدين😂😂)
سيمو: عقلي مزيان ابنت المكحطة
نادية: خود لك بلوك (بلاكاتو و دخلات لفيس حتى هوا بلوكاتو منو ناضت لبسات القبية ديال الرجاء و هزات الكاسكيطة ديال ادم طلقات شعرها ضربتها تعكيرة و طلعات لسطح باش رجاوي😂😂 مع سماء 😂😂 طلعات تصاور زوينين هبطات لدار حيدات داكشي و تخشات فبيجامتها فرشات ليها و لخوها و تخشات فبلاصتها عزلات من تصاور لي تدير فسطوري و لي دير فالبروفيل بطبيعة الحال باش يشوفوهم بنات الدرب را شرات قبية ديال الرجاء و باش يشوفها حتى تيتيز رجاوي😂😂 بقات مكونيكطية مع رميساء كيهضرو على انيس و من بعد نعسات )
طيحني تيتيز الرجاوي💚
By: kawtar Ben
الجزء الثالث و العشرون:
😴صباح جديد
فاقت نادية بكري هاد نهار و لكن ماشي باش تدوز نهارها فشقا و الخدمة ديال الدار لا باش توجد راسها و تمشي لاول نهار ليها فخدمتها الجديدة لبسات حوايجها و خرجات بلا فطور شدات طاكسي وصلات قبل الوقت كانو البنات لي غياحلو المطعم باقي ماجاوش بقات گالسة شوية عاد جاو زوج بنات لابسين مقاد و المكياج وقفو بداو كيحلو فالريسطو
نادية: سلام البنات نتوما خدامين هنا
البنت: و اش بان ليك
نادية: انا جديدة معاكم
البنت الثانية: اه نتي هيا لي گال لينا شاف مرحبا بيك معانا
نادية: ترحب بيك الجنة الختي انا نادية و نتي
البنت: أنا سهام و هادي صاحبتي سلمى حتى هيا خدامة هنا
نادية: متشرفين
سلمى: دخلو بداو الخدمة
نادية: (فخاطرها) مال هادي كتهز و تحط تگول هيا مولات شي (بداو خدمتهم كل وحدة و شنو مشات تدير نادية قاداة طوابل و دخلات عندهم لكوزينة وراوها الخدمة وصلات طناش بداو الخدامة كيدخلو ياكلو و الرواج كثر و الخدمة حتى هيا مارتاحو حتى لعشية بدا بنادم كيقل سلات خدمتها و مشات عوتاني تشد سربيس على طاكسي بقات واقفة و ليزي فودنيها عيشة مع أغنية نسهر بليل💚 )
رميساء: نادية وااا نادية (ولا مجيب نادية تفكريها مع الاغنية حيدات ليها ليزي عاد تكلمات ليها)
نادية: ياااه رميساء (سلمات عليها) ساڤا
رميساء: وا شحال غوت كنتي مغيبة
نادية: ههه كنت عايشة مع الاغنية
رميساء: صافي لقيتك هانتي واقفة واقفة هنا ياله معايا باغا نمشي لصالون
طيحني تيتيز الرجاوي💚
By: kawtar Ben
الجزء الرابع و العشرون:
نادية: لا لا اويلي خاصني نمشي لدار
رميساء: و تي غي ياله اصحبتي ونسيني
نادية: واخا ياله و لكن بلاتي نعيط لدار نگول ليهم غانتعطل فالخدمة
رميساء: واخا (عيطات نادية لدارهم گالت ليهم بلي غادي تعطل و مشات معاها لصالون )
نادية؛ ياختي هدا كولو صالون
رميساء: الصالون هوا لي لتحت و لي هنا مدرسة كيتعلمو فيها
نادية: اه داكشي علاش فيها دراري
رميساء: وي و را مرخصين ثمان
نادية: اش باغا ديري نتي بعدا
رميساء: باغا نصبغ شعري
نادية: ويلي غانتعطلو
رميساء: ياك عيطتي لداركم ماعندك منين تخافي (عيطات لولد بدا خدام ليها فشعرها)
نادية: اه واخا (جات عندها واحد البنت)
البنت: ختي عفاك الله يرحم ليك الواليدين
نادية: اناري تي مالك
البنت: عفاك اختي من قبيلة و انا كنقلب على شي بنت نصبغ ليها شعرها و مالقيتش
نادية: و لكن انا ماباغاش نصبغ
البنت: عفاك اختي تعاوني معايا عندي فرض و خاصني نوري لأستادة الخدمة البنات دوزو و كملو و انا باقي غادي يضيع ليا الجهد ديال ستة شهر ديال سطاج
نادية: ههه اول نسمع بلي كيدوزو امتحانات فهاد شي هانتي غادي تصبغي ليا مي را ماعنديش فلوس نقدر نخلص ليك غي صباغة
البنت: اه اختي خلصي غي صباغة
نادية: واخا (گلسات حتى هيا و بدات البنت خدمتها كتصبغ ليها فشعرها من بعد ما غسلاتو ليها و كل مرة جايا الاستادة كتنقط ليها اما نادية مخلوعة خيفة لا تخرج ليها على زوج شعطيطات لي عندها)
طيحني تيتيز الرجاوي💚
By: kawtar Ben
الجزء الخامس و العشرون:
