الفصل الخامس
جبر الخاطر❤❤
بقلمي:هبة أحمد
من مكانا بتاع الايسكريم ،،هالة مشت ركبت مواصلاتها وانا واية ركبنا
اية:شوفتي ي نون قبيل لاحظت لي بنات كانو بعاينو لينا وبتكلمو😐😐
مالهمم يعنيي 😂😂
م عارفة والله لكن بس لاحظت ليهم بقطعو فينا
ي بت عشان برالمة بكونو بعلقو فينا وكدة انا برضو لاحظت لكن عملت رايحه منهم😴
وصلت البيت وتعبانه كان يوم طوييل ،،اخدت دوش واتغديت وصليت ورقدت ودييك ي نومه صحيت الساعه11وكنت ظابطة المنبه عشان اصحى اقرا،،صليت العشاء وعملت لي شاي وقعدت اقرا بعد خلصت فتحت الواتس واتكلمت مع هالة واية شوية وماب مختفية شكلها نايمه😂😂ورقدتت نومتت
صحيت الصباح والمرة دي طلعت مع بابا لانو مواعيدنا كانت مع بعض
وصلت الجامعه بعد نزلني لاحظت ليهو وقف مع ولد كدة وسلم عليهو سلام معرفة كدة ومشى والولد ساق عربيتو ومشى🤔🤔
دخلت ولقيت البنات وقعدت لحدي م فطرنا وجينا داخلين القاعه
#طبعا ماب م بتقعد معانا كتير،،زولة حواامة😂😂وتلقى اي زول تتعرف عليهو وعملت ليها شلة كدة..
***جمب القاعه برة لاقيت الاسمو وائل دة🙄
السلام عليكم كيفك
اهلين تمام😊
كيف مع الدراسة والمحاضرات والجامعه عموما برالمة وكدة😂😂
والله يعني يعني ماشي الحال ماف شي صعبب كدة،عن اذنك المحاضرة
اتفضلي وانا سنيرك في رابع لو احتجتي لي اي حاجه انا قاعد
تسلم م بتقصر😊😊🙄🙂(زولنا دة وقع ولا شنو😌❤❤)
دخلت المحاضرة وطبعا هالة واية تشغيلات شديدة😑اصلا اي علاقة بتبدا كدة ي نون😉😉😅
🙄🙂😒علاقة مع منو اوع مع دة،،انتو عويرين ولا شنو بس
بعد المحاضرة انتهت هالة قالت عندها صحبتها ماشة ليها بتقرا في تالت مشينا معاها..
البت:اهلين كيفكم😊...تمام الحمدلله
كيف مع الدراسة وكدة😕
كلو تمام الحمدلله😭😭تعب شديد بس
جو بنات وسلمو علينا وقعدو(🤔ديل نفس الكانو امبارح في محل الايسكريم🤨)عرفونا عليكم وانتي اسمك منو
انا اسمي نون🤗
اهاا اهلين اتشرفنا وانا اسمي مي
#البت طبعا سمراء السمار لون الخدارر😩وقصيرة كدة والجسم مليان وظابط😄 والشعر رهيب م شاءالله مطلعاهو بالجمبة كدة والظاهر عليها شهادة عربية اللهم وايي حلوة..
انا واية شلنا رقم صحبة هالة دي اسمها لدن🤗 على اساس لو احتجنا لي حاجه نسألها وكدة
طلعنا ومشينا اشترينا الشيتات
واحنا طالعين من الجامعه شوفت نفس الولد السلم على ابوي الصباح وراكب معاهو وائل سنيرنا🤔ديل بعرفو ابوي من وين
وااايي ي نووون الولد وائل شوفي المعاهو دة😩😩😩
غايتتو ي اية بس م بتفوت عليك حاجهه🙄 هو النصييحه سمح ملاكك نازل من السماء بس😴😴لكن مالنا ومالو م تركزي
جو البنات اللاقيناهم البقرو في تالت ووقفو سلمو على وائل والمعاهو😐هم تلاته ،اتنين وقفو بعيد وخلو مي واقفة مع وائل زي دقيقه كدة وبعداك وائل ركب هو والولد ومشو و مي كانت زي الزعلانه كدة شكلو احرجها في حاجة🤣
مشينا انا واية وركبناا مواصلاتنا،وصلت البيت واخدت دوش واكلت،،بابا قالي طبعا ي نون الليلة لاقيت ولد ابوهو دة زول صاحب عمك ودكتور شغال معاهو فالامارات وقالي انو عندو اخوهو بقرا طب معاكم،،
ايواا كويس 😅😅
اي والله زول راجل وكريم وطيب ياخ اتربى مع عمك دة عديل ايامم كانت 😩
سبحانن الله 😅😅م شاءالله ياخخ،،يلا انا عايزة اقرا واخلص بدري عشان انوم🤗
اتفضلي ي بتي ربنا يوفقك ان شاءالله...
مشيت قلت اقرا عشان انوم بدري م عايزة اساهر ،قريت وخلصت فتحت الواتس
برسل لي اية م بترد وهي اونلاين🤔الحيوانة دي سافهاني
قعدت اشوف الاستوريهاتت لقيت لدن عاملة استوري وفيها صورة وائل🙄😐كاتبة السند فور ايفرر😔
فور ايفرر لكنن😏😒وقفت عاينت فالصورة مسافة واي دة شنو دة في سماحه زي دي الزمن دة😩😍
هي كمان مالي ومالو سمح لي نفسو م لي انا😏🙄
اية ردت لي:كنت بتكلم مع علي عن محاضرة الليلة دي وكدة
اهااا😏😏😏وم تجي تتكلمي معاي انا،،م لقيتي الا علي🌝
اية:😌😌اييي بس قلت علي😂😂ي بت انتي م كنتي داخلة وهو رسل لي
(علي شكلو بتقرب شوية شوية لي اية)
طيب تمامم المهم انا عايزة انووم تصبحي على خيرر❤❤
اية:وانتي من اهل الخيرر نتلاقى بكرة ان شاءالله
قفلت التلفون ورقدت نومت😴😴
