سليييمة: احيييي يا لطيف 👋🔥❤️😂
مريم: خلاص قمتي ع العولاق 😒هسي بغير راي
سليمة : لالا ..خلاص ي ست الكل قمت 😂😂👋
سليمة مشت عملت الروتين الطبيعي مم حمام و صلاة و اكل و بقت قاعدة على الهبشة 😂😂😂👋و اطرافا دي بااااردة 🥶🥶
عاوزة تطلع تتشوبر و م بتقدر امها حذرتها م تطلع الا يندهو عليها 😂😂😂😂👋
و فعلا م كانت الا شويتين و ندهوها ..
سليمة طلعت لي ابوها و قعدت في السرير و اللواية مسكتها 😂😂😂👋
طوالي عم هاشم ابتدا اسئلة عن حازم و اصلو و فصلو و عرفتو ليها كم ..و كلمها بالكلام د متين ..
المهم اسئلة التاكيد دي ..يعد الكرسي الساخن خلص سليمة بقت ساكتة ..و راجية القاضي يحكم ..
هاشم: طيب عندك الموافقة الاولية بس..لكن لمن اشوفو و اقعد معاو قعدة رجال
سليمة: احييييي انا منك ي هاشم 😂❤️❤️❤️❤️ياخ بريدك انا عديل كدة(مواااح)
هاشم: ببت ابعدي ..و بعدين شنو هاشم؟ اوعى انا ابوك
سليمة: ياخ بس بريدك 💃💃🔥🔥🔥❤️✨🤣😂
..
خلصو قعدة و نصايح بجاي سليمة اتصلت لي حازم و فرحتو ❤️
و ادت رقم حازم لي ابوها ..
و الفرحة م سايعاها ..
بس في نفس الوقت مترددة و خايفة..و م متاكدة هل اختارت صاح ولا غلط ..
مشت صلت ركعتين و استغفرت و دعت ربها ❤️❤️يقدم الخير❤️✨
و عدت الايام و اتلاقى حازم و ابوها وهي م جايبة خبر اصلا 😂😂😂😂👋
مشت الشغل و حازم قال ح يتاخر جاو شغل طارئ
مشى بيتهم و اتكلم مع هاشم ❤️❤️و اداهو الموافقة و الجيية الجاية قعدة رجال و تحديد الحاجات ❤️❤️❤️✨..
#رجع-الشركة
رسل لي سليمة.
حازم: كدي تعالي ٥ دقايق
سليمة: طيب
دقيقة- و كانت - في- المكتب
سليمة: ايوا ي ريس
حازم: ابوك ادانا الموافقة الاولية نحن كمان 😂❤️❤️
سليمة : شنو ؟ 😳😳متين الكلام د ؟ متين اتكلمتو انتو..
حازم: الليلة 🙂🙂
سليمة: كنت ف بيتنا؟!😳😳😳
حازم: اي 😂😂و بالمناسبة جهزي نفسك عشان ح نجي انا و اهلي يوم الجمعة عديييل😂❤️❤️❤️❤️
سليمة: ok
حازم: يلا يلا ع الشغل بعد د 😂😂😂👋
سليمة مشت مكتبها صميتي سكيتي ..
و ماف زول من ناس الشغل اصلا عارف ولا شامي خبر قايلين بس انو الشغل كتر و سليمة بتساعد حازم في الورق ..
المهم بسرعة الايام عدت ..
#يوم- الجمعة
سليمة و بنات الحلة قلبو البيت فوقاني تحتاني 😂😂😂👋لغاية جحر الفار نضفو و سلمو ع الضب ال فوق المروحة 😂😂😂👋
بعد انتهو من النضافة سليمة شكرتهم و هم مشو فضلت ايمان بس ❤️❤️❤️ممكن تكون دي اقرب واحدة ليها ..
اتحركو ع الكوفير اتظبطت الوش د 👋🔥و الشعر د 🔥👋🔥
عادي قايلين حازم د عريس اي كلام 😂😂😂👋
رجعت البيت اصلا كانت فصلت فستان ظريف كدة ❤️❤️
و قسمت الشعر اتنين برمت القدام و مسكتو بي ورا بي طقطاقة سودا ❤️❤️❤️✨
بس الصلاا ع النبي كانت اييية في الجمال ❤️❤️❤️❤️👋
بعد صلاة الجمعة الناس دي جات مكابسة ..
الجلاليب و العمم تتطاقش ي الله بس 🤤🤤
الرجال قعدو في الصالون و النسوان قعدو جوة في الصالة
و حلا مشت سنترت مع سليمة 😂😂😂😂👋في المطبخ
طبعا سليمة قاعدة في المطبخ عشان تشوف الرجال لانو في شباك فالمطبخ فاتح في الصالون 😂😂😂😂😂😂👋
و الرجال اتكلمو في موضوع العرس و اتفقو خلاص و بقو يتونسو ..
و مع قولة العصر الله اكبر الرجال مرقو الصلاة..
مريم جات لي سليمة و حضنتها ❤️❤️❤️
مريم: الف مبروك ي بتي و اخيرا حشوفك ف بيت راجلك ..ربي يحفظك و يوفقك في حياتك الجديدة ❤️❤️✨
سليمةة: كيف يعني حياتي الجديدة؟ 😒كان م خطوبة
مريم: خطوبة شنو يبت ..ح يعقدو هسي بعد الصلاة
سليمة: شنو 😳😳د منوو ال قال كدة ؟ متين انا وافقن لي كلام زي د ؟
مريم: اجييي يبتي م انتي جايباو ؟
سليمة( اكلتها في حنانها): اي اي خير ان شاء الله 🙂❤️❤️❤️
(في راسا) اصبر ي حازم الكلب اخرتنا فركشة 😑😑وشك الغبي دا
و فعلا عقدو بعد الصلاة ..و د كلو و اهل سليمة موجودين و اهل حازم كمان❤️❤️
ضربو النار و الزغاريد ملت الحي ❤️❤️❤️👋
حازم اتصل لي سليمة ..ردت ليهو عشان امها جمبها
حازم( بتوتر): سليمة!
