(Vilton Series #2) Ang babae sa manokan

Part 1

"Luther! Pambahugi sa tong mga manok kay wala atong handler ron. Ga sakit daw iyang anak," si papa.

Nanag-iya mi ug kinadak-an nga manokan sa amoang lugar.

Mahilig si papa ug mga manok pang sabong. Maong ako, napugos nga mag vet para akoy mag atiman sa mga manok niya ug magdaut.

While si mama, mahilig sad ug iro.

Meaning, gi anak ra ko nila para akoy tigtambal sa ilang pinalanggang mga animal.

Naa ko karon sa among farm kay magbakasyon unta. Christmas break. Usually naa ra ko sa city kung aha akong clinic. Kani among farm within the city ra sad pero sudlunon na kaayo kay naa na sa tumoy.

Pero imbes na makapahulay, pabahugon na man hinoon kog manok.

Ni diretso ko sa stockroom ug gakuhag dako nga container sudlan sa feeds sa among mga manok.

Gi una nakog bahog ang mga piso nga naa ra sa doul. Gipang tangkal. Gisunod nako ang mga babae nga naa ra sad sa pikas side nga gi isa isa ug butanganan. Pang breeding.

Dako amoang manokan. Ug ambot nganong sa kadaghan ug kwarta sa akoang amahan, isa ray handler niya. Maong ako karon, ga inusara ug pamahog.

Hapit na ko mo abot sa tumoy ug sa dihang tingala ko murag naay ga sabong!

Ang naa pa naman sa tumoy kay ang mga gipang kondisyon ni papa para sa iyang apilan nga derby sunod semana.

Dali-dali kong ni doul.

"Sige, kana! Kana! Lupari!"

Animal.

Kinsang buang mani?

Pero more on white lady siya ug di pa lang jud medyo hayag ang langit, ug kung wala siya nitingog ganina, maalaan gyud nga white lady.

Naka dress siya nga puti pero medyo buling ug naay gisi gisi. Wa siyay sapin sa tiil ug ang uyang buhok, taason nga baga ug medyo wavy.

Pero ang mga manok!

"Hoy!"

Nilingi ang babae pero wa na nako nakita iyang nawong kay nidiretso kos duha ka manok nga ga sabong.

Nabuta na ang isa, while ang isa nga maoy nakabuhi, baskog pa kaayo.

"Gi unsa mani nimo among mga manok?! Who ar—"

Kagwapa. Murag engkantada.

Na starstruck ko.

Pution. Cute ug nawong. Taason nga medyo cute ug ilong, deep dark brown set of eyes, plump lips and baga-on ug kilay ug pilok!

Akong weakness!

Mura siyag nahadlok sa akoa ug mura nag kahilakon.

Shit.

Kinsa maning bayhana ug nganong nasalaag mani siyas among manokan?

Gipunit nako ang nakabuhi nga manok ug gihiktan, ayha gikuha ang isa nga nabuta.

Animal. Ako nasay kasab-an ani.

Gitan-aw ra ko sa babae ug wala ni tingog.

Nganong bulingit kaayo ni siya? Iyang dress nga igo ra nitupong sa iyang tuhod, naay gisi-gisi. Ug iyang li-og!

Naay marka nga pula! Murag sa pisi.

Animal. Basin white lady na jud ni akong nakita ba.

Nilihok ko ug daling ni hawa dala ang manok nga nagkadugo.