يـا محطه تشـيل گلبي
وتعتني بيه لـ گلبهم❤
راحلين 😥
وماخذين "العافيه"🌷
امتاع بـ كترهم
كعدنا صبح جابولنه ريوك سياح وبيض تحسين روحج كاعده بفندق ٧ نجوم بس اكل مجاني شكال اكل احس روحي رجعت روان قديمه ام بطن صراحه اكل يجنن ماينشبع منه كملنه ريوك وطلعنا نكمل مسيره الى الامام بس شنو نشوف مختلف دول تحسين روحج رايحه لحج معقوله ذوله ناس كل كلام لي كانوا يكولون يعبدون البشر ومااعرف شنو كله طلع جذب صلاتهم وقبلتهم مثلنه بقيت ليل كله اسمع ام حسين هيه تصلي صراحه مصدوم صدفه نمشي واشوف صوره لشخص لي اجاني بمنام شخص مخلين ع راسه ريشتين فوك خوذه مااعرف شنو شكله يجنن وكمت اصيح ع ماما وام علي هذا لي اجاني بلمنام ونسيت الناس وكلها انتبهت عليه وام علي ميته ضحك عليه بس هلكد حبيتها ام علي انسانه ملاك و عرفت من ام علي هو الامام العباس مثل ماكالت ام حسين
وصلنا لمرقد وازدحام لان كالوا اليوم يوم اربعينيه وبابا كال نااجر فندق بس ابو علي ماقبل كال بيت اخو ابو علي قريب على الامام خابره واخذونا يمهم بليل رحنه زرنا طبعا ام علي قويه شوه لزمت ايدي ودخلتني بلزدحام وماما بقت بره
اوووف دخلت المرقد احس دموعي تنزل وحدها ونسوان كل وحده تطلب حاجه كعدنه بمكان و غفيت بحضن خاله ام علي واحس راسي راح ينفجر دخت وصرت شلون غيبوبه وكمت اتقيى بس ارتاحيت بقينه ٣ ايام ورجعنا
بس اني شنو هذا ٤ ايام احس غيرت حياتي كلها رجعت للبيت بديت ابحث على نت ويوتيوب اريد اعرف منو ذوله شنو سالفتهم وهاي الناس لي تبجي بجنون بديت اسمع محاضرات نصدمت احنه نترحم ليزيد وهو قاتل ابن بنت رسول الله ص
كمت لطم وصلت مرحله جنون قفلت غرفه ماطلعت بس ابحث اريد اعرف هاي ناس على حق لو صدك يشركون مثل ماتعلمنه واحنه لي كنت نحتفل بيوم عاشوراء هو مصرع بيت رسول الله شنو كاعد يصير وبعد ٢٦ يوم قررت اتحجب اني كنت غير محجبه وكلت بابا اريد ارجع لكربلاء
ابو روان: شسوين بعد بابا انتي تحسنتي
روان: لا بابا اريد تشيع
ابو روان: انتي تخبلتي اكيد صار شي بعقلج
روان: اي تخبلت وهذا قراري واذا ماتقبل اخابر خاله ام علي تاخذني
ايات: هسه كملت اختي لكفت 🤣
روان: بديت اشرح اهلي كل لي عرفت وهمه بس صافنين وانتبهوا عليه محجبه شنو صار مايعرفون مايدرون هاي ٣ ايام نقطه تحول بحياتي
وصلنه بكربلاء واول مره احس بشوق لمكان بابا يكلي شبيج تركضين بابا واني اريد اطير شلون واحد متواعد ويه حبيبه وصار سنين ماشايفه
وصلت وكمت اعيط لان مخنوكه كنت كل نسوان انتبه عليه بقيت ابجي لحد ماارتاحيت
رجعنا بلبيت طبعا بلبدايه واجهت صعوبه لان شي مختلف عن اهلي بس بعدين تعودت وهمه تقبلوا الموضوع لان بابا ديمقراطي
بعد ٧ اشهر و محاكم اطلكت روان من الساحر المشعوذ بس روان مستغربه سارة ليش ماتجاوب عليها شنو صاير بيها شي
