طيحني تيتيز رجاوي 💚

الجزء 3

طيحني  التيتيز الرجاوي💚
By: kawtar Ben
الجزء التاسع:
نادية: تانا را باقا صغيرة
ماماها: ماعليناش انا غدا جايا بغيت تكون دار مقادة على حقها و طريقها
نادية: واخا
ماماها: مانلقاش وسخة و لا و الله تا نفرج فيك العيباد
نادية: صافي كوني هانية جيبي ليا معاك غي بيبية حبة الميمة اماما
ماماها: ها بيبي حدايا دابا نجيب ليك وحدة
نادية: العز الواليدة
ماماها: تهلاي فخوك
نادية: واخا غانسلم عليهم
ماماها: اه فكرتيني فادم و باك
نادية: صافي موبلاغ بايباي خليني نمشي ناكل ( قطعات مع ماماها كملات غداها ادم و وسيم شدو تيليكوموند مضاربين عليها كيتفرجو و باها مشا تكا فبيتو اما هيا جمعات دنية و مشات گلسات عند راس ادم)
نادية: امتا غادين
ادم: ربعة باش ياله نشدو بلاصة
نادية: و شحال ساعة دابا
ادم: زوج
نادية : (ناضت جمعان نوضة) ويلي ويلي شحال باقي ليا اجي فين سيرڤيط لي گلتي
ادم: سيري لمريويا غاتلقاي سيرڤيط حاطها لك فوگ سداري لي كنعس عليه هزيها و تكايسي جبتها لك غي من عند صاحبي
نادية: العز برو
ادم: برو؟؟
نادية: نايس طوف بب
ادم: رجليك خرجو لشواري
نادية: (غادة خارجة من البيت) طوال العمار و لا قصاااار
ادم و وسيم فدقة: و العصبة غادي نجيبووها (مشات دخلات على باها بزز باش خدات من عندو مية درهم خمسين درهم باش تخلص التيكي و لي بقا تصيب بيه شعرها و تخبيها لبسات جلابتها المنمرة و خرجات شدتها بجرية لصالون بعدا هاد الاخت ديما تجري فحالا معرت اش طاري ليها لقاتها خاويا دغيا صيبات ليها شعرها واخا فلخر بقاو مضاربين بين 15 درهم و 20 مابعدا فلخر لاحت ليها ثلث مية و خرجات عوتاني بجرية مشات عند عيشة صاحبتها روح بروح تسلفات من عندها سبرديلة و گلوس دخلات   لدار دخلات لطواليط سدات عليها لبسان سيرڤيط لي جاتها كبيرة حزمتها غي بسير ديال سبرديلة طلقات شعرها لي ولا مسبسب بطبيعة الحال بسوشوار جمعات غي خصلات من جناب دارت الگلوص لي تسلفات من عند صاحبتها )
نادية: احح عليا ليوما نطيح الغاشي (لبسات جلابتها المنمرة و دارت
طيحني التيتيز  الرجاوي💚
By: kawtar Ben
الجزء العاشر
نادية: احح عليا ليوما نطيح الغاشي (لبسات جلابتها المنمرة و دارت زيف على راسها و خرجات لراس درب لقات ادم كيتسناها)
ادم: واش نتي مسطية واش باغا تشوهينا فتيران ياط جبت لك سيرڤيط لاش لابسة هاد جلابة
نادية : تا غي بلاتي اصاحبي مالك كتسبق الاحداث (حيدات زيف و دغيا نصلات الجلابة فزنقة و بنادم حاضيها) هيه مالكم كتشوفو فيا يكما كنشطح لقرودو
ادم: هاي هاي هاي على بنت عمي (صفر) تيتزات
نادية: (بدات كتعوج ففمها و ماقاداها فرحة ) لي زين زين واخا يعوم غي من ثنين لثنين
ادم: تحركي دغيا راغانشدوها على رجلينا
نادية: ياله كلشي يهون على قبل الخضرة
ادم: و هاد جلابة ناوية دخليها معاك
نادية: تالا تسنى (مشات دخلات لمخبزة خلاتها عند مولاتها و رجعات) ياله مشينا
ادم: ياله  (طريق كاملة و هيا كتغني ليه اغاني الرجاء و ماقاداها فرحة)
نادية: ياااه و اخيييرا وصلنا
ادم: ديري عقلك حگا اري ليا فلوس تيكي
