الفصل السادس"
جبر الخاطر❤❤
بقلمي:هبة أحمد
صحيت متأخر زي10كدة لانو محاضرتي الليلة12 المهم جهزت حالي وشربت شاي وفطرت فنفس الوقت وطلعت،،
وصلت الجامعه اتصلت لي اية
الوو ي بتت وينكك
اية:اي ي نون صباح الخير😍قاعدة فالكفتريا ومعاي علي😁
😒🙄بسم الله اصبحنا واصبح الملك لله،،اوك حامشي اشوف هالة بعد تخلصي تعالي لينا،،
اية:بطلي تعالي ياخ سلمي عليهو وبالمرة نمشي سوا القاعه،،
لالا بعد تخلصي تعالي لينا بس
قفلت منها واتصلت لي هالة وصفت لي قاعده وينن ومشيتت ليها
شنوو ي بت زهجانة كدة وعيونك مورمة مالك😳😳احكي لي
ماف حاجه تعب بس وكنت مساهرة امبارح ،هالة🙄دة م سهر بس دة شكلو هم كبير وموضوعع حاصل معاك
،،فجأة البت قعدت تبكيي😳😳🙄ي بت بسم الله الرحمن الرحيم مالك احكي لي
طيب ي نون بس يكون سر بينا ..اووك ي بت سرك في بئرر اعتبري انك بتتكلمي مع نفسك اعتبريني ماف😴😴
طيب انا اصلا ابوي متوفي وعندي اخوي اكبر واحد وشغال في قطر،،وانا بعدو وتاني عندي اخوي صغير فالمدرسة
يلا في واحد صاحب اخوي شديد قرو مع بعض وكدة وساكنين جمبنا هم،،بعد اخوي سافر عشان يشتغل كان بجينا طوالي وبشوفنا محتاجين لي شنو وكدة ،،(شغال هو في معمل قرا مختبرات واسمو احمد وعندو اخوهو اكبر منو شغال فالسعودية)المهم بقيت مرات لو امي عيانه او اخوي الصغير او اي شي حاصل فالبيت بتصل ليهو عشان يجي،،امي بتقولي اتصلي لي احمد ..بقى صحبي شديدد وانا كنت بعتبرو اخوي بس م اكتر لكن هو طوالي كم مرة بلمح لي بي انو بحبني وكدة وانا م ركزت معاهو ،،صراحه كنت مركزة مع اخوهو محمد كان عاجبني شديييد بس تاني محمد سافر وبقينا م متواصلينن
المهم بعد امتحنت شهادة سودانية وكدة قام جا البيت وكلم امي انو عايزني وامي وافقت ،،قالت لي دة زول كويس واخوك برضو وافق وقال م بتلقي زيو تاني
وانا وافقت قلت اديهو فرصة وهو صراحة م زول كعب عشان انا ارفضو
بس مرت الايام وفبداية علاقتنا كان بحبني شديد واي شي عايزاهو بعملو لي وبجيب لي الهدايا ولمن طلعت نتيجتي وجبت85عمل لي حفلة وكان صادف اخوي جا من قطر،،بعداك اتعلقت بيهو شديد وحبيتوو وبقى اخوي وصحبي وخطيبي وحبيبي وابوي واي شي مهم فحياتي
بس عدت فترة كدة هو بقى م زي زمان واتغير وبقى م بتكلم معاي كتير،،ولمن أسألو بتعززر بي انو مشغول ،،وكنت بقول م مشكلة انا اصبر عليهو واقيف معاهو لو احتاجني في اي شي😕😕
لحدي م يوم كدة من الصباح م اتكلم معاي ولا رسالة م رسلها لي ،،اتصلت ليهو بالليل وكانت الصدمة😭😭😭
الصوت جاني غريب وصوت ضحك واغاني وهيصة كدةة😳😥احمد انت كويس
ايي ي بت مالك فشنو
احمد طيب ديل منو المعاك ودي اصوات شنو وقعدت ابكي😭😭
ماف شي ياخخ اقفلي برجع ليك
##فالفترة دي شكلو احمد اتعرف على شلة كدة وبقى متابعهم وضيعوهو وبقى بعرف بناتت كعبات وبشرب مخدرات وكدة**
قفلت وانا ببكي وفنفس الوقت مستغربة دة شنو
نومتت وصحيت تاني يوم مشيت لي اختو(اختو قدري وامتحنت معاي وصحبتي شديد اسمها هناء)
قعدت معاها واتونست وحكيت ليها😭
واااي ي هالة م تبكي ي بتت،،انا حاقعد معاهو وحأفهم منو مالو وفشنو
هو زاتو الايام دي بقى م بقعد فالبيت كتير وبجي متأخر ولمن نسألو بقول مشغول وكدة
بعد خلصت من هناء وارتحت شوية فضفضت ليها وكدة طلعت منهم
بس وانا طالعه وكدة اسمع ليك زول بتكلم
#ايي ي بيبي خلاص اناا وصلت البيت ياداب كدة اكل لي حاجه واتدوش اغير هدوم الشغل دي وبجي عليكم خليك جاهزة انتي بس وم تتأخري لي زي كل مرة يلا باي حبيبتيي..
😭😭😭واي دة شنوو وفتحت الباب بس بقينا في وش بعض،،هالة 😳😳كيفك ي بتت
تمام الحمدلله،،عن اذنك عشان اتاخرت راجعه بيتنا
دقيقه ي بت اقعدي اتغدي معانا
لالا شكرا ،،مشيت منو وانا قلبي بتقطععع من جوة والعبرة واقفة لي وحاسة م قادرة ابكي ومصدومة وم عارفة السمعتو دة صاح ولا غلط😭😭
بس دخلت غرفتي وقفلتها علي وبقيت ببكي انتظرت قلت يمكن يتصل لي،ولا اشتغل بي اصلا ماف حل غير اني اتصل لي محمد اخوهو واحكي ليهو يمكن يتكلم معاهو
اتصلت لي محمد وسلمت عليهو وطبعا من احمد خطبني بقينا م متواصلين تاني،،حكيت ليهو الحصل كلوو
محمد:خلاص ي هالة انا حاتكلم معاهو وافهم في شنو ويحصل كل خير ان شاءالله😊😊
قفلت التلفون ورقدت نومتت😴😴
صحيت الصباح وتعبانه ومصدعهه
امي :مالك ي بت وشك دة شاحب كدة
لالا ماف شي ي امي بس النوم الكتير وصحيت مصدعه وتعبانه
(م حبيت استعجل واحكي لي امي عشان م تحصل مشكلة وامي عندها سكري خوفتت ارفع ليها السكري وكدة)
اتدوشتت وشربت شاي ونضفت البيت ودخلت غرفتي تاني
فتحت الواتس لقيتو عامل استوري وكاتب كلام حب كدة،،استغربت قلت هه هو وين الحب دة😏ولا يكون حب جديد وقعدت ابكي تاني😭😭😭
بس طلعت قلت اتمشى شوية
وقلت لي امي ماشة الدكان اجيب رصيد
ويريت لو م طلعت😭😭😭😭
في شارع بي ورانا كدة ميدان كبير وفيهو اشجار كتيرة وشوفت عربية احمد😳بعمل فشنو هنا
بس حاولت اجي بي ورا العربية عشان م يشوفني😑
ولقيت انو بي قدام راكبة معاهو بتت 😳😭😭وكان ماسك يدها😳😨😨😱😭😭
