قصر الشياطين🔥

#الكاتبة_الاء_علي

رواية:#قصر_الشياطين 🔥
للكاتبة:#الاء_علي
#المقدمة + الحلقة #1

في الليل الساعة 2 واني نجري مش فاهمة شئ نسمع في صوت الرصاص وراي ونجري بأقوى ماعندي ضي طريق الريف باهت ومش شايفة شئ طلعت من الريف من حرارة الروح ولما تشوف الموت بعيونك هكي يصير وصلت للمدينة رغم ان مبهورة من الجمال لان متربية وعايشة في الريف بس كنت نجري ومش مدورة وهم وراي يجروا واني نبكي وخايفة طلعت من الشارع الضيق عشان محد يحاصرني لعند وصلت لجسر ركبت وصلت لمكان كله قصور من الجمال معرفتش لأي واحد نخشله بس مفيش وقت خايفة يلحقوني لقيت باب قصر مفتوح والحرس يدخلوا في اغراض ومعاهم بنت تشرف عليهم خشيت بالشوية ومن دون حس وجريت وراء القصر في الحديقة معرفتش شن ندير الجو برد واعصاب معدة من يلي صايرلي مشعارفة وين نمشي رقدت على العشب🌧

ومن القصر بتبدأ الرواية🔥

الاء التاج:((اككيد مش فاهمين شئ هيا تعالوا كملوا🔥))

__________________

اسمي وصال عمري 19 سنة تخصص طب اسنان اني البنت الكبيرة والعاقلة والهادية في الحوش
عكس اختي القصيرونة دانيا هبلة وعلى نياتها وتقصف ومش مدورة وذكية بكل عمرها 18وهذي اول سنة بتدخل للجامعة...

نسكنوا في الريف مكان هادي للتفكير بس قررت نصارح اهلي نبي نعيش في المدينة نبي نقرا في جامعتهم لان اني شاطرة واكيد بيستغلوا شطارتي وسرعة فهمي وكيف نوصل المعلومة بابا اقتنع وبدا يشتغل عشان نحصلوا فلوس اكثر نشروا منزل في المدينة بس اهل الريف لما سمعوا ان احني بنرحلوا ونشتغلوا عشان مستقبلنا نقلب كل شئ

منحكيش على كمية الجهل البنت متطلعش تتمشى وغيره من غير العصابات يلي متجمعينش قدام الحياش🔥

____________💎القلم الماسي💎___________

___________👑الاء علي👑______________

في الليل الساعة 2 نسمعوا في صوت رصاص نضت مخلوعة والاسوء كانوا يخبطوا على بابنا طلعت اني وداليا من دارنا خايفيين ماما وبابا قدام الحوش وكان رئيس العصابة معاذ شخص حقير ويهمه نفسه على حساب غيره

معاذ:خش جيب كل الفلوس يلي جمعتهم صار تبوا تطلعوا!!!

عادل:والله من انت باش تحاسبني!!

معاذ:خش ولا ميصيرش خيررر

عادل:بلاش لعب فروخ تاعب عليهم وتجي واخد بلا ترباية يحاسبني اقلب وجههك

تنرفز معاذ وبدا يفرغ رصاص عشوائي جت طلقة في ماما وبابا وانصابوا في اماكن خطيرة واني واختي نبكوا خش خدي الفلوس وخرب الحوش وطلع وبدا يشوفلي بطريق تخوف

معاذ:وانتي المبلغ طلعيه😏

مقدرتش نعطيه المبلغ هو مبلغ بسيط تعبت عشان مستقبلي طول عمري فلوسي في جيبي بي في اللحظة كانوا في جيبي وبدوا يلحقوا فيا___🔥

بابا يتكلم بطريقة موت:وصال بنتي اعتمدي على نفسك

ماما:شرفك انتي واختك اهربن

منشوفش في شئ عيون دموع اهلي يموتوا قدامي في لحظة مش متوقعة بدا معاذ يمشي بسرعة باتجاهي واني ندور في دانيا ملقيتهاش هربت ومعاذ وعصابته ركبوا في السيارة بسرعة بيلحقوني

وصال:دااااانيا دااانيا وييينك😶

دانيا من مكان بعيد تجري وصدى صوتها وصل لي وصال:اهربي اهربيي تو نلحقك خليك واثقة فيا👏

اني هربت وبديت نشري وواثقة في دانيا وعارفتها ذكية وتعرف كيف تصرف___🔥

عودة للاحداث......

في الصبح____🔥

نضت مريضة حرارة بكل وراسي يوجع فيا

وصال:حي علياا كيف بندير وين بنمشي مرات قاعدين يدوروا فيا😥

كنت راقدة في حديقة القصر من وراء خشيت لي جناح الخدم لقيت لبسة متاع الخدم خشيت للحمام غيرت وطلعت لبستها على اساس اني خدامة وبديت نلف في القصر بإعجاب

وصال:الله حلو القصر انشاء الله يلي فيه ناس كويسة🥺

بديت على نياتي ان في ناس كويسة بس يلي يراجي فيا هنا هو الجحيم🔥

لفيت في القصر كان كبير حي عليا نبي نتبث في مكان مرات نريح معاش نعرف وين نلقى روحي رديت وقفت

منى:حي عليا وين لبستي بنبدأ في شغلي والله تو يطردوني😶

منى خدامة عمر 25 جوها يهبل وتخدم في القصرمن اول ما سكنوا فيه العيلة___🔥

منى:لحظة بس من انتي ومن قالك تلبسي لبستي😶

وصال:وطي صوتك تعالي نحكيلك

مشت وصال ومنى في مكان هادي وبدت تحكيلها__🔥

منى:يا روحي انتي🥺خلاص انتي خودي لبستي متاع الخدم واني بناخد راحة اليوم محد يلاحضك

وصال:بنقعد يومين ولا اكثر لعند نلقى اختي وندير حل

منى:اي اي ديري زي ماقلتلك تعالي نقولك شن ديري

__________________

فهمتني منى على كل شئ خديت الفطور وركبتني للمكان يلي تبيني موصله ليه

العيلة تتكون من 3 عمات وحدة اسمها فاطمة وبنتها ريناد .. .. وعمة اسمها شهرزاد وعندها ولد اسمه ادهم ومرام .. .. وعمة اسمها حنين عندها ولد اسمه كرم

العمات هذيم سم في عروقهم لفاعي بكل ومعاملتهم مش حلوة غيرهم والجد اسمه اسماعيل هذا اكثر شخص متواضع بيناتهم وكويس اما الاباء مسافرين عندهم اعمالهم برا ومرة مرة يجوا هنا والعمات مستلمات الجو كله

__________

وصال:بسم الله توا بنخش ياربي محد يكشفني😥

خشت وصال حطت الفطور على الطاولة ومشت___🔥

حنين:تعالي تعالي😏

وصال: مم منوو اني😶

يتبع.......🔥

مسموح بنقل رواياتي بوجود اسمي جميع الحقوق محفوظة

#الكاتبة_الاء_علي

#روايات_الاء_علي

#القلم_الماسي

#قصر_الشياطين