وعد الحب

الفصل التاسع

حسن سمع اسم ليلي عينه ثبتت مكانها .. معقول ، لف راسه ببطئ و بص لمصدر الصوت لكن ريهام قاطعت تفكيره ده و قالت
ريهام : حبيبي اقعد ملناش دعوة بحد
حسن : ملناش دعوة ايه .. البنت بتموت !!
و سابها و راح لليلي بسرعة و لما شافها افتكر انها البنت اللي شافها في المول و شوية شوية الامل بدأ يختفي من جواه تاني ، جيهان ادت ليلي البخاخة لكن مفيش فايدة و حالتها بتسوء اكتر بدون تفكير حسن شالها بسرعة و اخدها المستشفي و نسي ريهام في المطعم للمره التانية لكن المره دي صممت انها تروح وراه و تراقبه ، حسن ركب العربية و ليلي جمبه و جيهان في الكرسي اللي ورا و هو هيموت من القلق عليها و مش قادر يفسر الشعور ده يمكن عشان اسمها ليلي و الاسم ده ليه ذكري خاصة عنده .. يمكن ، وصلوا المستشفي و تم اسعاف ليلي بسرعة و بعد لحظات حسن و جيهان واقفين برا الاوضة
حسن : اهدي متقلقيش هي هتكون كويسة
جيهان : متشكرة جدا ليك يا ابني مش عارفه من غيرك كنا عملنا ايه
حسن : متقوليش كده ده واجبي .. ااا هي البنت دي اقصد ليلي مش كده .. تبقي بنتك ؟
جيهان : ليلي اكتر من بنتي هي كل حاجة في حياتي
حسن قال في نفسه : يبقي مش ممكن تكون ليلي اللي انا عارفها .. بتدور علي ايه يا حسن امبارح بس قررت انك تكمل حياتك عادي و تنساها و دلوقتي جزء منك لسه بيدور عليها برضو
حسن : هي حصلها ايه ؟
جيهان : ليلي عندها حساسيه من الفلفل الاسود و طلبت من الجارسون انه ميحطش فلفل اسود في الاكل لكن شكله اتلغبط
حسن ركز هنا ان طبقهم اتبدل و قال : ايوه صح انا كمان طلبت نفس وجبتها و حسيت ان طعم الاكل متغير .. معقول يكون اتلغبط في الطلبات
جيهان : اكيد .. بس انت معرفتنيش عليك
حسن : انا حس..
قاطعه خروج الدكتور : هي كويسة دلوقتي بس محتاجة راحة تاما و تبعد عن اي حاجه توترها عشان تعرف تنظم نفسها و ياريت تبعد عن اي حاجه عندها حساسية منها لان المره الجايه مش عارف هنلحقها ولا لا
جيهان : ينفع اشوفها
الدكتور : ينفع بس خمس دقايق و تسبيها
الدكتور بعدها مشي
جيهان : اتفضل يا بني اطمن عليها كفاية انك ساعدتنا كده
حسن اتردد انه يخش لكن وافق في الاخر و جه يتحرك سمع صوت وراه
: للمره التانية تنساني و تمشي كده
حسن ضرب راسه : ريهاام انا اسف جدا
ريهام : كل مره تعتذر كده اعمل ايه انا بأسف دي
حسن : خلاص بقي قولت اسف هبقي اعوضك
ريهام : طب انت هتعمل ايه دلوقتي
حسن : هخش اطمن عليها
ريهام : مش انت ساعدتها كفاية كده يلا عشان عايزه اروح
و بعدها شدته من ايده و قالت لجيهان : الف سلامه عليها يا طنط .. احنا هنمشي بقي سلام
و بعدها اخدت حسن و مشت و حسن وصلها لبيتها بصمت و هو كمان روح ، ليلي فاقت و بدأت تستوعب اللي حصل معاها و عمتها قالتلها كل اللي حصل و ان اللي ساعدهم الشاب اللي اتخانقت معاه في المول
ليلي بعصبية : لييه خلتيه يساعدني يا عمتو انا مش عايزة اي مساعده من اي حد
جيهان : ازاي يعني انتي كنتي بتموتي كنتي عيزاني اعمل ايه .. اسيبك لحد ما تموتي عشان مش بتحبي مساعده من حد
ليلي : يا عمتو بس..
جيهان : مفيش بس .. انا هسيبك ترتاحي شوية عشان نروح بعدها
_______________________________________

عبدلله : فينك يا ابني مش باين ؟
حسن : مفيش مشغول بس
عبدلله : مشغول في ايه ؟
حسن : تفكير
عبدلله : طب حاول تهتم بريهام اكتر من كده عشان تالا مصدعاني بيها
حسن : هي عشان صاحبتها هتفضل كل شوية تصدعك و انت تيجي تصدعني انا
عبدلله : اعمل ايه طب بحبها يا جدع و مش هاين عليا تبقي زعلانه علي صاحبتها كده
حسن : و ده اللي عندي يا عبدلله ياريت تخليك انت و خطيبتك في حالكم
عبدلله : انا عايز مصلحتك انت ليه فاكر اني عايز اضرك
حسن مسك راسه : انا اسف .. ممكن تسيبني لوحدي دلوقتي
عبدلله : اللي يريحك بس خليك عارف اني موجود في اي وقت
حسن قفل معاه و قعد يفكر كالعادة ..
بعد يومين
ليلي في شركة الخياط للاستيراد و التصدير بتتفرج علي مكتبها الجديد بسعاده نوعا ما
رفعت : لو حابه ممكن تقدري تشتغلي من النهارده
ليلي : ياريت
و بعدها رفعت خرج و سابها تبدأ شغلها و بعد ما خرج دخل السكرتير الخاص بمكتبها
مازن : المكتب نور حضرتك اهلا بيكي معانا
ليلي بابتسامة : ميرسي
مازن : تحبي تشربي حاجة
ليلي : ياريت قهوة و نبدأ في الشغل علطول هاتلي كل الصفقات اللي كانت متعطلة الفترة اللي فاتت
مازن : تمام
و بعدها خرج و بعد لحظات دخل و معاه ورق كتير و القهوة لليلي
مازن : ده عرض شراكة من شركة الهدي اتعرض من فترة و انا درسته و شايف انه كويس جدا و هيفدنا كتير
ليلي مسكت الملف و قرأته و بعد لحظات قالت : عندك حق كويس جدا .. تمام اتصل بالشركة و بلغهم ان بكره هيبقي فيه اجتماع عشان يشرحوا اكتر عن الشراكة دي و الافضل لو صاحب الشركة نفسه ميبعتش حد عشان اشوف تعامله
مازن : تمام حضرتك
و بعدها مازن خرج و عمل اتصال مع شركة الهدي
مازن : بكرة بأذن الله هيبقي فيه اجتماع الساعه 9 عشان عرض الشراكة و الاستاذة ليلي حابه تعرف اكتر عن الموضوع
الموظف : تمام مفيش مشكله
مازن : اه و بلاش موظفين عاديين الي يجو ياريت تبلغ الاستاذ حسن رأفت انه يجي بنفسه ..!!

انتظروا بكرة الفصل الجديد بأذن الله