عذرا زوجي.....

عذرا زوجي 4

عذرا زوجي.... 4..
(( اولا التفاعل مش مرضى ابدا..... مالنا يا صبايا؟؟؟))

رشا:فيه ايه يا حسام... انا رحت ل ماما قلتلي انك جيت واخدت الاولاد...

حسام:قبل الاولاد وامك.... انتي كنتي فين.؟ ومع مين يا محترمه؟

رشا:فيه يا حسام وايه الكلام دا؟
حسام: انتي كل دا كنتي فين؟ وبعدين انتي ناسيه أن اليوم بذات بروح من الشغل بدري...؟

وانتي تقولي انك روحتي مع ميساء.. طيب انا شفت ميساء في البيت.. بس يا هانم محبتش اطلعك بصورة كذابه قدمهم واسأل ميساء...

رشا: ميساء روحت بدري بس انا قبلت بالصدفه صاحبتي وقعدنا شويه.. جرى ايه يا حسام.. انت تتكلم معايا بالطريقه الوحشه دي ليه؟؟

حسام :وتتأخري ليه.. ليه ما اعتذرتيش منها.. ورجعتي على بيتك وولادك يا هانم...؟؟

رشا: يوووه يا حسام وهو انا من ايمتا بخرج برا البيت؟
ولا ايمتا بقابل صحابي؟ ولا ايمتا شفت نفسي؟؟ خنقتوني....
...
رشا تسيبه وتدخل غرفتها... حسام يدخل وراها..
حسام:وهو اللي يروح السوق يتشيك كدا...؟
فيه ايه يا رشا... انا مش عايز اكتر فالكلام ليتفهم غلط.. انا مش عايز ادقق في حاجات تزعلنا من بعض... انتي ام ولادي مستحيل افكر فيكي بحاجه وحشه..
ارجوك متخليش الشيطان يوقع مابينا.....

رشا: ايه اللي بتقوله يا حسام... انا اسفه.. انا اسفه اللي خرجت انهارده وشفت نفسي شويه... انا اسفه.. لازم يبقى منظري زباله.. ولازم اتعفن بالبيت هنا ولا حد سائل عني... انا اسفه لو بهتم بنفسي...

حسام يقرب منها يحضنها ويمسح على ظهرها..
حستم:يا حبيبتي انا ماقصديش والله... ولكن انا مش متعود ارجع ملاقيكيش قدامي... رشا انتي ست بيت هايله...متعودناش على كده... متزعليش مني يا روحي....

رشا بتخنقها كلماته.. وتقتلها قبلاته ولمساته  ليها  عشان يرضيها...
رشا ندمانه اوي...حضنته جامد... وبدأت تبكي بمراره... تقوله والله انا بحبك يا حسام.. والله انا بحبك... انت قلبي... خليك جنبي على طول متسبنيش....

حسام: حبيبتي.. والله ما اقدر اسيبك.. والله انتي حبيبتي ومراتي......
.........
ليه الندم وحش اوي الا في الحاله دي.. لما الأمور تكون بسيطه.. ولما تكون في بداية الخطأ اللي انت عملته... يبقا شعور الندم قبل ما الكارثه تحصل تبقا رحمه من عند ربنا.. عشان تعزز الحاجات الحلوه والصح جوانا.... وتبقا رجوع من منتصف الطريق.....

........
رشا دخلت الحمام  وقفت تحت الميه الحامية... مش حاسه بحرارة الميه... وكأنها في عالم تاني.. تلوم نفسها وتعاتب ايدها ازاي يلمسها راجل غريب.. أتذكر ت حضن حسام  وقد ايه هو حنين وجميل ولطيف... قررت انها مش حتكلمه تاني.. وأنها حتلغي كل الفيس بوك....
...
رشا خرجت وعملت العشا.. عشت الولاد ونيمتهم... دخلت لقت حسان قاعد وينتظرها.... دخلت وكأنها بتداري حاجه وضحه.. رغم أنه مش حاسس بحاجه.. وكان مشتاقلها وعايز يتكلم معاها بهداوه ويتاكد انها مش زعلانه منه....

......
ياه عالغلط لما يفتح عنينا على حجات مكناش شيفنها أو حسينها ...
...... في الليله دي.. رشا قررت انها مش حتعمل كدا تاني.. وأنها مش حتكلمه..
عاشت ليله وكأنها الليله الأولى في حياتها مع حسام مليانه حب مليانه شوق... وهو الرجوع حلو اوي كدا... وهي نظافة القلب والعقل تمنها غالي كدا...

......
تاني يوم الصبح ويمر كالعاده... مسكت رشا تلفونه وبالفعل حذفت الفيس بوك... ومسحت رقمه من عندها...
ووعدت نفسها انها مش حتكرر دا تاني..

. يمر اول يوم. ورشا بتشعر براحه غريبه اوي.. وكانت تحس انه لو تقدر بس تراقب من بعد بدون تعليق أو إثبات وجود....
ولنا على طول تيجي صورة حسام في بالها...
....
وبالفعل قدرت تتغلب على ضعفها وعلى عجزها... ومر ثلاث ايام بدون اي تواصل معاه.....
... اليوم الرابع بعد ما رشا مشت جوزها.. واقفلت الباب وراه وراحت تنظف البيت.....
فجأةالباب يجبط..تفتح الباب.. تلاقيه واقف قدامها....
احمد:.. وحشتيني.... حصل ايه طمنيني؟؟
رشا : انت ازاي عرفت بيتي...
احمد : انا بصراحه فضلت وراكي لحد ما وصلتي.. وانا هنا من الصبح.. بس لما اتاكدت أن جوزك مشي....
انا قلقت عليكي اوي... مالك فى ايه.. ليه تعملي فيا كدا... ليه بس.. عملتلك ايه..

رشا: لو سمحت خلاص كفايه... ارجوك اطلع من حياتي...
انا ست متجوزه.. مينفعش.نستمر بالغلط...

احمد: ايه... ايه اللي انتي بتقوليه....انحنا ما غلطناش في حاجه..... انا حبيتك.. وانا مقدرش ابعد كدا عنك...

احمد _انا عايز اتكلم معاكي.. بعد ازنك لو نقعد شويه.. نتكلم..

رشا:لا مستحيل أقبلك تاني...
احمد : لو سمحتي بس انا لازم اتكلم معاكي لو سمحتي...
ندخل بس اوعدك ما اتأخر.. كلمتين بس....
...
رشا :تفضل بس يا ريت ماتتأخرش... يدخل أحمد ويقعد.. يبص في الشقه..فين الاولاد اسلم عليهم

رشا : في اوضتهم.... قول اللي عندك.. اهوه انا بسَمعك...
احمد: رشا ليه تحكمي على علاقتنا بالموت... ليه تحكمي على قلبي.. انا مقدرش ابعد عنك... انا مش حسيبك.. حتى لو طلبت كدا..

رشا: لو سمحت.. انا غلطت اني عملت كدا... انا مش قدره ابص في وش جوزي... انا ندامه اوي على انا عملته...

احمد يقرب منها......واهون عليكي كدا... أهون عليكي....؟؟ .

الباب.... الباب....... الباب...... الباب... مين في الباب؟؟؟
يتبع.. في الحلقة القادمه...

..

ي.... بانتظار تعليقاتكم.. وارائكم.... ودمتم سالمين

مجدسامر

.