وفى شركه عائله الشرقاوى وتحديدا
بمكتبه كان يجلس ياسين على
المكتب يتابع احدى الصفقات وبعد مرور بعض
الوقت طلب سكرتيرته
ياسين بجديه : سحر جمعى المهندسين وقوليلهم أن عندهم
ميتنج كمان نص ساعه
سحر: تمام يا ياسين بيه اى اوامر تانيه
ياسين بجديه : لا اتفضلى انتى
على شغلكو بعد نص ساعه
وفى قاعه الاجتماعات
ياسين بجديه : احنا اخدنا منقصه
مهمه جدا مع شركه
امريكيه لمشاريع
قريه سياحيه انا عايز منكم تصميم
مبدأيه وأكتر
تصميم هيعجبنى
صاحبه هو اللى هيكون
المسأول عن التصميم
فى القرى والمهندسين الاتنين هيكونو
بيساعدوة بمعنى أن هو هكون
الليدر بتعهم تمام
الجميع : تمام يا ياسين بيه
وفى مكتب لارين والذى يشترك به العديد من المهندسين دلفت
للداخل فتاه يبدو عليها الغرور
جيجى بغرور : هاى عليكم
منه وهى احد المهندسين فى المكتب
منه بسخريه : وعليكم الهاى ياختى
محمود بلهفه : اهلا يا انسه جيجى واللهى المكتب نور بيكى
جيجى بغرور : اكيد هينور بيا طبعا
ثم اشارت بأصبعها على لارين بستصغار
مين دى
لارين بغضب : انا اسمى دارين مش دى انتى بقا اللى مين بالظبط
جيجى بترفع : انا مهندسه جيجى وانا بنت عم ياسين صاحب الشركه
اللى انت شغاله فيها
لارين بتحدى : قصدك اللى انا وانتى شغالين فيها يعنى انتى
زيك زى هنا وز ى اي حد عادى
جيجى بغضب : انتى
بتجيبى نفسك ليا انتى مجنونه
لارين ببرود : انا فعلا مينفعش
اجيب نفسى لوحد زيك ولو سمحتى
سيبنى اركز فى شغلى
جيجى بغضب وتوعد : تمام اشتغلى بس انتى غلطى لما لعبتى
معايا انتى متعرفيش
لارين ببرود : دا من حسن حظي أنى معرفكيش
نظرت لها جيجى
بغضب وخرجت من المكتب
منه بفرح : واللهى جدعه يا دارين جبتى منخرها الارض بدل ماهى متعنطظه علينا كده ورفعلنا منخيرها فى السما
لارين : انا مش عارفه ازى اتكلمت كده دى نرفزتنى جدا انا فى العادى مبحبش
اكلم حد وحش لكن هى خرجتنى عن شعورى
منه : سيبك منها و ابدأى
فى تصميم المشروع ورانا هم متلتل
لارين: عندك حق احنا عندنا البتاع اللى انتى قولتى عليه دا
منه بضحك : انتى عسل واللهى
**********
وفى قصر عائله الحسينى
كانت سيلين تجلس
امام شاشه العرض تسمع احد افلام
الرعب التى تعشقها حينما دخلت
لارين و دارين من الباب
سيلين بحماس : ديرو ولارى تعالو
تتفرجو فلم رعب يجنن
لارين بخوف : لا يا سيلى انتى عارفه
انا بخاف من افلام الرعب
دارين وهى تجلس بجانب سيلين
دارين بتنهيده : انا اصلان مش فايقه
قاطعهم دخول يوسف ركضت سيلين الى يوسف وقفذت فى احضانه
سيلين بحماس : جو حبيبى
وحشتنى موت موت
يوسف وهو يحتضنها : مع انك لسه شيفانى من اسبوع بس همشهالك
سيلين : وهو اسبوع مشوفكش
فيه قليل انت عارف
مكنتك فى قلبى يا بيبى
يوسف بضحك : ماشى يا بكاشه هصدقك
ركضت لارين الى يوسف وإحتضنته
لارين بإشتياق : يوسف وحشنى أوى انا زعلانه منك مكلمتنيش بقالك فترة
يوسف وهو يحتضنها : معلشى يا حبيبتي انتى عارفه انا كنت مشغول قد ايه
