حياتي الروتنيه

الفصل التالت

عدت الايام بهدوء بنا ومفيش مشكله من شويه جنان انا كنت بعمله عادي جدا

جه يوم الجمعه اجازته النهارده ..........

صحيت ملاقتهوش جنبي بصيت في الساعه لاقيتها ١٢ الضهر يعني اكيد هو صحي انا هيتعمل مني بطاطس محمره النهارده بس هو الللي غلطان محدش قاله يصحي النهارده بدري منا بتحايل عليه طول الاسبوع يصحي بدري عشان الشغل اشمعنا النشاط النهارده عنده كتير يعني ..........

خرجت الصاله لاقيته في البلكونه روحتله لقيته بيشرب نسكافيه  .........

چنا :. صباح الخير

فارس :. صباح النور

چنا :. اي اللي مصحيك بدري

فارس :. بدري اي يامؤمنه الساعه ١٢ حرام كل ده نوم

اخدت من ايدو النسكافيه وشربت وحطيت دماغي علي دراعه

چنا :. مشاء الله علي النشاط امال فين النشاط ده طول الاسبوع بصحيك بالعافيه

فارس :. هناك فرق وبعدين انتي بتصحيني ٧ دلوقتي ١٢ تفرق

چنا :. خلاص سيبك من موضوع النوم ده لان في اي جدال معايا النوم هو اللي هيكسب المهم فطرت ولا نفطر

فارس :. لا مستنيكي وكنت بشرب النسكافيه اللي في ايدك ده

بصيت للكوبايه وبصتله تاني وضحكت .........

چنا :. اي ده هو النسكافيه ده كان يلزمك في حاجه

فارس :. لا عادي خالص كنت بشربه وملحقتش اتهني بيه مش اكتر بس مش مهم بالهنا والشفا

چنا :. زوجي حبيبي يلا تعال نعمل فطار شكلك جعان اووي وانا كمان هموت من الجوع

فارس :. يابنتي اهدي كل حياتك اكل كده هتبقي عامله زي البلونه

چنا بقمصه :. كدا مش عاوزني اكل

فارس :. ياعمري كلي براحتك بس براحه مش كدا متزعليش يلا نعمل فطار

خدني ودخلنا المطبخ وعملنا فطار وعملتله نسكافيه بدل اللي شربته

فارس :. وانتي مش هتشربي نسكافيه

چنا :. لا شربت وبعدين مش هعرف اشربه مع الاكل

فارس :. طيب

قعدنا ناكل شرب اول بوق من النسكافيه من هنا ومعرفش اي اللي خلاني اخدها منه واشرب مع اني مش بحب اشرب النسكافيه مع الاكل ........

فارس بغيظ :. هو مش انا قولتلك اعملي كوبايه ليكي بتشربي من بتاعتي ليه

چنا ببراءه :. عادي انا مش بقرف

فارس بستنكار  :. نعم مش بتقرفي

چنا :. اه هو انت بتقرف ؟؟؟