لا ذنب للعنب فيما يفعله النبيذ

٢٥

لايك + بدون تم و كملي 🅰️
'
'
مررت استغفر " ١٠ مرات " مومهم كتابه بالكومنـت ،، '
'

لليـله الحـادثه " السبت ٢٦ / ١١ ميلادي "
___ '
(( حمـد )) نزل زوجته عند اهلهاا
وطلعع من الرياض للـخرج
في رحله بريه مع اخوياه
بقى ربع ساعه ويوصلون
اعترض خويهه روحتهم وهو
رافض يكمل معهم " المقتول "
وقفوا سياراتهم على جنب ونزلوا
يتفاهمون طبعاً ماجاء بسيارتهه
مَر عليه حمد وجابه معه ،
تكلم اكبرهم سن وارشدهم ؛
احنا ثلاث سيارات وكل وحده اربع
رجاجيل وحده من هالسيارات
نفضيها لـ " عبدالرحمن "
يعود فيها لاهله الوكاد ان خاطره ماهو
مرتاح للرحله
والباقين يركبون معنا الدنيا وسيعه
عبدالرحمن عقد حواجبه : بضيق
عليكم لكن مالي هوى بالطلعه
توقعت نروح للشرقيه لكن من دريت
بالخرج ماعاد لي روحه
المعذره منكم والله مدري وين اودي وجهي
تفاوتت الاصوات يعذرونه ؛ ماعليك ي رجال
تتعوض إن شاء الله ، خيره ماتخاف ،
خيرهـا بغيرها .
عبدالرحمن ابتسم : الله يسعدكم
رمى حمد مفتاح سيارته عليه ؛ خذها
والله تروح فيها
عبدالرحمن بنظرات مولعـه لحمد ؛
طول عمرك كريم ي ابو محمد
اكمل بتمتمه : ءءا السفر وحيد مايمدحونه
بس الله ييسر الامر
حمد بعزم ؛ اجل انا برجع معك للديره
واحد من الشباب : خييير ، لو ندري ان
العلم كذا ، اجلناه ليوم ثاني
حمد ابتسم لهه ؛ انا خويه بالدرب واحنا
جايين تبيني اخليه يعود لحاله !
ماهيب سلومي ولا عوايدي
عبدالرحمن ضحك ؛ تم اجل مشينا
ودعوا بعض وركب حمد سيارتهه و
شغلهها ومعه عبدالرحمن وحركوا للرياض
بين سوالف متفرقـه بدون شيء مهم
يذكر
وصلوا للرياض على وقت صلاه المغرب
حمد : نروح نصلي ثم اوديك تاخذ
عشاء وتروح شقتك !
او تروح معي لبيت الوالده
ونسولف وتمسي عندي ؟
عبدالرحمن مسح وجهه وحركاته
مرتبكه ؛ لا  لا نروح الشقه
تعبان بنصلي هناك ونتعشى
من المطاعم اللي تحت
حمد عقد حواجبه ؛ والمسجد !؟
عبدالرحمن بانفعال : تعببااااااان
حمد هز راسه : زين زين لاتعصب
اتجهه لشقـه عبدالرحمن
ووصل بعد ١٥ دقيقـه بسبب الزحمه
ركن السياره ونزل مع حمد للعماره
مكونه من ٦ طوابق
الاول سوبر ماركت ومطاعم
والخمسه الباقيه شقق شبـاب
" بدون عوايـل "
طلعوا الدرج وهم ساكتين
حمد يفكر بولدهه صاير مختلف ينطق
كلمات ويجيب حركات غريبـه
ما احد يعرف شكثر تسعد قلبـه
مولوده الاول ضيء عيـنه .
فتح عبدالرحمن الشقهه : تفضل تفضل
دخل حمد وراه الدنياا مكركبـه
وملابسه مرميه ع الارض هذا
من غير اكياس المطاعم والاكل
المرمي بجانب السلهه دون ان يدخله
فيها
' ~~~~~~~~~~~~~~~~~~~~~~~~~~~~~~
#توقعاتكم
#تفاعلوا #رواية #روايه #روايات

لايك + بدون تم و كملي 🅰️
'
'
مررت استغفر " ١٠ مرات " مومهم كتابه بالكومنـت ،، '
'
دخل حمد وجلس بالصاله
وعبدالرحمن راح لـ الغرفه
دقائق وخرج لابس بجامه باللون الاسود
وبيده صندوق خشبي بُني
توجهه لباب الشقه وقفله واخذ المفتاح
حمد عقد حواجبـه ؛ شفيك ؟
عبدالرحمن قرب لهه وجلس مقابلهه ونزل
الصندوق على الطاوله وجنبه المفتاح
وبهمس ؛ شوف حمد فيه شيء
منتشر وبشده هالوقت سمعت عنه !
حمد وتوتره يزيد من حركات عبدالرحمن
؛ وش بعد ؟!
عبدالرحمن بضحكة ؛ زواج المثليين
حمد توسسعت عيونهه ووقف بسسرعه
؛ وش تقول انت ! صاحي
عبدالرحمن ضحكك بقوووهه
حمد ارتاح وتوقعه مقلب رجع
يجلس وهو يردف بقههر ؛ يقطع
ابليسك قلت الرجال ماعاد معه عقل
عبدالرحمن فتح الصندوق وظهر
" مسدس " حديث الصنع
؛ حمد توافق نسافر مع بعض
ونتزوج او يخسرك ولدك للابد !
ترى انا راضي ناخذ ولدك معنا
حمد يرمش بلا وعي ؛ انت شارب شيء
عبدالرحمن ضحك ويتضح به
الجنون اكثر وتأثير غوايه الشيطان ؛ لاااا ي حبيبي
حمد فز واقف والمسدس بين كفوفه
؛ وعزه الله لو ماتقول انه مقلب
لا افرغه براسك
عبدالرحمن توجهه لهه وهو يهمس ؛
لا لا انتبه من السلاح ي روحي
حمد فقد اعصابه
وفتح الزناد وهو يتاكد من وجود
الرصاص قرب لهه عبدالرحمن
يبي يمنعه وياخذه منهه لكن
تشابكوا بالايادي واطلق حمد
عليـه طلقتين لـ يسقط بلا وعي بالارض
ويهرب حمد من المكـان بخخوف
___
رجع حمد لواقعهه كان واقف عند
بيتـه تنهههد وضرب براسه
في المقود ؛ حسبي الله ونعم الوكيل
حسبي الله ونعم الوكيل .
يطري في بالـه تضحيه محمد
ببناته لاجل يكمل الفديه بمهورهم
رحمه من القصاص لكن البنات
ماحد رحمهم
اللي يعرفه ان دانه حامل وعند ابوها
زوجها مسافر من شهر
اما ياسمين ماكلتها الارض
اخبارها مقطوعـه عنهم ولا احد يدري
وينـها !؟ ماعمره نسى او راح ينسى
نظرات ياسمين لهه وحقدها عليه
تجهل اسبابـه وانه له كل الحق
بقتل عبدالرحمن ولو انعاد الموقف
بيسوي نفس التصرف
ماهو قليل شرف ولا قليل رجوله
لاجل ينحكى له مثل كلام عبدالرحمن . ~~~~~~~~~~~~~~~~~~~~~~~~~~~~~~
#توقعاتكم
#تفاعلوا #كومنت #لايك #رواية #روايه #روايات #روايتي #بقلمي