طيحني تيتيز رجاوي 💚

الجزء 9

طيحني تيتيز الرجاوي💚
By: kawtar Ben
الجزء اربعون:
انيس: المهم انشرح ليك مرة فشهر اولا زوج مرات على حساب ايلا ماكانتش لاعبة الرجاء و ايلا ماكانتش الخدمة كنقادو بروگرام و كنقادو خرجة يعني فحال Voyage organisé و لكن غي فالمغرب و نهار واحد
نادية: اه اه فهمت و لكن شنو الدور ديالي انا
انيس: غادي تخدمي معانا ك ادمين يعني فحال شريكة ديالنا حيت مين غي أنا و خو رميساء و حتى رميساء
نادية: و لكن انا را ماعنديش فلوس باش نعاون
انيس: ماشي موشكيل حنا محتاجين بنت و صافي غير هوا غادي تكون الخلصة ديالك ناقصة على ديالنا
نادية: اه ماشي موشكيل المهم نخدم
انيس: صافي مزيان نيت تبقاي قريبة ليا (مع غمزة)
نادية: ههه حتى يخليوني واليديا بعدا
انيس: ايلا مابغاوش را رميساء تمشي معاك
نادية: صافي واخا
انيس: ياله نوصلك دابا بدا كيضلام الحال
نادية: نسلتو عوتاني
انيس: لا غانمشيو على رجلينا
نادية: شناوت لا لا اخويا انا مانمشيش علاش رجليا و تگوول
انيس: زيدي زيدي انشد ليك طاكسي يحطك قدام داركم
نادية: واخا
انيس: كتحشمي
نادية :(بنبرة اعلى) واااخا
انيس: غي خليك فلولة
*شد ليها طاكسي لي وصلها لقدام الدار مادخلاتش ديريكت عند عائشة صاحبتها خوات ليها القفة من الكوميسرية حتى لفاش شد ليها طاكسي 😂
عائشة: اوا هانتي اختي دلع لك زهر
نادية: و الله ياختي ياتا ربيت عليه الكبدة اش بغيت داها طولة و زين احح فين يبان داك المسخ ديال سيموطيحني تيتيز الرجاوي💚
By: kawtar Ben
الجزء اثنان و اربعون:
نادية: اك شاف قطع قطع خويا جا (قطع انيس )
وسيم: هاي هاي على الخوادرية ياله طفات عليك شمعة
نادية: كنت خدامة خدامة
وسيم: خدامة و انا قاتلاني بجوع تا مشيت نطلب الخبز من عند فاطمة طيابة
نادية: ويلي ويلي على الخانز ياك حنا مضاربين معاها
وسيم: و انا سوقي فيا جوع
نادية: جوع مغرف يحرك مايدور خرج كلم داك جيفة ديال ادم و زيد تعشاو
وسيم: ادام غايبات عند صاحبو كين غا انا وياك
نادية: هنانا نيت زيد لكوزينة تحنجر
وسيم: الكوزينة على مال البيت
نادية: غاتجمعو تا اداك الخانز زيد براكة من الهضرة
وسيم: هوا جاي (تعشاو غسلات طبسيل لي كلاو فيك و مشاو لبيت كل واحد فيهم شد سداري)
نادية: دير غامبول
وسيم: ماشتينيش كنتفرج
نادية: و تا دير غامبول
وسيم: قدك ولدو لي يتفرجو فغامبول و تي باقا تفرجي فيه
نادية: ياله دير دير تحل لك الفم يا البرهوشطيحني تيتيز الرجاوي💚
By: kawtar Ben
الجزء واحد و اربعون:
عائشة: اه حگا را بان ليا قبيلة مقنت فدريبة و گال ليا باغي يهضر معاك
نادية: و الله لا هضرت معاه اش غايگول گاع نرجع معاه و نضيع ثلث سنين اخرى لقيت ماحسن منو
عائشة: اوا نتي تعرفي
نادية: المهم انمشي دابا ندير لدوك لگنوس مايحنجرو
عائشة: بسلامة
مشات لدار مالقات فيها حتى واحد دراري بزوج خارجين لبسات بيجامتها و شدتها ديريكت لسطح عند بيبيتها
نادية : (كتهضر معاها من ورا القفص لي صيبات ليها) احح ابيبيتي توحشتك المهم انعاود ليك كلشي هداك انيس لي كنت نطلع نعاود ليك عليه ياختي تصاحبنا ليوما احح و يقدر يولي حلالي ايلا درت عقلي ههههه اييه ياختي ديك تبوگيصة كاملة تقدر تولي ديالي بووحدي احح و الضرافات مانعاودش ليه و كيغير عليا ثلث سنين و انا مع سيمو و مادرهاش ياختي روجولة و رجاوي من الفوق حاسة براسي غي كنحلم و اخيرا هاد الحياة ضحكات ليا عارفاك غاتكوني حاسة بيا ياله نخليك دابا نهبط قبل مايجيو دوك الگنوس
(هبطات طيبات سباغيتي و گلسات تسناهم حتى يجيو هزات تيلي ديالها لقات 8 ليزابيل من عند انيس دغيا عيطات ليه )
