القيادة العامة للقوات المسلحه🔥

فرح عمو😍😍

اهلين ياهوووو😀

اسمعن يابنات فرح عمو مازال عليه اسبوعين باهي
وحدة اتقولي مبروك انسود يومها وانشخشبها في امعيشتها
كلكن قولنلي العقبالك😊
المهم بالله عليكم يا عرب البيضاء ماتسكروش صالاتككم نبوهن
صالة قورينا الي في شحات مابوش يفتحوها عطهم داء😒
ونحنا مصرين الفرح يقعد في صاله حتى وكورونا قاعدة عادي
ايجيني الكورونا ولا يقعد فرح عمو في حوش😢
اسمعن يابنات نبي نكتبلككن الشتاوي الي نعرفهن على هل العريس كلهن
وأنتن جيبنلي الباقي
عشان نقهرو  هل العروس يوم الرمو😍😍
بنات الغرب قولن شتاويككن نحنا مانعرفوهنش شتاويكم
خلني انجيب أغرب شتاوي ونجقب على هل العروس😎
وعلى فكره راا العريس اسمه وائل
وزي ماتعرفن قبيلتي الحاسه😍😍

يلا نبدو بسم الله😊
احم احم....

كمل يامولاي علينا...بسم الله الفرح بدينا
"اقدم شتاوه في حياتي😂😂"
معروفين ذهبنا صافي...مانا مجهولين مخافي
ياعيني مانك منهاسه...غاليك من وسط الحاسه
انشاءالله تقسم يالبنات...طويل وحاسي من شحات
ركابين كراهب فخمه... خشاشين طريق الزحمه
وانشاءالله الحافظ مولانا...مالعين  السوده المعيانه
يا مبروك عليه ولدنا...خمسه فعين الي حاسدنا
مبروك عليكي ياعين...حاسي من جييل التسعين
خلاص تواطن يالعيون...الغالي درنالا واشون
الغالي درنالا دولاب...امعاش ايعلق فوق الباب
يا مبروك عليه افروحه...رزق حلال وخدمة روحه
نفخر وين انقول عمامي...ياصيت امنووور قدامي
شكله ناويلك ع الراحه...جايبلك حوش بمفتاحه
معروفين قمرنا عالي...لوطه ماانحقو في والي
مطلوقين علي راحتنا...والعيبه ماهي صنعتنا
اجدودك ياباهي اﻷطباع...مشايخ ما فيهم تباع
معروفين بصيت وسمعه ...كيف الخطبه يوم الجمعه
نحنا ناس عصاره ديما...مانديرو للواطي قيمه
انشاءالله اتجيه حنونه كيفه...نشاد ورحاب بضيفه
كل صعيب علينا ساهل...والي مايعرفنا جاهل
مايركع فيت المولاه..سلم بوه الي رباه
راسك عالصلايا ديمه...حصلتي سمح التبسيمه
اوئيله يستاهل اﻻقدار...احنين عالعيل والجار
رفع الراس عليه اربينا...مسا ياعين تواطينا
يستاهل اﻻقدار قناطر...عمره ماوجعلي خاطر
نحنا في العناد حشيشه...طياحين الصقر بريشه
لباسين الكاط الخايل...مشايين لكل قبايل
الي يجهلنا يسئل عنا...نص السوق كراهب هلنا
هلنا كيف جوامع مكه...كل الزين عليهم تكا
حاسيات احضور بهلنا...ماملي خشمه نزلنا
حاسيات الخيط الحاسر...مايلمسنا غير الجاسر
حاسيه أتبحت لافوق ...سوف غلاها اوعرر سوق
حاسيات غلاهن واعر...غنا بيهن كم من شاعر
حاسيات عليك حراره...كيف صبايا باب الحارة
نحنا لا فرقه لا فرقات...الفرح ايقيمنا البنات
الي ماهو واخذ حاسيه...لااجوز لا دار وليه
سلم جدي فارس ناسه...داير ضنوه ترفع راسه
سلم جدي عابي بينا....داير حوشه كي المدينه
نحنا عملوه من جد الجد...علينا مايتعلى حد
انعنه زولك ماايتوارا...يام الرجاله  العصاره

واﻷغنيه المشهوره الي في كل فرح لازم انغنوها
سلم خوته الي صبوله...تصباية عسكر في دوله😂😂
وحتى هذ
يااوئيله سلم ابنخياتك...دارن غير الي والااتك

عمامي يااعرجون الفل...غلاكم يرقا ماينزل
حوش الجد انجوه طرابه...نمشو وانخلوه خرابه
هوها ياهوها...عيلتنا هضا جوها
والي ما يعرف جونا...اجعنه ياخذ سونا
والي مايعرف جوي نا...ايعدي في ستين بلا
وياخالق لنمل بيوته...نجي سواق التيوته

عمامي أغلبهم في الشرطه وسياراتهم تيوته😅

والي ماتشتي حي عليها...عشر اسنين مع والديها 😂😂
والي ماتشتي هيا حره...ايجيب عليها رابع ضره😂

هي يابنات شتن ولا تقعدن امعنسات في الحوش😂😂

لكن فعلا يابنات رانا عنسنا صاحبتي أمدادي م2005
انخطبت من واحد م2000 وفرحها في شهر يا ثمانيه يا تسعه
ينعلي ياربي عنسنا😭😭
بس ولاهي فرحتلها ربي يسعدها انشاءالله❤❤
طيوبه بككل تستاهل تاخذ راجل اكويس❤❤

يالبنات ويالبنته...كل خميس ايعدن سته
انشاءالله تمشن يالبنات...كيف كروت النقالات
كل ابنيه الله يعطيها...شهادة وراجل ميت فيها
حيحيحيحي👏👏👏👏هووويء هووويء👏👏👏👏

باي باي
شتن اااه ولا اتعنسن😂😂