نظر يوسف الى دارين
الثابته فى مكانها
يوسف بنظره ذات معنى : ايه يا دارين مش هتسلمى عليا ولا ايه
اتجهت له دارين وإحتضنته وقبلته على وجنته
دارين بقلق : بص
انا هقولك كل حاجة
يوسف بهدوء : وانا سمعك احكى
جلس يوسف و الفتيات
واخذت دارين تحكى له عن
كل شى وكيف تبدلت الادوار
بينها وبين لارين
سيلين بعدم تصديق : انتو عملتو كده
بجد يعنى لارين بتشتغل مكانك
وانتى بتروحى الكليه وكمان
هزأتى اللى اسمه انناس ده
دارين بضحكه : اسمه إلياس مش انناس الانناس دا اللى بتاكل
سيلين بعدم مباله : what evar يعنى المهم انتو عملتو كده
دارين : اه اكيد مكنتش هسيبه يعمل كده فى اختى واسكتله
سيلين بحماس : طبعا عندك حق يا
بختك حلوه المغامرة دى واللهى
دارين بضحكة : انا قولت كده برضه ايه رأيك
سيلين : لا جمده اصلى
يوسف بغيظ : انتو بتهزرو
ولا ايه انتو عارفين انتو عملتو ايه
ولو اتكشفتو هيحصلكو ايه
انتو بتنتحلو شخصيه غير شخصيتكم انتى بتشتغلى فى شركه
لو المدير عرف انك مش دارين
تقدرى تقوليلى هيعمل فيكى ايه مش بعيد يسجنك وانتى يا ست
الفالحه لو اكتشفو فى الجامعة انك مش لارين اقل واجب انهم هيفصلوكى
من الجامعه اصلا انا بجد مش عارفين
بتعملو ايه
لارين بأسف : انا اسفه يا يوسف واللهى بس انا مكنتش اعرف اروح
الجامعه بعد اللى حصل لولا دارين انا كان شكلى هيبقا زفت قدام الجامعه كلها
دارين بهدوء : متقلقيش يا جو احنا واخدين حذرنا كويس قوى
يوسف بتنهيده : تمام انتو كبار وعرفين مصلحتكم وانا نصحتكم وانتو حرين
سلام انا طالع فوق اريح شويه
*********
فى بيت قصر عائله الشرقاوى كان ياسين يترأس مأدة الطعام
وبجانبه ساره فى الجانب الاخر اخته
الصغيره هند يتناولون الطعام
ليقاطعهم دخول إلياس وجلوسع على السفرة بجانب ساره
إلياس بحب : حبيبه عمو عمله ايه
ساره بزعل : متكلمنيش
انا مخمصك(مخصماك) اصلا علشان انتى مبقتش تلعب معايا
إلياس بأسف : اسف
يا قلبى انا انهاردة هقعد العب معاكى
لغايه متزهقى وتولى
امشى بقا يا إلياس انا زهقت من اللعب
ساره بفرحة : هيه بجد يا يسو
إلياس بضحكة : بجد يا قلب يسو
ياسين : إلياس عامل ايه فى جمعتك انت واختك
إلياس : تمام مفيش جديد
هند بخبث : مفيش جديد ايه بس متتكسفش يا إلياس دا خوك الكبير برضه
إلياس بغضب : هنددد
ياسين بجديه : فى ايه بقا
هند بخبث : اصل اخوك فى واحده هزئته قدام الجامعه كلها
ياسين بستغراب : واحده هزأت إلياس غريبه دى وايه اللى يخليها تعمل كده
هند بخبث : هقولك انا
وقصت هند لياسين كل ما حدث وصت غضب إلياس
ياسين بضحك : مش معقول فى حد
يعمل كده لا بس بجد البنت
عندها حق تهزأك
إلياس بغضب : ليها حق ليه إن شاء الله
ياسين بسخريه : حد يقول لواحده
كده ليها حق تفكر وتردلك الأهانه
دى وضعفها كمان واهى
ردتهالك يا فالح علشان تلم نفسك بعد كده
إلياس بتوعد : انا مخلصتش
حسابى معاها
وقام من على المائده
بغضب وتوجه الى غرفته
*********
بقلم بسنت أبوريه
