حياتي الروتنيه

الفصل الاخير

فارس بخبث:. حبيبي وتبوسيني مره واحده تطورنا اووي لسه من ساعتين بس كنتي بتتكسفي

چنا بدلع :. عادي بقا جوزي حبيبي وادلعه واحب فيه براحتي ولا انت عندك رأي تاني .....

مسكته من التشيرت بهزار وقربته مني

فارس:. براحتك ياقمري انتي تعملي اللي انتي عاوزاه

مسك ايدي وباسها ........

حضنته ودفنت وشي في رقبته

عدي اسبوع علي اللي حصل ..........

النهارده فارس راح الشغل بدري صحي قبلي ومشفتوش كنت لسه هكلمه في التليفون بس قولت بدل ما اكلمه اعمله مفاجاه واروحله .......

وصلت مكان شغله وسالت علي مكتبه وطلعتله فتحت الباب ولسه هخش اتصدمت من اللي شوفته لاقيت بنت قاعده علي حرف المكتب ولسه هتقرب منه بس اتخضت لما انا دخلت ووقفت اتصدمت من اللي هي لابساه لبسه جيبه قصيره جدا وبلوزه وفاتحه منها اول زرارين ده اي البجاحه دي كنت لسه هعيط من المنظر بس اتماسكت ودخلت ببتسامه علي فارس اللي ملامحه كانت كلها غضب بس اما شفني ارتبك شويه ........

چنا :. فارس حبيبي

فارس ببتسامه :. تعالي ياحبيبتي اعرفك انسه هبه زميلتي هنا في الشغل اعرفك يا انسه هبه مدام چنا مراتي

روحت ناحيتها ببتسامه مزيفه وانا نفسي اصلا اجبها من شعرها :. اهلا يا انسه هبه اتشرفت بيكي

هبه بغيظ :. اهلا مدام چنا انا اللي اتشرفت بمعرفتك بعد اذنكوا اسيبكوا براحتكوا

خرجت من المكتب وانا بصيت لفارس بغيظ

چنا:. اي ياحبيبي مالك

فارس:. لا ابدا مفيش انتي عامله اي

جنا :. انا كويسه انت فضلك كتير ولا قربت تخلص

فارس :. لا فضلي شويه صغيرين بتسالي ليه

حطيت ايدي حوالين رقبته .......

جنا:. لا ابدا اصلك وحشتني الصبح مشيت قبل مااصحيك ومشوفتكش قولت اعملك مفاجاه واجيلك

فارس:. احلي مفاجاه دي ولا اي نورتي مكتبي

چنا :. طب يلا بقا خلص شغلك عشان نروح

فارس :. حاضر ياحبيبي عشر دقايق واكون مخلص ونمشي

قعدت علي الكرسي اللي قصاده ومتغاظه من اللي حصل بس الصبر حلو اما نروح نتفاهم انا متاكده انو اتفاجأ من اللي هي عملته والا مكنتش ملامحه تبقي عليها الغضب ده كله ممكن يكون اول ماشافني ارتبك لاحسن افهم غلط بس اما نروح لازم يحطلها حدود عشان انا مضمنش نفسي لو الموقف ده اتكرر تاني انا ممكن اعمل فيها اي ........

خلص الشغل ونزلنا ركبنا العربيه وروحنا البيت كنا ساكتين طول الطريق ومحدش فينا بيتكلم وصلنا البيت حضرت الاكل وهو غير هدومه وقعدنا ناكل ومحدش فينا عارف يتكلم انا سرحانه وهو بصصلي مش لاقي كلام يقوله.......