نادية: الو انييس را ماسمعتش تيليفون
انيس: قطعي انا نعيط ليك باش ماتضيعيش روشارج
نادية: احح يخليلي سقرام ديالي (قطعات و عيط ليها هوا)
انيس: ثمنية ليزابيل فين كنتي
نادية: كنت مع بيبيتي
انيس: بيبيتك؟
نادية؛ اه كنت غي كنعاود ليها و صافي
انيس: ياربي تصبرني مع هاد الخليقة هاد المرة و لي هزي معاك تيليفونك
نادية: اك شافطيحني تيتيز الرجاوي💚
By: kawtar Ben
الجزء ثلاثة و أربعون:
بقاو كيتفرجو و كل مرة مضاربين على تيليكوموند نعس وسيم و هوا مكمش على تيليكوموند غطاتو و هزات تيلي تشد الحتة حيت ماجاهاش نعاس من حسن حضها لقات انيس اون لاين سيفطات ليه ميساج و جاوبها فالحين بقاو داوين و أكيد كل ما هضرو كيزيدو تقربو من بعضياتهم مانعسات حتى دشارجا ليها تيلي
✱بعد مرور أسبوع✱
ماوقعوش بزاف الحوايج فهاد الاسبوع من غير أن علاقة نادية و انيس زادت توطدات و بطبيعة الحال ضروري من شوية المخاصمات اما الحشمة ديال لول فطارت زائد انها خدات فلوسها من ريسطو لي كانت خدامة فيه و مشات تكسات عوتاني 😂 و واليديها جاو من العروبية بورث مها و بزز باش خلاوها تخدم مع انيس اولا نقولو انيس و رميساء حيت هيا لي جات و قنعاتهم و وافقو بشرط انها تدي معاها وسيم هاد المرة
نادية: (لابسة سروال كحل مع تريكو سخون فسومو و ليبوط طالع فالكحل مع دودونة طويلة حتى هيا كحلة مصيبة شعرها و دايرة ليه بابليز من التحت (فلوس الريسطو اخوتي 😹) سربي اداك البغل لبس حوايجك را غانتعطلو
وسيم: نجمع حوايجي فصاك و لا بليزة
نادية: اوييلي اوييلي على صاك و لا ڤاليزة راغادين غي نهار و راجعين لبس غاتجاكيطتك وهز ليگاتك و زيد قدامي را تعطلنا
*خرجو من دار و شدو طاكسي لسونطر ڤيل فين تلاقاو انيس لي كان مبوگص و رميساء و واحد صاحبهم هوا شيفور بقاو كيتسناو الكار لي كارين حتى جا من الشركة عاد ركبو و توجهو لقدام كازا ڤواياجوغ فين كانو المسافرين كيتسناوهمطيحني تيتيز الرجاوي💚
By: kawtar Ben
الجزء الخامس و اربعون
(بقا الميكرو كيدور على ركاب و كل واحد كيعرف براسو ها لي أستاد هالي مهندس و كين لي باقي و تيتيز اخواتاتي🤤كيقرا خلاصة القول ناس مثقفين و خلاو نادية مبهورة خدمو الباف و طلقو الاغاني ها شعبي ها العربي ها الاجنبي و ديك مثقفين طارت😂😂 و صلو ل سطات فين وقفو تعشاو كملو طريقم بالغنا و نشاط تا ناضت نادية برونشات الباف مع تيليفونها و طلقات 1h30 و تهز الكار بالغناء :
💚معاني كثيرة و سمع معانا الروفران
حكايا طويلة و سيبورطيري طيموان
قصة ساعة و نص كيف ولات ليالي شهور و عوام
فرحة غربة و حبس
و عشرة كبيرة مزال توريك ليام
لميمة تسقسي وين لاعبين هاد لاسومين
واش غير فكازا و لا ديبلاصمون رايحين
ولات تعرف كلشي كاسكيط كشكول و الفيمي لي حنا شاعلين
و ايلا تعطلتي ياك غي التيران و على تيفو بيتين ....💚سالات الاغنية و الرجاوين فرحانين و نادية و انيس بقاو يشوفو بعضياتهم و يضحكو و جا الوقت لأغنية لودادين لإرضاء كلا الطرفين
⁦❤️⁩1937 لانيصونص ديال الاسطورة
ليسطوار بدات بونانييي نعشقو الكورة
جمعهم حب البلاد و وقفو ضد الاحتلال
و باسم الوداد ناضلو عل الاستقلال
محمد بن جلون فونداتوغ ربي يرحمو
حمرة و بيضة لون نجمة و هلل فالوغو
هيا دنيتنا تاشي ماخصارة فيها
77سنا ربي يطول فعمرها
8 ماي عيد الأمة وداد لاليجرطا
8 ماي دوات فالضلمة وداد الشهدا
كل عام ونتي بخير 77شمعة ⁦❤️⁩
و بنفس الحماس سالات الاغنية نقدرو نگولو نادية متشددة 😹😹ماغناتش معاهم و ماشاركاتش عكس انيس لي كان حافض الاغنية (شخصيا اغنية ديال وداد زوينة كتعجبني)
نادية: دابا نتا رجاوي ياك
انيس: اه
نادية: و علاش حافظ اغنية ديالهم