القيادة العامة للقوات المسلحه🔥

شراقه وغرابه "ليبيا❤الحبيبه"2"

اهلين قلبوشاااااتي😍

طبعا هذا الجزء الثاني من بارت شراقه وغرابه ليبيا الحبيبه
الجزء اﻷول قاعد في اكتابي لوولي"الله ينصر ...خليفه بالقاسم حفتر"

طبعا من قبل في الجزء اﻷول كنت نحساب هذين بس الفرق في اللهجة بس طلع في كلام وااجد أخرى

يلا بنا يللل...
أاعد لوحدك🎵🎵🎵
كدا سرحان🎵🎵🎵
الشيطان يوزك 🎵🎵
في سكه اشمال🎵🎵
يفدل يأولك ألعب يلع🎶🎶🔥🔥
ما تلعب يلع 🎶🎶العب يلا🎶🎶ماتلعب يلا😂😂

الله عليك ايام لما انشهرت😍😍
المهم.....

يلا نبدووو

الشراقه(خلاص)
الغرابه(ياسر)

الشراقه(رايفت عليك)
الغرابه (استاحشتك)

الشراقه(عوايز)
الغرابه (اماعين) وفي شراقه ايقولو "اماعين" بس اﻷغلب "عوايز"

الشراقه (رمضان)
الغرابه(رومدان)

الشراقه (متعقد او امعصب)
الغرابه (متكنطي او متعفلق)

الشراقه (شكله)
الغرابه(شوره)

الشراقه (عدي)
الغرابه (بري)

الشراقه (شوكالاطه)
الغرابه (شكلاطه)

الشراقه (بدري)
الغرابه (بكري)

الشراقه (بكرى)
الغرابه (غدوه)

الشراقه (خيي او خيتي)
الغرابه (وخيي او وخيتي)
بس في اﻷغلب نستعملو في خوي وأختي نحنا اﻷثنين❤

الشراقه(نرتعد)
الغرابه (نرعش)

الشراقه (وليه "والجمع" صبايا "للملك" مراتي)
الغرابه (مرا "والجمع" نساوين "للملك" مرتي)

الشراقه (اﻻثنين)
الغرابه (الزوز)

الشراقه (شايب)
الغرابه (شيباني)

الشراقه (اضبطتها)
الغرابه (حضنتها)

الشراقه (نحكي انخرف ندوي انسهري)
الغرابه (نهدرز)

الشراقه (خطرها)
الغرابه (حقا)

الشراقه (زيي)
الغرابه (زيني)

الشراقه (ووه عليا)
الغرابه (ووك عليا)

الشراقه(شن دايره)
الغرابه (شن امدايره)

الشراقه (معليش)
الغرابه (معليشي)

الشراقه (سمح)
الغرابه (امليح)

الشراقه(قعدت)
الغرابه (وليت)

الشراقه(سما،عشا،جا،نحنا،هنا،انا)
الغرابه (سمي،عشي،جي،احني،اهني،اني)

الشراقه(سباط)
الغرابه (شبشب)

الشراقه (عويل)
الغرابه (اصغار)

الشراقه(عليها)
الغرابه (علاها)

الشراقه (تذكري)
الغرابه (تتفكري)

الشراقه (نسبح "او" اندير حمام) 👉
الغرابه (ندوش) وفي شراقه ايقولو "اندوش" بس اﻷغلب هذين👆

الشراقه (رفعتها)
الغرابه (قمتها)

الشراقه (قتلك)
الغرابه (قولتلك)

الشراقه (تن)
الغرابه (طون)

الشراقه (حولي أو حيدي)
الغرابه (نحي او زيحي)

وع فكره الغرابه مايقولوش نجكلي ، حانطة ، سامطه
اتحسيها غريبه مايقولوش فيهن😂😂

والغرابه ايقوولو في كلام نحنا مانقولوش فيه زي
مرزن دمك ، قداش ، ياناري ، ياغزالي .....غريبه اشوي لهجتكم😂

وفي كلام ماذكرتش قاعد في اكتابي لوولي زي ماقتلكم بدري
اكتاب"الله ينصر...خليفه بالقاسم حفتر❤"

وبالنسبه للي قالو سرت سيطروو عليها الميليشياااات
خليكن ماتجيبن على الدنيا علم اسمله عليككم
مندام قاعدينلهم رجاله مش حيخشووو🔥🔥🔥

بااااي ياغزالاتي😂😂❤