Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Ginoo, huhubaran kita. Huhubaran kita hanggang sa walang matira. Dahil nais kong makita ang iyong kahubaran. Nais kong masilayan ang iyong kabuuhan. Nais kung malaman kung gaano ka katigas. Kung gaano ka kalaki't kung kakasya sa aking butas Ika'y aking pag-iinitin hanggang sa labasan Papaligayahin ka hanggang sa pagpawisan
Ginoo, hayaan mong hubaran kita sa paraang alam ko
Hayaan mong hubarin ko ang mga kasuotang tinatakpan ang iyong tunay na pagkatao
Wala akong ititira upang pagtakpan ang iyong kahubaran
Sapagkat wala nang gaganda pa sa tunay mong kabuuhan
Pati ang maskara sa iyong mukha na laging nakangiti
Ating palitan ng tunay iwaglit na ang pighati
Nais ko ring malaman kung gaano na 'yan katigas
Ang iyong pusong sinaktan ng panahon habang hinahabi ang oras
Dahil kung matigas na'y aking papalambutin
Sa pag-ibig ko'y ika'y hahaplusin at hindi bibitinin
Nais kong ring masukat kung gaano ka kalaki
Kung sa butas ba ng aking puso'y ika'y permanenteng pipirmi
Pagkat mas lalakihan ko pa ang buka
Buka ng puso kong alay sa'yo ay pagmamahal at kalinga
Ika'y akin ring pag-iinitin
Sa tindi ng aking pagmamahal tiyak nanaisin mong ulit-ulitin
Ika'y aking papaligayahin sa iba't-ibang paraang alam ko
Ikaw ang mga letra sa aking tula, ipagluluto ng adobo
Kahit na parehas kaliwa ang aking paa'y ako'y sasayaw
Boses ipis man ika'y akin paring aawitan nang pahiyaw
Hanggang sa labasan ka
Labasan ng matamis na ngiting tunay na aking sinisinta
Dahil ang nais ko ay ang iyong kaligayan
Papatawanin ka sa mga biro kong hindi benta hanggang sa ikaw ay pagpawisan
Dahil Ginoo, minamahal kita.. Minamahal ng lubos, SAGAD o sinta.
