وفى القصر وصلت لارين ووجدت
دارين ومى يجلسون
فى الرسيبشن ومى يبدو على وجهها
الذهول ودارين تضحك
مى بذهول : يخربيتك انا مكنتش
اتوقع انك هتعملى كده
انتى جباره
دارين بضحكة ماكرة : اومال انتى
فاكره كنت هعمل ايه
انا اللى يدوس لأختى على طرف
اقطعهوله لارين اكتر واحده
بينا رقيقه و بتفكر بقلبها وتحسى انها طفله صغيره وانا عمرى
ما اسمح لحد انه يكسر قلبها
مى بتسأل : طب هتعملى ايه
دارين بتنهيده : مش هينفع لارين تروح الجامعه دلوقتى مش هتعرف
تمثل انها مش معجبه بيه وان
الموضوع دا مجرحهاش وغير كده هو دلوقتى حطنى فى دماغه
مينفعش لارين تظهر فى الجامعة دلوقتى بأى حال من الأحوال
توجهت لارين إليهم
لارين بتسأل : عملتى ايه يا دارين
قصت دارين ومى ما حدث للارين وهى مذهوله من ما تسمعه منهم هل حقا اختها فعلت هذا الأساس انها لا تصدق
لقد اخذت حقها وأكثر
لارين بذهول : أنى عملتى كل دا يا دارين
دارين : اكيد اللى يقل
منك كأنه قل منى بالظبط
وانا مبسبش حقى
لارين بحب : انا مش عارفه
من غيرك كنت عملت ايه ربنا
يخليكي ليا
دارين بحب : ويخليكى ليا يا قلبى
مى بتأثر : بس بقا ياجماعه علشان هعيط بقا
دارين بجديه : المهم دلوقتي
انك مش هتروحى الجامعه لفترة انا اللى هروح وانتى اللى هتبقى مكانى فى الشغل
لارين : ليه مش الموضوع خلص
دارين : لا يا قلبي مخلصش
هو دلوقتى حطنى فى دماغه ومش
هيسكت على التهزيق اللى
انا هزئتهوله وانتى مش هتعرفى تتعملى
معاه دلوقتى علشان
كده احنا هناخد مكان بعض لفتره
لارين بتوتر : طب شغلك انا بفهم فيه شويه لكن مش لدرجه انا اشتغله يعنى
دارين بطمائنينه : متقلقيش انا هقعد معاكى اعلمك الشغل كويس وانتى ذكيه وهتفهمى بسرعه تمام
لارين : تمام
***********
فى مكان أخر كان احد الأشخاص يتكلم فى الهاتف
رامى : يا محمد انا عشر دقائق بالظبط وهنزل معلش بس انا باخد
واقتى فى اللبس شويه انت عارف بقا ممثل ومشهور بقا لازم لبسى
يكون شيك واكون مهتم
بنفسى كويس
محمد بسخريه : طب يا فنان اخلص علشان معاد التصوير
رامى : تمام سلام بقا علشان اخلص
وفى مكان أخر كان
تركب سيارتها بيد وتمسك الهاتف
باليد الاخرى واذا
إقتربنا من السياره نستطيع سماع صوت صراخها العالى فى الهاتف
سيلين بزعيق : يعنى ايه يخلى
جيكوب مكانى فى
السباق ايه لعب العيال دا انا مش هاسكوت على اللى بيحصل
دا هو علشان انا نزلت مصر هيفتكر
أن الجو هيحلاله انا لو دخلتش السباق دا هطربقها على دماغ الكل
واثناء حديثها او صراخها اى كان
كان رامى نزل من بيته
وكان متوجها لسيارته المكرونه على
الجانب الاخر من الطريق
كانت سياره سيلين متجها نحوه حاولت
تفاديه لكن لم تستطع لقرب
المسافه وصدمته السياره لكن لم
تكن صدمه قويه
نزلت سيلين بسرعه وإتجهت نحوه
سيلين بأسف : انا اسفه واللهى
مكنش قصدى طب انت كويس حصلك حاجه
رامى بألم : اه رجلى
بتوجعنى شكلها اتكسرت
سيلين بتوجس : طب تعالى اوديك المستشفى
قامت بمساعدته ليركب
السياره وانطلقت الى مستشفى الحسينى وهى مستشفى ماك لعائلتها
ووصلت الى المشفى
وخرجت من السياره وإتجهت الى الاستقبال وطلبت نقاله ليحملو
رامى عليها واتجه الممرضين ومعهم النقاله
ونقلو رامى الى الداخل وبعد فتره
من دخول الدكتور لغرفه رامى
و إجراء الاشعه له وفحصه
خرج الدكتور فتجهت إليه
سيلين بقلق : ها يا دكتور هو كويس
الدكتور : هو الحمد لله كويس مفيش غير شويه رضوض وإلتواء فى