نادية: ياله نخلصز بزوج
ادم: تي اري براكة من تسقريم
نادية: واخا هاك زيد رجلي برجلك تاتخلص
ادم: تي واش من نيتك ههه باقا شي ورقة دابا زيدي زيدي را دومونديت عليها نهار لصقتي فيا
نادية: وليني راك شويطين هاه
ادم: زيدي دخلي
نادية: (كتضور فعينيها) احح على الخضر يا خويا الفخامة
ادم: زيدي دخلي و هنينا
نادية: دابا غي گول ليا هاد تيتيز لي لابس الخضر واش ماتخطفوش
ادم: علامن حطيتي
نادية: (بجهد) و شوووف خير ربي تارا نغمض عيني و لي جا فيه صبعي نديه تيتيز اخويا تيتيز
ادم: تانا نغمض عيني و لي جا فيها صبعي نديها
نادية: ياله ندخلو راك ضسرتي
دخلو لتيران و شدو بلاصيهم واخا نادية دارت ليه حالة علاش ماگلسهاش فالمگانة خخخ مسكينة نية  يتسحاب ليها غي لي جا يگلس  ساعة تقريبا و لعابة بداو داخلين
نادية: 😍😍متولي متولي متولي و الله تا متولي متولي
ادم: ديري عقلك
نادية: (وقفات و طلقاتها بتصفيرة) نهار الخضرة سبيسياال
ادم: (بدا كيضرق فوجهو من جيهة تيتيزة لي گالسة حداه من لهيه ناوي يطيح و دراري لي بقاو كيضحكو عليها) ياربي تگاس ياربي تگلس
نادية: هااااح قلبي غاايسكوت
الجزء الحادي عشر:
*بدا استعراض تيفوات من طرف كلا الفريقين الرجاء بتيفواتها و الوداد حتى هيا و لكن فنضر نادية و گاع الرجاوين كتبقى الرجاء هيا الرقم واحد فعينيهم
بدا جمهور الرجاء  و لا نگولو جمهور المگانة كينشد اخر اغانيه بحضور السكوادرة
👽ياعينا من repression ملينا Liberta ولا شدونا گااع
فالڤيراج بصوت الشعب دوينا
حكمتو على خوتنا بالحبااس
هدا مضلوم ماداير والو
لاخر مسجوون ضيعتو حياتو
..بدا الماتش و كلا الفريقين كيحاول يسجل و يبان فالواجهة اما نادية كسرات ليهم البلاصة لي گالسة فيها بالغوات معضورة رجاوية قحة😹😹
ماركات الوداد و الجمهور ديال الوداد تهز فرحانين لفريقم
نادية: تفووووو الله يلگها لبوهم الله يغرق ليهم الشقف
ادم: سكتي ها العار را ياله بادي الماتش سكتي
(دقائق قليلة من بعدها و ماركات الرجاء هدف تعادل و تهز جمهوور الرجاء حتى هوا فرحان لفريقو)
نادية: (تعانقات هيا و ادم بالفرحة و سلمات على تيتيزة لي گالسة حداهم و حتى على دراري لي كانو گالسين كون ماحبسها كون  على كولشي) اررريااا اريااااا ارياااا مربووحة ان شاء الله هديك امتولي حياتي هديك (بدات كتقلز لودادين على اساس غايشوفوها🤦)
*سالا شوط لول و شدات الحتة مع ديك تيتيزة عرفات سميتها رميساء  و بلي كتجي سكوادرة من العائلة غي ليوما مع تيران عامر ماگلساتش قريبة لمگانة اما ادام غي سمع سكوادرة و بدا يخرج القلوبة طلب نادية تاخد ليه نمرة و فعلا خداتها بدا شوط الثاني و سالا الماتش بنفس نتيجة لي هيا تعادل نتيجة لي كانت مرضية لكلا الفريقين و لكن شكوون داها فيك ماجا فين يسالي الماتش حتى ناضت سباط بين الجمهورين كيتشايرو بالكراسا و بنادم غادي هربان اما ادم فجر نادية و تماو خارجين لاتجي فيهم شي دقة و لكن للأسف مع زحام و بنادم كيجري يمين و شمال توضرات نادية على هشام و بقات غي كتجري لا تجي فيها شي دقة
