عذرا زوجي.....

عذرا زوجي 5

عذرا زوجي.. 5...()

رشا بتضع ايدها على فمها... وتقول هو دا اللي انا خايفه منه..
احمد:هو ممكن يكون مين بس؟
رشا :معرفش....
احمد : طيب شوفي مين.. اهدي بس
رشا؛ بتسأل من بعيد بصوت يظهر فيه أنها قويه...
رشا مين
...
مين.....
افتحي يابت....
مين انتي....
الله جرى ايه يابت افتحي.. دانا ميساء يا قليلة الزوء... افتحي يابت بتعملي ايه...
رشا: دقيقه وافتح...
ميساء :هو فيه ايه هو حسام عندك..
رشا تضرب على وشها.....
دي اختي.. اعمل ايه بس....
احمد افتحي الباب بس....
رشا :ايه انت بتقول ايه
احمد:انا بقولك.. اديني ورقه وقلم.. وافتحي الباب بس...
بالفعل حصل كدا..
احمد يمسك الورقه والقلم ويعمل نفسه بيكتب...
رشا فتحت الباب....
ميساء :ايه يابنتي كل دا.. بتفتحي الباب.
رشا: اصلي انا كنت مشغوله مع.....
ميساء:مين دا..
رشا:دا.........
احمد:انا احمد من  دائرة الإحصاءات...
ميساء:وهو من امتي دائرة الإحصاءات بتبعت علي البيوت رجاله لوحدهم....

احمد :لا انا معايا زملتي بس احنا قسمنا نفسنا عشان نلحق أكبر قدر ممكن في نفس الوقت...

ميساء مااقتنعتش من كلامه بعد ما حست بتوتر رشا..
ميساء.. ودلوقتي فيه ايه..فيه حاجه عاوز تسأل عنها...
احمد :بصراحه لا انا كنت ماشي.. اسف لو سببتلكم ازعاج...
ميساء:لا مفيش اتفضل حضرتك...

احمد يخرج من البيت..

ميسا تمسك رشا من ذراعها وتضربها بالألم.. مره واتنين وثلاثه..
ميساء:ليه كدا.. ليه. كدا يا رشا.. انتي.. انتي يا رشا اللي بتعملي كدا.... جرالك ايه.

انطقي.. انطقي قبل ما والله اقول لابوكي ولاخواتك ويقاطعوكي..
انطقي يا رشا...
رشا: اقول ايه بس يا ميساء. اقول ايه..
ميساء:قولي اي حاجه بس اوعك تقولي انك زانيه.. اياكي يا رشا..
رشا:لا والنبي.. لا وربنا.. لا والمصحف ما حصل اي شيء من دا....
والله يا ميساء.. اوعى تفكري فيا التفكير دا...

ميساء:امال راجل غريب عندك . ولوحدكم... واحصاءات ايه اللي بيتكلم عليها.. هو فاكرني هبله...

رشا :اقعدي والله هاقولك على كل حاجه...

ميساء قعدت وهيا مش طايقه تبص في وشها... تسمعها. وهيانفسها تخلص عليها...
رشا تحكي عن اللي حصل بالتفصيل بدون زياده ولا نقصان...

ميساء:وهو ايه اللي يجبرك تدخليه بيتك وجوزك مش هنا...
افرضي انه جوزك اللي دخل عليكو مش انا.. هيحصل ايه يا واطيه منك لله
......
رشا والنبي يا ميساء ما تحمليني فوق طاقتي..
ميساء وهتعملي ايه في المصيبة دي...
رشا: . مش عارفه.. انا كنت فاكره انه الموضوع انتهى من قفلتي للتليفون بس اهوه عرف بيتي....

ميساء؛ من خيبتك.. وقلة عقلك...
رشا:والنبي يا ميساء.. والله هموت من الندم وتأنيب الضمير....
ميساء:اديني رقم تلفونه....
رشا :مسحته والله ما اعرفه..
ميسا:طيب اديني الاكونت بتاعه..
رشا تديها الاكونت....
رشا هتعملي ايه...
ميسا:انا لو قلت ليه اني اختك وإبعده عنك النوعيه دي مش هيرد.. بالعكس دا هيصمم اكتر... انا لازم احاول...بكل طرق ابعده عنك يا جزمه...

رشا : ميسا خليني احاول انا اخر محاوله..مش عايزه ادخلك معايا بموضوع بس....
ميساء هتعملي ايه تاني.. هتقابليه يعني؟؟
رشا؛ لا والله دا راجل متعلم ومثقف مش هيعاند.. ويقدر ظروفي...

ميساء معاكي يومين يا رشا.... ومش عايزه حسام يحس بحاجه... ومتقصريش في حقه.. دا جزمته برقبتك والله...

رشا يووووووه يا ميسا متخلينيش اندم اني قلتلك....

ميسا :وانتي قلتيلي ايه.. قلتيلي شيء يشرف يعني؟؟؟
..........
خرجت ميسا من عندها بعد ما وعدو بعض على السريه فيما بينهم....

رشا تقفل الباب وتجري على سريرها تبكي بمراره.. وتندم على كل حاجه... و تعاتب نفسها.. وازاي هي رخصت من نفسها.. وازاي هي بقت رخيصه وخاينه في عيون اختها...

.....
رشا مسكت التلفون وبعتتله مسج بعد ما شالت الحظر....
رشا: ليه تعمل فيا كدا.. يا أخي حرام عليك... اطلع من حياتي..

احمد:ليه انتي تعملي  فيا كدا.. انا حبيتك والله.. مش قادر انساكي..

رشا: ارجوك خلاص.. مينفعش.. انا لو جوزي عرف والله يقتلني... وانا مقدرش استغنى عن ولادي..
احمد:انا هعمل اللي انتي عوزاه بس ليا طلب عندك.. ولو عملتيه ليا.. اوعدك مش هقربلك تاني. 

رشا : لو قدرت عليه انا هعمله...

احمد:لا معندكيش خيار تاني.... لازم تقبليه..

رشا :قول بقا وخلصني...
احمد :جرى ايه.. ليه بتكلميني بالأسلوب دا... خدي بالك انا مش بحب كدا...

رشا:يلا يا احمد أنجز قبل ما حد ييجي

احمد.............  ((يبعت طلبه))
رشا: ايه... انت مجنون.... ايه دا.... انت مقدر الكلام اللي انت قلته.....
......
ماذا فعلت بنفسك يا رشا....
يا حسرة على القلوب العطشانه  التي روت ظمأها  من مياة غير صالحة لشرب..

يا حسرة على الأرواح إلى ارتاحت في أماكن غير مؤهلة للعيش بها......
...... يتبع في الحلقه القادمه...
..
...... بنتظر تعليقاتكم وتفاعلكم....
....
مجد سامر

...