Unicode #
ထိုးထွက်လာသောနေရောင်အောက်မှာနိုးထလာသောသူ~~~
"Jing Ming Yue ထတော့လေ။ငါတို့သွားရတော့မှာ"
အောက်ထပ်မှ ပါး၏ အော်ခေါ်သံကြောင့်Ming Yue အိပ်ရာပေါ်တွင်မထချင်သေးဘဲလူးလှိမ့်နေသည်။
ဒီနေ့ ကဘာနေ့မလို့လဲ?
ကွမ်ရင်မယ်တော်ပူဇော်ပွဲ~~~~~Ming Yue ရုတ်တရက်သတိရမိသွားသည်။နှစ်တိုင်းသူတို့မိသားစု ဘုံကျောင်းကိုသွားပြီးတရားနာယူနေကြဖြစ်သည်။
သူတို့မြို့က ကွမ်ရင်ဘုရားပွဲကို တစ်မြို့လုံးနီးပါး ခြိမ့်ခြိမ့်သဲကျင်းပသည်။ မြို့အနှံ့လှည့်လည်ကြသည်။
Ming Yue ကိုလည်း ကွမ်ရင် မယ်တော်ကျေးဇူးတော်ကြောင့်လွယ်လွယ်ကူကူမွေးဖွားခဲ့သည်ဟုမားက မကြာခဏပြောတတ်သည်။
ထို့ကြောင့်လည်း Ming Yue ကိုကွမ်ရင်မယ်တော်ဘုရားပွဲရောက်တိုင်း မဖြစ်မနေခေါ်ခေါ်သွားတတ်သည်။
" Ming Yue မင်းဆင်းလာမလား။ငါဆွဲချရမလား"
"ဝုန်း"
ပါးရဲ့အော်သံကြောင့် Ming Yue တစ်ယောက်အိပ်ရာထဲမှရုတ်တရက်ထလိုက်ရသည်။
မနှစ်ကပွဲတော်။
ဒီနှစ်လည်းပြီးသွားမှာပဲ။ဒီအတိုင်းပဲ။သူငယ်ချင်းတွေနဲ့လျှောက်လည်မယ်။မိန်းကလေးတွေလိုက်ကြောင်မယ်။တရားပွဲနားထောင်မယ်။
ဘုရားဖူးရင်းလိပ်ဉတူးရင်းပေါ့။Ming Yue ကိုယ့်ကိုယ်ကိုယ်တစ်ချက်ပြုံးနေမိသည်။
ဘုရားပွဲ~~~~~
"ဟေ့ကောင် Ming Yue ဟိုနားကစော်လေးချောတယ်နော်"
သူငယ်ချင်းဖြစ်သူ၏ခေါ်စကားကြောင့် သူလက်ညှိုးညွှန်ရာကိုကြည့်လိုက်သည်။
"အေးချောတယ်ကွ။ဒါပေမယ့်ငါကြိုက်တဲ့ပုံစံတော့မဟုတ်ဘူး"
"ဘယ်ကြိုက်မှာလဲ။မင်းမှာ Luo Luo ရှိနေတာကို"
"သူရှိနေလဲဘာထူးလို့လဲကွာ။ဒီ့ကောင်ကကြောင်တာပဲကို"
ဘေးမှအခြားသူငယ်ချင်းတစ်ယောက်ကလှမ်းပြောလိုက်၍Ming Yue နည်းနည်းတင်းသွားသည်။
ESTÁS LEYENDO
With My Unseen Boy
Misterio / Suspensoလောကခြားနေတဲ့သူတို့နှစ်ယောက်။ မထင်မှတ်ပဲဘာသာရေးပွဲတစ်ခုမှာတွေ့ခဲ့တဲ့သူတို့~~~ ဘယ်သူမှမမြင်နိုင်တဲ့သူ့ကိုကောင်လေးတစ်ယောက်ကတွေ့ပြီးခင်မင်လာခဲ့ကြတော့~~~~ သူတို့လောကကရော ကောင်လေးတို့လောကကပါ သဘောတူကြမလား~~ သူတို့အချစ်ကခိုင်မြဲပါ့မလား။~~~