الـبـارت 19
رواية...خذلت قلبي
#بقلمي_زمرد الربيعي
.……………………………………………………
وشحلاته من يگول :
_وشكثر عگبج تعدن ، ما شفتهن ،
والله حلل اربعه وأنتي اربعتهن .
………………………………
قرأه ممتعه ،
ريهام :
طلع مهند واني بقت عيني على الباب وابجي بـ كتم شوي ودخلت ماما وعمتي اني سويت نفسي نايمه لان ادري مراح يكول الي شي
عمتي: بله شلون بهذا الدكتور الميخاف الله
ماما: والله ومادري ياخيه بلكت يكدرون ياخذونها من يمهم يكولون دكتور فرنسي مدري منين ميعرف الحلال من الحرام يريد يذبه بـ الزبل حشاج "حشى القارئ"
عمتي : الله يكون بعون ريهام خطيه متستاهل
" أني اسمع كلامهن وكاتمه دموعي صارت عبره بـ صدري بعد ما اكدر اسيطر عليه نفجرت بـ البجي اجني عليه ماما وعمتي يهدن بين ويكولن الي شكو وشكو "
ريهام "ابجي بشهكه" : ماما فدووه لا تخليهم يذبوه
ماما : لايمه مايذبوه بس اهدي حبيبتي واكلي لكمه لا تبقين هيج يمه شحال لو امهات فقدت زلم طول بعرض مو انتي لحمه حمره حتى ما شفتي من ملامحه شي
عمتي : يمه اكلي اذا مو الخاطرنا الخاطر امج لا تعبيها يله
"جانو جايبين اكل بس اني ما اكل ف ماما نطتني اكل لكمتين وذبيته بس غصبني اله اكله كله عاد اكلت وشربني عصير برتقال ونطني علاجي "
ريهام : ماما شوكت نطلع للبيت مليت هنا
ماما : يمه فد شويه
ريهام : ماما اريد اروح وياج
عمتي: ليش يمه تعالي روحي وياي اخليج بطن عيني والله
ماما : متقصرين ام مهيمن بس خليها على راحتها
" شوي واجوي الولد "
ماما : ها يمه وين دفنتو
مهيمن :خاله اخذنا ودفناه بمكبرة الاطفال وهسه حضرن ريهام حتى نطلعها للبيت حتى ترتاح
ماما : تكول اريد اروح لبيتنا
" باوعلي مهيمن "
مهيمن :لا خاله يمي اني ادير بالي عليه
ريهام : واضح
"كام يستغفر تقرب عليه هو وماما رادو يوكفوني واني دفتعه وذبيت حملي على ماما وصلت يم هيثم وانتجيت علي "
جابو الي كرسي كعدوني علي وكامو يدفعون بي وصلوني للسياره مال هيثم وسيارة مهيمن كلت الـ هيثم يصعدني بسيارة بس مهيمن سواها
أنت تقرأ
خذلت قلبي
Romanceاحببتك فخذلتني عشقتك فتركتني اين العداله في حبك اين الصدق في وعدك واخيرا اقول : لقد خذلت قلبي فـ هل سوف تمحو اثر الخذلان ام ستتركني كسيرة الجناح دونك #خذلت قلبي #بقلمي_زمرد الربيعي
