Malalim na ang gabi,
Ilang oras na lang at ang haring araw sisikat na
Ngunit ang aking diwa ay gising na gising pa
Mag-isang nakahiga sa aking kama
Kinakapa ang bawat nadarama
Katatapos ko lang magbasa
Mga liham na mula sa mga taong nagpaligaya
Mula sa aking kabataan…mga kaibigan sa paaralan
Hanggang sa katatapos lamang na pakikipag-ugnayan
Sa mga ka-ibigang ako’y nilisan
Hapdi at sakit ng kanyang pag-iwan
Sa aking isipan at puso’y di makayanan
Sa bawat nasambit sa sulat na para sa aking itinatangi
Isang liham pag-ibig na nais sanang ibahagi
Hindi na matutupad dahil siya’y may iba ng pinili
Gustuhin ko man magalit
Puso ko’y tumututol at ayaw siyang iwaglit
Datapwa’t ako’y hindi na umaasang siya’y babalik
Tanging hiling ko lang kaligayahan niyang walang maliw
Habang kalungkutan, ako'y hindi alipinin
