نبدي بسم الله 🤍🤍
هلو اسمي (زينة)
رح احجيلكم قصتي الخيالية
جنت عايشة بمدينة صغيرة عايشين بيهة سكان طيبين يعني ناس تحب ناس وعايشين بخير وسعادة
المهم...
بيوم من الايام طلعنة اني وامي واختي وبنات خالتي رحنة نشتري ملابس بس من طلعنة من بيتنا حسيت رح يصير شي وشي غريب بس جان مجرد شعور لا غير...
كملنا الطريق دخلنا للسوق هذا السوق ميصير يدخلون بي الرجال بس للنساء ف احنة دخلنا اشترينا كملنا كل شي
نريد نرجع للبيت بس قبل منرجع صار شي رح اكوللكم شنو هو..
اكو ظاهرة جانت مشهورة بمدينتنا والي هي(اكو مدينة بالسماء يعني بيوت وعمارات نفس عيشتنا بالضبط واذا نزلت هاي المدينة للأرض معناها رح ينتهي هذا عالمنا ورح يجون ناس ورانا) بس اني جنت اكول كذب ماكو هيج شي بس بهذا اليوم ظهرت هاي المدينة اني ظليت مصدومة طلعت صحيحة واني عبالي كذب وإشاعات ما معقولة..
نريد نرجع للبيت ونسمع كل الناس تصيح الله اكبر نهاية العالم الله اكبر ويركضون منا ومنا ميعرفون شيسوون اني بالبداية مفتهمت شصار بعدين فهمت يعني احنا رح نموت هسة معقولة_!!!!!
لا لا هذا حلم
مو حلم حقيقية
زين وهسة شنو الحل
ركضنا اني وامي واختي وبنات خالتي ورجعنا للبيت ركض.....دخلنا البيت وحايرة شاسوي ظليت كاعدة وابجي...ليش هيج لييييش؟!واني بعدني صغيرة وكل شي ماشفت من حياتي
ماندري شنو الي رح يصير بينة بس بقينا كاعدين
زين وهسة شنو صار برا بالعالم رح نظل كاعدين هيج
طلعت اشوف شكو شصار...ولكيت المفاجأة..!"
ماكو شي ماكو بشر بالشارع الناس اختفت محد موجود هنا ..دخلت اكول لامي واختي وبنات خالتي
بس مالكيت احد جوا
وين راحو..ليش اختفوا
هنا تغيرت حياتي 180 درجة بقيت كاعدة ابجي
قررت اطلع برا اشوف بلكت الكي شخص
طلعت جان اسمع واحد يصيحلي
والصوت جاي من جوا
ركضت اشوف هاي امي لو منو ؟
لكيت غير أشخاص مو أهلي هذولة
غير ناس
كلتلي شبيج بنتي شو خايفة ..بقيت ساكتة ودمعتي بعيني
هاي مو امي متأكدة..امي وين منو هذولة الناس
أهلي معقولة
بقيت عايشة وياهم لانو ماكو أشخاص بالعالم غيرهم
تقبلت الموضوع
عايشة يم عائلة يعرفوني بس ما اعرفهم.. شنو هاي العيشة
وصارلي 10 سنوات عايشة وياهم واني اكو ابالي اسئلة ليش يعرفوني واني ما اعرفهم؟
وليش بس همة موجودين ماكو غيرهم؟
وليش بس اني بقيت عايشة واهلي والناس اختفوا؟
.
.
.
.
.
بعدين قررت اكتب قصتي عسى ولعل الناس الي رح تجي ورانا تقرأ قصتي
يعني اني عشت حياة ثانية شلون وكأنما جنت بعالم وغمضت عيوني وفتحتها لكيت روحي بعالم ثاني و هذا الي ردت اكولة الكم وشكرا على القراءة
