دايرة الشر (التعالب 2)

الفصل الثاني

أول ما فتح الباب لقى مليكة قاعدة مع بلقيس ولابسين هدوم النوم، على طول اتخضوا ونزلوا تحت الغطا، وبلقيس كانت بتترعش من الخوف وعينها مفتوحة على آخرها، ومليكة باصة لهشام بغضب وبتقوله:*أي دا انت داخل زريبة، مش تخبط يا حيوان*
هشام:*وهي الأخت دي بتعمل أي هنا...*
مليكة:*أخرس واطلع برة*
هشام:*مش طالع إلا اما أعرف*
مليكة:*بقولك أطلع برة* ومسكت الأباجورة وحدفتها عليه بس مجاتش فيه عشان هشام قفل الباب بسرعة وطلع برة، بس هو ممشيش لا دا قعد يتصنت عليهم من برة، مليكة:*أنا آسفة والله يا بلقيس بس أنا نسيت أقوله انك قاعدة معانا*
في اللحظة دي كانت فرحة هشام متتوصفش بلقيس:*ولا يهمك يا قلبي بس خضني*
مليكة:*أنا آسفة بجد...*
بلقيس:*متتأسفيش خلاص*
وفضول يتكلموا وقت طويل لحد ما هشام نام على الباب. وفي آخر الكلام بلقيس قالت:*أنا هروح أوضتي بقى ونبقى نكمل كلامنا بكرة باي*
وفتحت الباب بالمفتاح وهي باصة على مليكة عشان كانت بتكلمها، وأول ما الباب اتفتح هشام وقع على بلقيس ووقعوا على الأرض، فاق هشام لقى نفسه ف حضن بلقيس وبلقيس قعدت تضرب فيه وتحاول تقومه وقامت مليكة تساعده وتزعق فيه وهددته:*أنت مش بتسمع الكلام ليه، مش كفاية مستحملاك بقرفك دا، أنت شارب حاجة ولا ايه*
هشام متكلمش، بص لها ومشي وراح على أوضته اللي موجودة في آخر الفيلا وأوضة بلقيس كانت جمب أوضة مليكة على طول
هشام مقدرش يبطل تفكير في بلقيس وجسمها اللي شافوا تقريبا عريان وحضنها الدافي لما وقع عليها، وفكر أنه يروح يعتذرلها، راحلها الأوضة خبط مردتش قال يمكن نايمة، لسة هيفتح الباب سمع صوت بلقيس وهي بتصحي مليكة:*مليكة مليكة*
مليكة:*أي فيه أي؟!!*
بلقيس:*ممكن أبات عندك انهاردة عشان أنا خايفة أوي*                          
مليكة ضحكت حبة:*ماشي يا ستي تعالي بس قوليلي أي اللي مخوفك؟!*
بلقيس:*بصراحة خوفت لأخوكي يجي لي الأوضة، هو شكله شارب حاجة وأنا خوفت لا يعمل فيا حاجة*
مليكة:*طب تعالي وأنا هبقى أشوف الموضوع دا بكرة*
هشام اتسحب على أوضته ونام وصحي قبلهم كلهم وراح الشغل بدري، لما صحيوا
بلقيس:*روحي صحي أخوكي عشان نفطر* مليكة بضحك:*انتي لسة خايفة منه.. طيب.. يا نهى*                              جات نهى:*أيوة يا ستي*
مليكة:*روحي صحي هشام بيه من الأوضة بتاعته*                                        نهى راحت الاوضة وأول ما فتحت الباب لقت الأوضة مقلوبة وهشام مش فيها، ولقت أزايز خمرة وهدومه مرمية في كل مكان، نهى لمت كل حاجة وخبتها، وراحت لمليكة *الفطار جاهز وهشام بيه مش في أوضته*                                 مليكة:*مش موجود.. مش موجود أزاي يعني*                                     بلقيس:*خلاص روحي انتي*
مليكة اتصلت بيه وقالها أنه في الشغل وفطر برة، بلقيس غيرت هدومها وقعدوا يفطروا، مليكة حست أن أخوها حب بلقيس وقالت لو اتجوزها ممكن حاله يتصلح وقعدت تكلمها عنه، وأنه كان في كلية تربية ومتخرج بجيد جدا، وأن عنده أفكار و.. بلقيس قاطعتها في الكلام:*ممكن نفطر عشان نروح الشغل*
كان واضح جدا أنها مش عايزة تتكلم عنه، مليكة فكرت أنها بتحبه وأنها مش عايزة تتكلم قدام حد أو بتتكسف، بعد ما بلقيس مشت مليكة اتصلت بأخوها وقالتله يروّح دلوقتي.
هشام أتأخر شوية ومليكة افتكرته مش جاي وأول ما وصل هشام قالتله مليكة:*خليك برة هخلص شاور وأجيلك*
هشام فكر يستغل الفرصة دي ويروح أوضة مليكة اللي كان متأكد أنهم مخبيين حاجة وفضل يقلب في الدولاب وسط الهدوم، جات من وراه نهى وحطت أيدها على كتفه وقالتله:*أنت فاكر محدش شايفك*
اتخض هشام ولف وشه وقع جوه الدولاب من الرعب ولما لقاها نهى كلمها بصوت واطي:*انتي بتعملي أي هنا*
نهى:*زعق كمان وأنا هفضحك.. أنا عارفة انت كنت بتعمل أي امبارح، كنت سايب أزايز الخمرة والحشيش و...*
حط أيده على بوقها وطلعها برة وشالها ودخلها أوضته، وقفل الباب وقال:*أنتي عاوزة أي*
نهى:*(100) ألف جنيه*
هشام:*نعمممم؟؟!* 
نهى:* يا الفلوس يا الفضيحة، تختار أي*
هشام فكر شوية:*طيب هديكي الفلوس، بس الموضوع دا تنسيه تمامًا*
خرجت مليكة من الحمم وراحت على أوضتها واتفاجأت من المنظر

                                           ،،تتبع