طه اتخرج من كليه وقرر ينتقم من روان ويخطب سارة صديقتها هو غايه انتقام وسارة غايتها تحصل على طه
وروان مسكينه ادمرت حياتها بسبب غدر صديقتها تحس مرات الثقه زايده بشخص تكون سلاح فتاك لقتلك
عرفت روان من ساحر مشعوذ ان ساره صديقتها واختها هيه لي غدرتها وكل صار بيها بسببها بس ليش قررت تروح سارة
روان: شفت سارة اوووف معقوله انسانه لي كنت معتبرتها اختي هيج تطعني
سارة: هلو روان طبعا ساره ماتعرف روان تدري
روان: ليش سارة
سارة: شكو حبيبتي شبيج
روان: شلون تظاهرين بوجهين بنفس الوقت
سارة: هاي شبيج روان
روان: تعرفين كلش زين شبيه هاي تالي ثقه اطعنيني بيش قصرت وياج وكمال حجالي على كلشي سويتي
سارة: انتي السبب انتي بقيتي تسوالفيلي على طه شلون يهتم بيج وشلون يحبج واني حبيته
روان: لا اكيد انتي مريضه نفسيه ولج غير اختي واسوالفج تالي طعنيني
سارة: شتكولين كولي المهم طه راح يخطبني وانتي تصيرين ماضي
روان: خطوبه شنو
سارة: مو كتلج بعدج ماشايفه شي وطه صار محبس بصبعي وراح يجي يخطبني
روان: بلعافيه عليكم بس راح يجي يوم ويكشفج على حقيقتج ويشمرج بشارع
سارة: هههه خوفتيني حجي يفيدج
روان: كل يوم اوكف بلباب واشوف حبيبي طه رجعت نفس قبل بس هو مراح يصدكني لان سارة لعبت بعقله الله لا يوفقها
كاعده وره لباب وشفته اجه هو دخل وفتحت لباب ودخلت وره وصح طه
طه: اوووف صوتها اخخخ ياقلبي ولك لاتضعف هاي عافتك كتلها شكوو
روان: والله هسه عرفت صار
طه : شنو صار
روان: سارة هيه متفقه ويه كمال لي تزوجني وهمه سوالي عمل اعوفك
طه: هههه اكيد سمعتي راح اخطب سارة وماتحملتي كلتي خل ألف سالفه عليها
روان: انت حر تصدك ماتصدك واني ماكتله نفسي عليك بس اجيت احذرك وانت بكيفك بعد
هبه : رجعت علاقتي قويه بروان لان عرفت هيه مظلومه بس طه متسودن مااعرف شبي
روان: خاله والله هاي ساره لي هيه صديقتي لي يريدها طه وهبه تعرف بيها كانت صديقتي هيه لفقت موضوع وهيه اخذتني لهذا شيخ الله لا يوفقها
ام طه: لا تحلفين يمه واني خالتج مااخلي اطب هذا للبيت لو على جثتي
روان: مو راح يخطبها ياخاله
ام طه: ماخلي يخطبها
هبه :حاولت افهم طه بلموضوع قافل
طه: هبه خلص انسي موضوع روان صار ماضي مثل مااهيه قررت تختار حياتها اني هم حقي اختار حياتي
هبه: انت تريد تنتقم من روان ومستحيل راح تحب سارة بس تريد تنتقم وعمرك مراح تحب غير روان
طه: اي عفيه له اضوكها لعذاب لي شفته
مرت الايام وروان رجعت لكليه بعد ماتركت سنه و باجر خطوبه طه وسارة ...
يتبع.....
أنت تقرأ
روان والساحر المشعوذ
Romansaقصه واقعيه تدور احداثها بين عشق الطفوله لفتاة والساحر المجنون الذي يحول هذا العشق الى مزرعه محروقه والصديقه التي تغدر بصديق عمرها ولماذا تسعى لخراب هذا العلاقه تعالوا لنتابع احداث هذا روايه
