حب مجهول 9 🥀
تم دوامنه و طلعت اني و عهد وكل وحده مشت لي مكانها كنت واقفه و نستنه في إيهاب يجي و يدرس عليا بس عطل طلعت هاتفي انرن عليه بس في حد مسكني من يدي و يده التانيه صكر بيها فمي 😰😰😰 بس خبطه بي يدي ع مكان حساس من قوه الخبطه توجع و وخر
إيهاب: اي.. تي ليش البراده الزايده توا 😖😖
نمارق: هوا انته تستاهل و بعدين انت علاش درت هكي ااااء
إيهاب: احي هي تعالي اركبي في السياره بس وربي ماك امفوتيها رح انردهولك
نمارق: نينيني مبردك هي وين سيارتك 😒😒
ركبنه في السياره و مشينه لي مطعم كان بجد راقي و حلو و فاخر اول مره نخش لي مطعم زي هاذا الناس كلها كانت واضح عليها راقيه نشبح فيهم و فمي مفتوح واضح عليا الصدمه
إيهاب: صكري فمك افضحتينه قدام الناس 😒
نمارق: عندي حق نفضحك اول مره نخش لي مكان زي هكي
إيهاب: هي قعمزي هاذا رقم الحجز الي حاجزه
نمارق: قعمزت و قاعده مدهوله في المطعم الي اني فيه
إيهاب: اطلبي شن تبي تتعشي يا هانم.
نمارق: اسمع اني ما عنديش فلوس من توا نحسابك بترفعني ع الشط و ناخد نص شاورما من عمي مخلوف ما نحسابكش بتجيبني اهني 😶😶
إيهاب: شاف حاجه غريبه في نمارق صراحته كانت صريحه وما تتحشمش من انها فقيره لا بلعكس كانت تحكي بكل حريه و اتقول انها ما عندهاش فلوس و انها اول مره تجي لي مكان زي هاذا لو وحده تانيه راهي قالت كنت انجي اني و صاحباتي بس هي لا فعلاً الفقر مش عيب
نمارق: شن رايك نمشو لي الشط ولله خير و احسن و تاخد شاورما احلا من زيتوتين و شويه خس مقع ع يامين السونيه و قطيعت لحمه صغيرونه و يقولك وجبه عشي هي هي نوض
إيهاب: تي عادي اني الي بندفع
نمارق: حتي لو انته الي بدتفع فلوس يريحو ع الفاضي هي هي نوض
و بعد جهد و جهيد و هلبا كلام قال إيهاب باهي و طلعو و مشو لي الشط
رويات 🖤 🍁Mj Rø🍁🖤
🖤 🍁 mjnont rohe 🍁
نهال: حليلي عليه وانتي توا وين بتمشي
عهد: توا في الطريق قريب نوصل في العياده ضروري انشوفه كلمني حرب و قالي تعالي
نهال: باهي حبيبتي ردي بالك ع روحك وزي ما قتلك غير نمارق الحماره ما تردش قوليلها العرس تاجل لي بدايه السنه الجايه
عهد: عادي حبيبتي عادي كل تاخيره فيها خيرا اكيد ربي كاتبلك فيها الخير و شني معاش مزال هلبا عليها السنه الجديده شهور بس
نهال: حصيتي ع كلامك الحلو و طمنيني بالله و قوليلي شن صار معاك باهي
عهد: تمام هي اني وصلت نتلاقو
نهال: سلام... نزلت من التاكسي و دخلت لي العياده لقيت اسد و حرب طول رفعوني لي غرفة شادي دخلت بخطوات مهزوزه و اصدمني شكل شادي كيف مولي اول مره انشوفه بلحال هاذا خديت نفس و جمعت قوتي و تكلمت.... اوووه حوبي الغالي لا باس عليك عادي يا عمري ما تحطش في بالك كل. شي رح يتحسن اكيد يا شادي
شادي: انتي شن الديري اهني
عهد: جايه نطمن عليك. كيف شن اندير اهني
شادي: انتي جايه تتشمتي فيا نعرفك اني كلكم كلبات كلكم ما تستاهلوش اطلعي اقلبي وجهك برا
عهد: لو تلزني من اهني لين انموت مستحيل انخليك بروحك بعدين مش اني الي نتشمت في الناس وانته اكتر واحد تعرف يا شادي رح نقعد معاك كل ليله لين تتحسن و يولي حالك باهي
شادي: شاف لي عيون عهد و عرف انها تحكي بجد شادي اكتر واحد يعرف عهد و فاهمها زين من كتر السنين الي عاشرها فيها
