Love Me, Lods

SEVENTH

"YAWA!" Gulat akong bumangon sa kama nang sinabuyan ako nila Steffie at Yuri nang isang baldeng tubig na may mga yelo. Punyeta!

" Die, bitch." Steffie laughed hysterically. Bakit ko ba naging kaibigan 'tong mga' to?! Kaibigan ko ba talaga sila? I'm starting to hesitate.

" Mga hayop kayo!"  Tumakbo sila nang akmang sasabunutan ko sila. Hinabol ko sila at paikot-ikot kami dito sa kwarto, natigil lang ako nang ma-slide ako. Mabuti nalang at hindi ang ulo ko ang nabagok.

" Ouch! Ang sakit." Ngumiwi ako at hinawakan ang balakang ko. Puta, magkaka-cancer ata ako sa buto nito.

" Chill! Walang swimming pool dito." Natatawang sabi ni Steffie habang tinutulungan akong tumayo.

" Ano bang ginawa ko sa inyo, ha?! Ang gandang alarm. Creative!" Sarcastikong sumbat ko sa kanila. Grr, so cold! Nalasing lang naman ako kagabi, bakit pag gising ko, nasa Antartica na ako?!

" Kulang pa 'yan sa ginawa mo kagabi!" Sabi ni Steffie na nakasandal na ngayon sa pintoan. Napahawak naman sa temple niya si Yuri, namomoblema saamin.

Napatigil ako sa pagmasahe sa balakang ko. Kunot noo ko siyang tinignan. Nalasing pala ako kagabi! Ano nanaman ginawa ko?! Hindi ko alam kong bakit ako kinakabahan, parang may kulang kasi sa mga naaalala ko kagabi. Parang may mali talagang nangyari.

"Huh? What do you mean?" Confused kong sabi.

"Mahabang kwento! Madami kang kagagahang ginawa kagabi! But before anything elese, maligo ka muna bago namin i-chika sayo. Kaya, g na!"

Tinulak ako ni Steffie sa banyo.

" Ha?! Ano bang ginawa ko?" Nag papanic ngunit kalmado kong sabi. Dapat chill lang.

" Mamaya na kasi! Maligo ka na. 10 am na for pete's sake. Malalate tayo sa group study."

Hindi pa ako nakakasagot nang isarado niya ang pintoan. Naiwan naman akong tulala do'n.

" Dont worry! Ipapamukha namin ang kagagahan mo mamaya! Kaya maligo ka na! At kung maalala  mo, wag kang magpakamatay diyan!" Pahabol ni Steffie.

Inis kong hinubad ang damit ko at binuksan ang shower. Iyon parin ang suot ko. Mga walang hiyang iyon!

" Bakit ba lasi kailangang sabuyan ako nang nag-yeyelong tubig?!" Sabi ko habang naglagay nang shampoo sa palad.

Sa inis ko ay ginamit ko lahat nang products dito sa banyo nila. Body wash, body srub, pati akojic niya! Conditioner, iyong pampabango sa buhok, at hair vitamins, ang shampoo naman ay hindi ko inilagay lahat sa buhok, makakalbo ako pag nagkataon.

Sinigurado kong sobrang dami ang binawas ko do'n para mainis siya saakin . Akala mo ikaw lang pwedeng mang-good time?! Siz! Si Eira, 'to! Ako to, siz!

Pagkatapos kong maligo ay chineck ko ang phone ko. 10: 25 na, so I decided to change already.

" Siraulo. Hindi niya naisip na kama niya ang binasa niya." Nag evil laugh ako. Napaka bobo ni Steffie! Saan siya matutulog mamaya kong basa ang kama niya?! Sa sahig pwede rin.

Mabuti nalang at nandito na iyong bag kong may laman nang damit ko kaya hindi na ako bumaba. White shirt and high-waisted maong shorts ang dala ko. T-nuck in ko ang shirt ko at nag belt na black to add some spice. I dried my hair and tied it into a bun. Pagkatapos kong mag medyas ay kinuha ko na ang small backpack ko at lumabas na.