نادية: (كتجري و تگول فخاطرها) الله ياربي الله جينا نتفرجو غانصدق مرزية فعمري ميمتي غي دوز هادي عمرني نحط رجلي هنايا اميمتي (كتجري و كيبانو ليها دراري كيطيحو قدامها هالي مقصح فرجلو هاي مضروب فيدو فراسو ) ميمتي حشومة هاد تيتيز يتعطب بسباب الكورة (ماجات فين تكملها تا بان ليها كرسي تقلع من بلاصتو و غايجي ليها لوجه غطات وجها بايديها باش تالاجات فيها دقة ماتقصحش فوجهها بقات واقفة كتسنا دقة تاحسات بإيد جراتها هزات راسها لقات واحد ضارب اخر ماكين فسيرڤيطات ديال الرجاء هديك لي وراها ليها   وسيم ههه  و داير كاشكول مغطي ليه وجهو بينين غي عينيه جرها و بقاو غادين كيجريو تاخرجها من تيران و كانت معاهم درية اخرى اكيد عرفتوها رميساء )
الولد: نتوما بيخير
رميساء: لباس لباس أ انيس
انيس: و نتي اختي (مع نادية لي ماكيناش فهاد العالم دارت ليه سكانير من راسو تال رجليه و الكاشكول لي هبط ليه على وجهو )
نادية: (فخاطرها) اش هاد تيتيز اسيدي ياربي شايلاه امولاي براهيم واش كنحلم اميمتي واش هدا متولي اس إثنان احح على العوينات
انيس: اختي
نادية: ها نعام
انيس: لاباس ماوقع ليك ولو
نادية: وتاك الخضر
انيس: شنو گلتي
نادية: لا لا ماوقع ليا والو
انيس: واخا مزيان رميساء هاني داخل نشوف لاخرين اش ديرين
رميساء: اويلي واش تسطيتي
الجزء الثاني عشر:
انيس: را خاصني ندخل نشوف لاخرين لي لداخل
رميساء: لا راك شفتي الشغب و زيدون خوك را كين تماك دبا يخرجو
نادية: اه بصح بقا هنا حسن لك
انيس: واخا هاني هنا رميساء غانبقاو نتسناو خويا حتى يجي عاد نمشيو واخا
رميساء: واخا
نادية: بسلامة عليكم نمشي نقلب على خويا فين هوا
رميساء: لا اختي بقاي معانا هانتي شوفي گاع لي خرجو كينين هنا تا يخرج و ديك ساعة سيري
انيس: علاش خوك باقي لداخل؟
نادية : (فخاطرها: خويا لداخل و راجلي هنا هااح اقلبي) اه واقيلا
انيس: ياك مولف اجواء تيران بعدا
نادية: اه اه ماتخافش راه مولللف
رميساء:(واخا ياله تعرفات على نادية إلا انهم دغيا ولاو صحابات و عرفاتها طاحت فانيس😂اصلا حنا دريات كنفهمو بعضياتنا) اه نعرفكم بعدا انيس هادي نادية هرباتو ليا ليوما عرفتي مني بدا الماتش و هيا تغوت حتى سالا
نادية: ههه (واخا على مك مشوهاني مع تيتيز)
رميساء: نادية هدا انيس ولد خالي و عضو فسكوادرة حتى هوا
نادية: متشرفين
انيس: تعيش الخضرا
نادية: (غي قالها قلبها رفرف دق عشر دقات😂) الخضرة ميا مور
رميساء: الصراحة الصراحة و الله تاتواتيو بعضياتكم كوبل خضر يا ل الروعة
انيس: هيا الى عطاتنا نمرتها
نادية: (فخاطرها) جبتو و برب تا عجبتو واا قلبيي تيتيز و رجاوي و عنيبة من الفوق إنه يوم رائع 
رميساء: عطيه واخا تبقاي تشوفي غي سطورياتو فالواتس راشي حاجة بزاف على الرجاء
نادية: اه واخا (ماجات فين تكملها حتى وقف عليها ادم)
ادم: نادية من قبيلة و انا كنقلب علك ياك ماوقع ليك والو
نادية: لا والو و نتا
ادم: خوك مولف غي ياله
نادية: و بلاتي نسلم بسلامة رميساء بسلامة انيس
انيس: و نم(سكتاتو رميساء)
رميساء: بسلامة نتلقاو مرة اخرى
نادية:ان شاء الله
ادم: بسلامة عليكم
انيس: بسلامة