صباح الورد على احلا متابعين
#رغد-علي
اديل: اجتي على بالي فكرة اسوي مفاجئة لسرى بيوم
عيد ميلادها انتي اتفقت وية فرح على الكيك والببسي
بس واتفقنا نسويها مفاجئة احنا داومنة اول سنة بالجامعة
سوية بنفس القاعة بس ثاني سنة اني مداومت لهيج هم
سابقيني بمرحلة جنا طاكين كومة صور بالمرحلة الاولى
اخذت صورة لسرى حلوة وديتها لمحل كيك واتفقت وياهم
يسوها بيومها رجعت للبيت بس بدلت وطلعت لبست تنورة
حمرة قصيرة وياها قميص ابيض وبية من الجوانب خط
اسود عريض ولبست حذاء كعب شفاف وجنطة صغيرة
تنشال بايد وطلعنا كعدنا بمطعم على الشط بالليل طبعاً
فرح اتفقت وية ابو المطعم حتى يفوتون الكيكة فجائة
بوقتها تونسنا بس يافرحة ماتمت جنا كاعدين بالمطعم
طلع بوجهنا مناف جان جاي هو وياه جماعة مال رياجيل بس مانتبه علينة ماشافني ماعرفتهم من شفتة خليت البنات
يستعجلون وطلعنا بسرعة وصلت طيبة لبيتها
طيبة : بنات ماما رايحة لبيت خالتي واني اضوج وحدي
تعالو انزلو يمي هم نرتاح وهم نكمل سوالف
فرح: والله خوش فكرة حتى ناكل من الكيكة الله لا ينطي
لفد ناس خبصونا خبص حتى نطلع
اديل: ههههههه خوش بسمار
سرى : بس تعرفين فرح تحسنت حالتها قبل جانت تنطيها
بالوجه هسه كامت تنطيها بسامير
فرح: اني نازلة وياج طيبة وهذني وكت يكملن حديث
عود يشرفونا
اديل: نزلنا يم طيبة بصراحة اخذنا راحتنا هنا اكثر من
المطعم
فرح: اكولج طيبة عندج ديجي
طيبة:عندي واحد صغير
فرح : جيبيه
اديل: راحت طيبة جربتة وطلعو بية اغاني وكامو يركصون
واحنا اني وسرى نصفك ارتاحيت من حسيت سرى فرحت
وراها رجعنا للبيت نمت لحد ثاني الظهر ثاني يوم كعدت
من النوم سبحت وبدلت وكعدت اتصفح بتلفوني شفت اجتني
رسالة من اكرم كاتب ( كلش حلو من تحتفلين بعيد ميلاد
صديقتج بس مو حلو هذا البس انتي مو هيج طبعج من جنتي وياية جان لبسج زين صح مو محجبة بس تلبسين
مستور بس هذا جود هو الخربج وهو الخرب بيني وبينج)