القدم معندوش كسر لازم يرتاح اسبوع فى البيت وميدوسش على رجله
سيلين براحه : الحمد لله عادى ادخله
الدكتور : اه اتفضلى يا انسه سيلين
سيلين بأبتسامة : شكرا لحضرتك تعبتك معايا
الدكتور بأبتسامة : على ايه دا واجبى
ورحل الدكتور وهى استأذنت لتدخل الغرفه وسمح لها رامى بالدخول
سيلين بأعتذار : انا اسفه بجد على اللى عملته
رامى بلطف : حصل خير مفيش مشكله
سيلين : الدكتور طمنى عليك
وقالى انك الحمد لله مفيش كسر هما
شويه رضوض وإلتواء
هترتاح لمدة اسبوع ومهم انك
متدسشى على رجلك
رامى بستغراب : هو انتى متعرفنيش
سيلين بتسأل : وانا هعرفك منين
رامى : هو انتى مش بتتفرجى على التلفزيون
سيلين : هو انا بتفرج
على التلفزيون عادى بس مش يتابع مصرى قد كده معظم اللى بتفرج
عليه اجنبى والعربى معظمه قديم برضه بس دا علاقته ايه بأنى
اعرفك هو انت بتطلع فى التلفزيون
رامى بابتسامه : اصل انا ممثل وعلى حد علمي مشهور فستغربت انك
معرفتنيش او طلبتى منى توقيع او تتصورى معايا
سيلين بضحكه رقيقه : لا انا مكنش اعرف انك ممثل واللهى فرصه سعيده اسمك
ايه بقا علشان ابقى اتفرج
على اعمالك الفنيه
رامى بضحكة : اسمى رامى حسن
سيلين بأبتسامة : تمام يا رامى
وفى هذه الاثناء احدهم دق باب الغرفه أذن رامى له بالدخول
دخل شخص ما وكان بعينيه قلق توجه الى سيلين وقام بإحتضانها تحت نظرات رامى الفضوليه والمغطاظه
فى نفس الوقت
احمد يقلق : سيلين انتى كويسه قالولى فى الاستقبال انك جايه
فى حادثه عربيه
سيلين بأبتسامة : ماتخفشى يا حبيبى أنا كويسه هو بصراحه
انا اللى خبط بالعربيه مش اللى اتخبط
توجه نظره الى رامى
احمد بأسف : احنا اسفين حضرتك وأى تعويض مادى احنا مستعدين ليه
رامى : لا مفيش داعى
انسه سيلين مكنش قصدها تخبطنى اكيد وجد سليمه الحمد لله
احمد بأمتنان : شكرا لحضرتك اتشرفت بمعرفتك كان نفسى
نتعرف فى ظرف احسن من كده دكتور احمد البحيرى واخو سيلين
رامى بابتسامه : رامى حسن اتشرفت بمعرفتك
سيلين بأبتسامة : نستأذن احنا
الدكتور قال انك تبات انهارده فى
المستشفى وبكره هيكتبلك على خروج وانا هاجى بكره اطتمن عليك سلام
رامى بابتسامه : سلام
وخرج كل من سيلين واحمد من الغرفه
رن هاتف رامى
رامى : الو
محمد بغيظ : تصدك انك معندكش
دم انت فين دلوقتي
رامى : يعم اهدى شويه انا عملت حادثه وفى المستشفى دلوقتى
محمد بقلق : حادثه ايه
قص له رامى الذى جرى له
محمد : طب مسافه السكه واكون عندك
وأغلق الهاتف
كان رامى بتذكر سيلين ويبتسم
******
وفى القصر كانت تجلس دارين
ولا رين كانت لارين تشرح للارين عملها ولارين تشرح للارين النهج
الذى تأخذه حينما دخلت عليهم سيلين
سيلين بمرح : يا شعب
الحسيني هلمو إنى جئت
دارين ولارين ركضو إليها وإحتضانوها
دارين : جيتى امتا من امريكا ومقولتيش ليه نيجى نخدك من المطار
سيلين بمرح : قولت اعملهلكم مفاجئه لقيت مصر هى اللى عملالى مفاجئه
دارين بتسأل : ليه ايه اللى حصل
قصت لهم سيلين ما حدث معها
لارين بدموع : وانتى حصلك حاجه
سيلين بأبتسامة : يا حبيبتي انا قدامك اهو مفيش فيا حاجه الحمد لله بصو بقا انا طالعه فوق انام علشان هلكانه وهموت وانام
تصبحو على خير
دارين ولارين : وانتى من اهله
*******
فانزى القمر وحشتونى وحشتونى موت يعنى انا عارفه أنى إتأخرت عليكم بس بجد كان عندى ابحاث وامتحانات ومكنتش فاضيه نهائى متنسوش الڤوت ★ والكومنتات بقلم بسنت أبوريه