سليمة(عشان امها جمبها): الله يبارك فيك حبيبي❤️❤️ااااا خلاص كويس
و م ادتو فرصة يتكلم حتى ...قفلت الخط و عملت زي ال كانها خجلانة ..
الرجال وصلو التبريكات والزغاريد ❤️👋
حازم مشى ع الغرفة ال قاعدة فيها سليمة و اول م دخل بنات الجيران قعدو يتهامسو و يضاحكو و جرو و قفلو الباب وراهم 😂😂👋
سليمة( ت يدينها و عاينت لي حازم بي زعل): د ال اتفقنا عليهو ي حازم؟
حازم: سليمة اهدي و م تكبري الموضوع ..خليني اشرح
سليمة ( مقاطعة ): الموضوع اصلا .....
( كو كو كو) الباب خبط
حازم فتح الباب دخل ابوهو ( بابكر) و امو ( فاطمة )
و مريم و عم هاشم و مبسوطين شديد ❤️❤️
حصنوهم و حضنوهم و باركو ليهم ❤️❤️👋
و طلعو ولقو بي قدرة قادر في حفلة و الناس دي و الخيم ابتدو يركبو فيها و الموضوع قلب هوبة و هم الاتنين مصدومين 😂😂👋
اليوم عدا وسط حفلة و مباركات و خدمة و حاجات كتيرة ..
و حازم و سليمة م لقو فرصة يتكلمو مع بعض لي نهاية اليوم ..
و اي زول مشى بيتهم ..
ووحازم من م وصل بتصل لي سليمة و هي م بترفع ..
سليمة كانت راقدة في السرير و بتعاين للسقف و بتفكر في الحصل د ..
في كسر من الثانية خلاص بقت مسؤولة من بيت و راجل..
التلفون ضرب. .
رفعت التلفون لقتو حازم عاينت للتلفون بي خوف و حزن في نفس الوقت ..طلعت تنهيدة طويلة 😔و ختت التلفون صامت و رقدت نامت ..
صباح- اليوم - التاتي
صحت سليمة و اول حاجة شالت التلفون لقت ٨ مكالمات من حازم و منهم اتنين قبل ساعة ..
ختت التلفون و مشت استحمت و صلت ..و نفس الرقدة راسا كان جايط جوطة شديدة ..
طبعا م مشت الشغل ..اول يوم و تاني يوم ثالث يوم ووعدا اسبوع ..
م مشت و في البيت في حالة صمت و شرود دايما ..و حازم بتصل و هي اصلا م جايبة خبر للتلفون ..
ااسبت - بالعصر
باب بيتهم دق ..هاشم فالمسجد فتحت مريم و لقتو حازم سلمت عليهو ❤️❤️
مريم: الف مبروك ربنا يقدم ليكم ال فيهو الخير يولدي❤️❤️
والله اهو انا بقول ليك اي بتي دي لسانها سليط و لميضة و راسا قوي لكن و اقسم بالله قلبها ابيض و ماف منو اتنين ❤️❤️
حازم : اهو انا جيت عشان اشوفا 😂😂❤️❤️👋
مريم: بصراحة م عارفاها اليومين ديل مالها ..طلعتها من غرفتها قلت و حتى كلامها ..و الاكل د زاتو زي اداء واجب بس عشان م تموت
م عارفة الحاصل عليها شنو ؟ و م عاوزة اضغط عليها بكلامي معاها لانها عادة بتحكي لي براها ❤️❤️ هاشم اتكلم معاها و قالت ماف حاجة بس تعبانة من التجهيزات كان يوم انتو جايين و كدة ..
ي هسي في قعدتكم دي حاول اتكلم معاها و شوف الحاصل ..
حازم : كدي وينا هي ؟!
مريم: في غرفتا ..
حازم قام و مشى دق باب الغرفة ..ماف رد و ماف زول فتح
حازم فتح الباب براحة براحة و دخل و قفلو وراو لقاها في سابع نومة لابسة قميص بالاخضر و مرسوم فيهو دبدوب😂❤️❤️
حازم قعد يضحك و ج قعد قصاد السرير ..و مشى يدو ع خدها ❤️❤️
سليمة ولا كانو م جايبة خبر للدنيا 😂😂👋نايمة زي البقرة
لمن هبشا في كتفها ابتدت تصحى
سليمة : ي هاشم ياخ م عاوزة اكل قلت ليك
حازم ( و كاتم الضحكة ): لكن انا حازم
سليمة فتحت عيونا كبار من سمعت الصوت ..و قامت ناطة كانها م كانت نايمة جرت الغطا و غطت كرعينا .
حازم : شافعة 😂😂😂
سليمة: دخلت هنا كيف؟! 😳
حازم ( بي كل برود): قومي غسلي وشك و صلي و انا راجيك لازم نكمل النقاش .. م ح نقعد كدة طول عمرنا ..
سليمة كانت بتعاين ليهو و الخلعة باينة في عيونا 😳😳
حازم ( و هو ميت بالضحك ) : فكي الغطا د لانو اولا انا خلاص بقيت راجلك 😂😂تانيا انا اصلا شوفت اي شي
( و هو مارق من الغرفة ): عندك نص ساعة بس و ح اجيك احسن تسرعي ..
يتبع .....
