حياتي الروتنيه

الفصل الرابع

فضلت اتخيل مشاهد الرعب كل اما اغمض عيني مبقتش عارفه انام وفارس لاقيته نام بعمق حضنته وخبيت وشي في ضهره بس برضه مش عارفه انام خلاص كنت قربت اعيط من الخوف والرعب اللي انا حساه كنت خايفه اصحيه ليضحك عليا بس مش مهم المهم اني اطمن صحيته ...........

چنا :. فارس فارس اصحي يافارس

فارس بنوم :. في اي ياچنا

چنا:. انا مش عارفه انام وخايفه اوووي

فارس :. خايفه من اي ؟؟؟؟

چنا بخوف :. كل اما اغمض عيني بشوف مشاهد من فيلم الرعب اللي شوفته

فارس :. انتي بتخافي من افلام الرعب ؟؟؟؟؟ مش انتي قولتيلي انك مش بتخافي

چنا :. كدبت عليك انا بترعب منهم جدا

فارس :. طب ليه مقولتيش

چنا :. حبيت اشاركك حاجه بتحبها

فارس بحنان :. طب عشان تشاركيني حاجه بحبها تجي علي نفسك كده انا اصلا عادي مش بحب افلام رعب اووي بصي مش مهم تعالي في حضني ونرغي في اي حاجه وانا مش هنام غير متاكد انك نمتي

چنا :. انا اسفه يافارس اني صحيتك بس بجد مش عارفه انام انا جبانه

فارس :. متقوليش كدا عادي مش لازم تحبيها يعني انا اللي اسف اني مأخدتش بالي انك خايفه يلا تعالي

خدني في حضنه وقعد يلعب في شعري وانا دفنت وشي في صدره بحاول انام عشان متعبوش اكتر من كدا واخليه ينام بسرعه بس برضه مش عارفه رفعت راسي

چنا:. مش عارفه انام برضه

فارس :. براحتك عادي كدا كدا بكره اجازه

چنا:.  بس انت برضه هتتعب ومش مجبر تفضل صاحي كده وانت هتموت وتنام

فارس :. عادي ولله مانا قبل مانتجوز كنت بسهر عادي يعني علي الاقل كنت بسهر لوحدي دلوقتي انتي معايا

چنا :. كنت بتسهر ليه ؟؟؟؟

فارس :. عادي اوقات شغل اوقات تانيه كنت ببقي نايم بالنهار وباليل بتفرج علي افلام بس مش زي دلوقتي فيلم واحد لا بسهر اتفرج علي كذا فيلم او اكلم صحابي

چنا :. انا كنت بسهر برضه اتفرج علي افلام بس كانت ديزني

فارس بضحك :. مش بقول طفله

چنا :. لك أن تتخيل الطفله دي اللي كانت بتتفرج علي ديزني فجأه تنط وتروح يوم متتفرج تتفرج علي رعب

فارس :. اي اللي جابرك علي كده بكل سهوله كنتي قولتي غيره كنت هغيره بصي بعد كدا انتي اتولي اختيار الافلام ماشي

چنا :. لا بلاش خليك تتفرج علي ديزني وحاجات اكيد هتشوفها هبله

فارس:. اقولك حاجه سر