مساء النور
#غد-علي
اديل : وره مارجعنه من بغداد اخذ مني تلفوني وبينت انو هو اعلن عليه الحرب نمت وثاني يوم كعدت كلش
من وقت حتى اساعدهم لان ماريد اسمع كلمه تغث واني اعرف بنفسي اذا سمعوني كلمه تغث مراح اسكت
والشيخ مناف مراح يرحمني فكلت من البدايه انزل اساعدهم واخلص نفسي من الشر نزلت ساعدتهم
العصر اجتي مره بس عيونها تنقط سم جنت واكفه بالمطبخ اني وسعاد ورقيه ورتاج مرت علي فاتت
هاي المراة الي اسمها اشواق جهال رتاج كامو يبجون هي راحت تشوف جهالها
اشواق: سعاد امج تريدج
سعاد: عمه ماعرفتي امي شنو تريد
اشواق: شمدريني كالت صيحيلي سعاد
اديل : طلعت سعاد بقيت بس اني ورقية واشواق كلبي حسني راح يسون مصيبه انتبهت اشواق سوت
حركه بعينها لرقية بس مافهمت شنو معناها اتفاجئت من رقية ذبت على ايدها القوي مال الجاي وكامت
تعيط
رقيه:ليش هيج اني شنو سويتلج
اشواق: الله لاينطيج هذا كله بس لان البنيه كالتلج صبي الجاي
اديل: بقيت صافنه عليهن شويه ودخلت شيماء وسعاد على صوت عياطهن
شيماء: خير شكو ليش صوتكم واصل لسابع جار
اشواق: شوفي هاي العرمة بس لان رقية كالت الها صبي الجاي كامت وحركتها باجاي
سعاد: معقول لا اديل متسوي هيج شي
اديل: سعاد والرب جذب ماحركتها
اشواق: يعني اني جذابه
اديل: الي على راسه بطحة يحس عليها
رقية:ولج انتي مشايفه تربيه ابيت اهلج
اديل: اني متربايه احسن منج فاهمه لو لا
رقيه : والله هسه عندي استعداد احلف على القرآن انو هي الي بلشت وحركت ايدي بدون سبب
اديل: كالو للحرامي احلف كال اجه الفرج
اشواق:لج انتي شنو هذا السانج الطويل شو تعالي خلي اربيج
اديل: رادت تتهجم عليه خفت تكتلني شفت اكو سجينه على السنك سحبتها ورفعتها عليها هي خافت و
وخرت وراها رحت مثل الجهال اشتك للشيخ مناف اجه رزلني وكلي اصعدي لغرفتج صعدت وقفلت
