الفصل14
جبر الخاطر❤❤
بقلمي:هبة أحمد
وائل و اخوهو نزلو سلمو علي و ركبت معاهم ومشينا مطعم كدة قريب ونزلنا
(دة اخوهو الوسط الشغاال في بنك ،،الكان لاقى ماي بابا🌝)
وائل:نون انا عايز اعرف فجأة حصل شنو؟؟انا بتزكر اخر مرة اعتزرت ليك واتونسنا عادي،،بعدها تاني شهر كاامل انتي مختفية وفالنهاية اكتشفت انك حظرتيني وصراحه انا م بحب اتقل على زول او احس نفسي معاط،،حبيتت انتظر لحدي م تنزلو من الاجازة
:والله ي وائل انا م بحب المشاكل وبعدت براحه عشان م اعمل مشكلة بينك وبين مي ،،خاصة انو مي بتحبك شديد ،،
كريم(اخو وائل):ي نون أساليني انا اكتر زول بعرف وائل وحياة وائل وعارف قصص البت دي معاهو من وهي برلومة زيك وم عايزة تفهم انو وائل دة م عندو ليها حاجه🙂🙂
عاينن ي كريم مهما حصل ومهما اي شيي انا مستحييل اخد لي ولد من بتت حتى لو هو م كان عايزهاا ،،م حاكون ضد بت عشان ولد😐😐
وائل:اوك ي نون راحتك وانا م حضغط عليك بس انا وريتك عشان م يكون في زعل وتكوني شايلة مني وبعد دة اعملي الانتي شايفاهو😊😊
الانا شايفاهو اني م عايزة مشاكل ولا دخلت الجامعه عشان كدة،،بيني وبينك السلام عليكم وعليكم السلام😊
وائل:تمام
)يتموك شنو اقوليك😭انت م عارف اني مكسررة كيفف😭😭بس لو وريتك رسالة التهديد حتقدر موقفي😭😭)
بعداك طلعنا ووصلوني لي موقفي بتاع المواصلات..
في جانبب تاني#
هسة انا هالة دي ابدا معاها موضوع كلام كيفف وانا لي شهوورر منها 😓😓و عايز اصارحها بي اني نازل السودان وعايز اتقدم ليها بس طبعا لازم اخد فترة احاول اعودها علي وتعرف عني اي حاجه وكدة🤔🙄😴😓الموضوع معقد شديد بس كلو بسبب احمد،،وهو من زمانن عارف اني عايزها وعاجباني 😔😔
دخل خرب علي اي شيي،
فلاش بااكك ي حلوينن😎😎
((تتزكرووو لمن احمد قال لي اخوهو انا مستحيل اخليك لي هالة وانا عارف انك انت عايزهاا،،محمد دة اخو احمد الكبير ،،زول قضى حياتو كلها فالسعودية وم كان بجي السودان كتيرر،،بس من وهو صغير كان بعرف هالة اولاد جيران😉وكان ممكن تقولو اعجاب على بسيط كدة،،واحمد برضو كانت عاجباهو وكان بتغاظ من محمد لمن يسألو ويقوليهو هالة كيف،،احمد قام استغل حكاية انو محمد فالسعودية ومشى هوو واتقدم لي هالة وطبعا بعد محمد عرف م قدر يقول حاجه،،اخوهو هو فالنهاية م حيقيف في طريق سعادتو))
محمد قام رسل لي هالة فالماسنجر:هالة ازيك واخبارك شنو وكيف مع الجامعه؟؟
هالة:اهلين محمد كيفك
محمد:تمام الحمدلله ،،😊انتي كيف مع الجامعه وسوري لو ازعجتك او كدة
هالة:تمامم تعب بسس لكن خلاص فنهاية السنة ان شاءالله+لالا ياخ ماف ازعاج
##اتكلم معاهاا وحكت ليهو الحصل معاها فالفترة الفاتت وكدة
