حب مجهول 7 🥀
اسد: الدكتور طلع
حرب: اها دكتور شن صار معاك
د. ك: حاله المريض صعبه شويه وفي شي مش متاكدين منه
اسد: شن هوا الشي قول 😨😨
د. ك: احتمال يكون خاصر النضر بتاعه و وجها من جيهت الشضيه رح يتشوه فاء الشي هادي احتمال كبير ياكتر ع نفسية المريض لما ينوض من اابنج
محمد: لالا ان شاءالله خير وما فيه شي تو اتشوفو
حرب: اااخ ان شاءالله
اسد: مسكين عرسه كان في نهاية الشهر هادا معاش مزاله عليه هلبا 💔
محمد: كل تاخيره فيها خيره
حرب: ان شاءالله خير و خلاص
رويات 🖤 🍁Mj Rø🍁🖤
🖤 🍁 mjnont rohe 🍁
تسريع في الاحداث ⏱️⏱️
فاتو يومين كل شي خاش بعضه ضربه شادي ع موعد اللي بيطلع بيه مسلم برا ليبيا و ع شعور مسلم الي يحس بيه اتجاه امل و العكس كل شي كان خاش في بعضه
شادي فاق من التخدير بس الدكتور عطاهم امر كل ما يفيق يعطوه جرعه عشان ما يتعبش روحه في الكلام و يزيد جرحه يلتم و ينقص شويه عشان لما ينوض ما يتاترش بيه هلبا 💔
مسلم هاذا خلوه بروحه من الرغم انا الفتره الي قعد فيها مع امل شويه بس استولت ع قلبه وعقله وحبها بجنون و يفكر كيف رح يخليها معاه
امل حتي هي تعلقت بيه هلبا و تفكر في اليوم الي رح يسلمها لي عمها كيف رح الدير 💔
نمارق ولا ع بالها لا قلب يحب ولا عقل مشغول بتفكير شخص محدد مره مره تحكي مع خالتها و عهد و خلاص 🤷♀️🤷♀️
اسد اشتاق لي امل وكان يحس انا مكانها فاضي و اخي اول مره يفقدها هكي
_______________________
نمارق: ما تطلعيش هكي طول صقع برا
امل: شعري مبلول ضروري انشوف مرات نحصل عنده استشوار من حجات مرته
نمارق: لاكن ولله صخفتني قصته 💔
امل: يلا ربي يعوضه خير
حطيت ويشاح ع شعري وكان قاعد مبلول شويه صح نشفت بي المنشف بس ما فيش فايده ضروري استشوار او مجفف شعر... كملت طريقي و لقيت مسلم مقعمز في الصاله
امل: الحمدلله لقيتك اهني تعال نبي استشوار او مجفف شعر شعري مبلول ونبي انجففه
مسلم: كان يشوفلها بنضرت شوق كبيره واضح عليه من عيونه
امل: حست انا فيه شي غريب قربت منه و حطت يدها ع كتفه... خيرك مسلم فيك شي
مسلم: قاعد مركز ع عيونها ..... اي فيه
امل: احكيلي شني
مسلم: وقف قدامها... تبي تعرفي ❤
امل: اي شن فيك احكيلي
مسلم: جبدها من خصرها لي جيهتا... اني نحبك ❤
امل: اااء بس
مسلم: قبل ما اتقول اي حرف قاطعها بي بوسه
امل: كانت اول مره حد يقرب مني او يبوسني حسيت بامان بين يديه كان قلبي و عقلي وكل شي فيا مجنون بي مسلم ❤
________________
حرب: انتي شن الديري اهني اااء قولي
عهد: شن شن اندير بتاعك هادي جايه نبي نطمن عليه اليوم كيف سمعت بيه 💔
حرب: انتي ولله ماك طبيعيه تي بعد كل شي ما جايه توا تبي تطمني عليه؟
عهد: مش اني الي ننسه العيشره يا.... اسمك لو سمحت ناسياته؟
حرب: حرب اسمي حرب بس بنقولك لو دخلتي و شافك قدامه مستحيل يقعد فيه عقل ورح يخرب الدنيه ع راسك
عهد: هكي انشوفه من بعيد و نطلع وراسك ماني معطله 💔
حرب: باهي هي نخش معاك بس من دون صوت تمام
عهد: تمام من دون صوت وعد
