مساء الورد هذا لعيونكم بارت ثاني اعتذار عن التاخير
#رغد-علي
اديل: ها ماما عزا بس لا سمعت افكاري واني اكول امي
متعرف تطبخ هههههههه
كرستين: وينج تعالي
اديل: اي اجيت اجيت نزلت ركض
كرستين: انتبهي لاتوكعين بالله انتي الي يشوفج يكول بنية
شابة
اديل: ليش قابل شبية
كرستين: سلامتج بس مثل الاطفال تكمزين
اديل: غير عندي طاقة زايدة وجاي افرغها
كرستين: اكولج انتي ام الطاقة ترة حبيت
اكولج اني اشتريت عمارة بالقادسية
اديل: الف مبروك
كرستين: الرب يبارك بيج
اديل: ماما حبيبتي نور عيوني كلبي
كرستين: كافي صبغ وكولي شنو تردين
اديل: اريد سيارة عالية
كرستين: وشبيها سيارتج
اديل: ماما اني بنية صعب علية سيارة كير عادي حبابة
كرستين: ماكدر اشتريلج هسه لان ماعندي
اديل: حبابة ابيع سيارتي ونزيد فوك فلوسها ونشتري سيارة
غيرها اريد برادو بيضة
كرستين: اديل كومي من يمي
اديل: فدوة ماما فدوة اني ماحب هاي السيارة احسها فكر
فكرتني ورحت فصلية
كرستين: ولي من يمي
اديل: ضليت اسبوع كامل ازن براس ماما لحد ما ملت
وقبلت بعت سيارتي وماما زادت فوك فلوسها وشترتلي
سيارة برادو جديدة من الوكالة ما ماشية سوتها بقسطين
واحد دفعتة وبعدلها واحد بوقتها ماما جانت تمر بفترت تقشف
لان اشترت سيارة لاندكروزر وراها بكم شهر اشترت العمارة
وهسه اني بقيت ازن براسها اجا سؤال بالي ماما من وين
جابت فلوسها سالتها كالت من ارباح ورثها الشغلتة بالتجارة
وجانت تريد تاخذ قرض بس خالي هشام مقابل وراد يداينها
بس هي رفضت وباعت حصتها بيت جدي الي هو ابوها
اليوم جنت كاعدة والله ذاب بداخلي كميت تفاهه مو معقولة
سالتها ... اكول ماما جدي الي هو ابوج جان يشتغل حرامي
بالدولة حتى كل هاي الفلوس عندة
كرستين: ايا طايحت الحض
اديل: كالت هيج ورفعت علية النعال اني ركضت على الدرج
بس وين بعد اكدر انهزم اجه بنص ظهري وهو لاستيك كمت
اكمز اخذ شهرين واني راكنة السيارة بالكراج لان بدون رقم
بس خالي هيثم عندة عرف وطلعلي الوحات حبيت اسوي
عزيمة لصديقات وصدك اتفقنا نطلع للجزيرة كلنا رحنا على
طيبة امها جانت مجهزة النا الاكل بس متقبل تروح ويانة
احنا اصرينا عليها ورحنا كعدنا ناكل وراها اجرنا بايسكلات
(دراجات هوائية) واشترينا طوبة ولعبنة الي يشوفنا يكول
جهال مو بنات كبار ام طيبة بقت كاعدة مقبلت تجي ويانة
ضلت هي وسرى لان انلوت رجلها ومتكدر تكوم تفتر ويانة
ردنا نرجع بس مقبلت كالت اني مابية شي بس رجلي نلوت
لا تخربون الطلعة بسببي رحنا لعبنا هواي العاب وراها رجعنا
رجعت للبيت واحنا بالسيارة من وصلت طيبة كلتلها ترة
الاسبوع الجاي نطلع خلي نلحك نتونس قبل لا تخلص العطلة
مو تكولي ماجي
طيبة: ان شاء الله
اديل: وصلت طيبة وامها وراها فرح ورجعنا اني وسرى
سوية للبيت لان بيت اهلها يم عمها سرى هاي قصة ثانية
تختلف عن كل صديقاتي حسيتها مو طبيعية لهيج اخذتها
وياية للبيت حتى من احجي وياها محد يسمع لان امي
مو بالبيت طالعة وية مرت خالي ... شبيج سرى منو مزعلج
سرى: ابوية
اديل: شبية
سرى: طلع متزوج على امي وعندي اخوان اصغر مني بكم
سنة
اديل: انقهرت عليها وبقيت واواسي بيها وراها امي رجعت
ولليل بقت سرى يمنا تعشينا وراها رحنا نتمشى سوية هي
راحت لبيتهم واني رحت للسوبرماركت اشتريت جبس
وحلويات وببسي ورجعت للبيت اجتي على بالي فكرة
يتبع......
شلونكم ياحلوين اني جداً اسفة على التاخير وهذا بارت
ثاني انزلة كاعتذار لان تاخرت كلش احبكم بكد رحمت الله ❤️❤️❤️❤️