من بعد ساعة و هيا خدامة ليها فشعرها و اخيرا غسلاتو و گلسات قدام المراية باش تشوف نيو لوك ديالها
نادية: احح جاني واعر واعر هادشي
رميساء: اوا هانتي كنتي جايا معايا حتى صدقتي مصبغة شعرك
البنت: ليميش جاك زوين
نادية: احح ميغسي ميغسي بب تانتي ارميساء هاد لون لي درتي جاك واعر
رميساء : ميغسي ميغسي
نادية: و يلاه را ماغانلقاوش طاكسي
رميساء: طاكسي ماغانلقاوهش ماغانلقاوهش غانعيط ل أنيس ايلا كان باقي هنا يلوحنا بطوموبيل
نادية: انيس عندو طوموبيل
رميساء: اه ياله شراها
نادية: اه مزيان عيطي ليه
رميساء: واخا (عيطات لأنيس و جا ليهم حدا صالون هزهم باش يوصلو نادية هيا لولة)
انيس: فين ا انادية ساڤا
نادية: لباس و نتا بيخير
انيس: حمد لله هاد ساعة
نادية: مزيان
انيس: غدا لابعة الرجاء
نادية: اه ان شاء الله نربحو
انيس: ان شاء الله
رميساء: واش ماعندكم حتى موضوع اخر من غير الرجاء
طيحني تيتيز الرجاوي💚
By: kawtar Ben
الجزء السادس و العشرون :
انيس: الرجاء هيا كلشي
نادية: ويي
رميساء؛ طاحت عليا واحد الفكرة
انيس: شنو
رميساء: صافي تانفكر و نگول ليكم
نادية: و شنو ستافدنا دابا
رميساء: كملو كملو الرجا لاعبة غدا
(وصلو نادية قدام لدارهم و كملو طريقم)
ادم: (تلقا ليها قدام باب الدا) العدددس
نادية: شناوا
ادم: العدس بالگرعة
نادية: بسم الله عليك
ادم: العدس بالگرعة غدا فالغدا باش ماندخلش نگول لمك را حطاتك طوموبيل
نادية: الله يلگيها لك يا المسخوط
ادم: اش گلتي نگول ليها حطاتك طوموبيل سيگها دري
نادية: سكت سكت
ادم: شكون هدوك بعدا
نادية: رميسااء😎
ادم: هديك تيتيزة
نادية: اه
ادم:عندك نمرتها
نادية:اه😎
ادم: اريها
نادية؛ العددددس العدس بالگرعة مانديروش ماتگول والو لدار
هشام: صافي مشات فيفتي فيفتي
نادية: زيد دخل زيد
طيحني تيتيز الرجاوي💚
By: kawtar Ben
الجزء السابع و العشرون؛
دخلو لدار لقاوهم مجمعين فالبيت كيتفرجو مشات نادية بدلات حوايجها و بقات كتبوزا قدام المراية عاجبها شعرها عاد مشات گلسات حداهم فالبيت
ماماها: اجي شتك مصبغو شعر
نادية: اييه
ماماها؛ و منين جاوك الفلوس
نادية: (عاودات ليها كلشي😂) ياشتي طلعات ليا
ماماها: مزيان لاهوما تديها فحالتك باش يجيو الخطاب و لا تبقاي بيرة ليا هنا
نادية: نفس الموضوع عوتاني كين ماتيحنجر
ماماها: سيري لكوزينة را مخلية ليك غداك
نادية: واخا (مشات لكوزينة سخنات غداها و تعشات بيه مشات فرشات فبلاصتها و شدات تيلي بقات مكونيكطية مع عائشة و انيس لي غادة العلاقة و كتطوطد بيناتهم )
🌷اصبحنا و اصبح الملك لله🌷
....: زوج بيتزا و زوج كانيطات
نادية: شي حاجة اخرى
...: لا شكرا
نادية: العفو (خدات الطلبية و داتها لكوزينة باش يوجدوهم ليها البنات و بقات كتدور على طوابل تاخد ليكوموند ) شنو الطلب ديالكم
الكليان: زوج شورما و ثلاثة طاكوس بصوص الجيريان و خمسة كانيط هواي (هز راسو ) و نادية
نادية: (كتكتب فالطلبية حتى سمعات سميتها) نعام ا انيس اش كتدير هنا
انيس: جاي نتغدا (ناض سلم عليها )نتي خدامة هنا
نادية: اه ياله بديت الخدمة غي يوماين دابا
انيس: مزيان
....: احم واش ماغاديش ناكلو
نادية: اه هه هاني غاندي الطلبية ديالكم سمحي ليا
...: لا هانية بالمناسبة أنا مريم اخت انيس
نادية: متشرفين (دات الطلبية البنات باش يصايبوها)
سهام: شكون داك البوگوص لي بقيتي كتحتي معاه
سلمى: غاتكون غي بغات تجبد معاه الهضرة
نادية: خطيبي😉
سلمى: امم و فين خاتم الخطوبة
نادية: ماشي ضروري يكون الخاتم احبيبة مي قريب غاتكون خطوبة رسمية
أنت تقرأ
طيحني تيتيز رجاوي 💚
Short Story👽طيحني التيتيز الرجاوي💚 By: kawtar Ben 👽طوال العمار و لا قصار و العصبة غادي نجيبوها لعبو كورة ناس لكبار بوحمرون غير فوتونا اوهو اوهو گاع الفراقي راه حسدونا اها اها RCA فريق الاحلام Les jouers عشقو الشهرة 👽 😍
