حب مجهول 🔥
الجزء الثاني 3
سرحت في عيونه كانو حادات هلبا
الشاب: بنحي يدي بس ما نبيش نسمع صوتك تسمعي فيا ولا
امل: هزت راسها بمعنه تمام
الشاب: اسمعي شن بنقولك زين وما تقصيش عليا
امل: باهي تمام اختصر قبل ما يجي. حد يشوفني
الشاب: اني ما نبيش انديرلك شي بس هارب من وحدين و نقزت في صوركم و توا خليني نمشي و من دون اي صوت
امل: تحكي في سرها برا غير ما الديرليش شي بس 😥..... اااء باهي تمام برا عادي
قعد الشاب يشوف لي عيون امل شويه و بعدين طلع من الباب الخلفي
امل: ااااوف قلبي قريب طاح خلي نخش لي الحوش قبل ما يجيني واحد تاني
رويات 🖤 🍁Mj Rø🍁🖤
🖤 🍁 mjnont rohe 🍁
سليمه: اني نبي انقوللكم كلام بس ان شاءالله تفهموني وما تتعصبوش
إيهاب: عاقد حواجبه... شني يام احكي
سليمه: ولد خوك حرام يقعد من غير اب و بنتك نفس الشي حرام تقعد من غير ام
اسمهان: فرحت و الابتسامه ارتسمت ع وجها طول
إيهاب: اي و المعنه
سليمه: المعنه انته دور لي روحك ع بنت حلال تتجوزها عشان ولد خوك ان شاءالله رح يكون عنده اب ❤
اسمهان: اختفيت البسمه من ع وجها.. ااء كيف عمتي شن قصدك
سليمه: في واحد جاي يبي يتقدملك و مشالله عليه متجوز و مرته متوفيه و عنده بنيه و شافك هضاكه اليوم في السوق وكانت معاه امه و جيتني لما كنتي تقيسي في القفطان و سالتني عليك و حكينه و خدت رقمي توا يستنو في ردك انتي بس ❤
إيهاب: لو انا ولد ناس و عيله علاش و ولد خوي مستحيل نخلوه كل يوم رح انجو و انشوفوه
اسمهان: بس من قاللكم اني نبي نتجوز بعد المرحوم الله يرحمه 💔
إيهاب: طول الدكر مرته و كيف كان ناوي انا يتجوز بعدها حس بروحه ااخيي مرت خوه قالت ما تبيش تتجوز و هوا نسي مرته و يبي يكمل حياته 💔
سليمه: بس يا بنتي
إيهاب: لا يام خليها ع راحتها وكيف ما تبي هي
سليمه: بس قعدتها اهني رح تخلي الناس تحكي علينا و يقولو راجلها مات و قعدت في حوش شيابينها و عندهم ولد علاش ما جوزوهاش ليه
إيهاب: تي يشيطو الناس يا يام خلينا فينا احني تواو طز فيهم الناس تي كانا بتسمعي حكيهم معاش بتمشي القدام بكل
اسمهان: عن ادنكم توا نبي نرقه لي حوشي
إيهاب: ادنك معاك بري
و طلعت و خلتهم
إيهاب: خليها يام تقعد في حوشها تربي ولدها وهي تخدم و اني مش مقصر عليها شي مصروفها تاخد فيه من غير البضاعه و حجات ولدها خليها في حوشها خير و معاش تفتحيلها موضوع الجواز
سليمه: باهي و انته اني معاش عندي جهد لي اميره و مشالله هي كبرت و تبي حد يقعد معاها و يحافظ عليها لين توعه و تبده تعرف الصح من الغلط
إيهاب: فكرت فيه الموضوع هاذا من قبل 💔
سليمه: اييي يعني في وحده في بالك 😍
إيهاب: فيه بس مش عارف هل اتقول باهي ولا لا
سليمه: ومن هي قولي
إيهاب: وحده ما تعرفيهاش اول ما اتكون الفرصه سامحتلي رح نعرفها عليكم
سليمه: ان شاءالله اتكون بنت حلال بس
ايهاب: ان شاءالله
