بداية-الحب-🍃-باللهجة-الجزائرية-💫

P.A.R.T 01

شفتو الفوطو لي راها الفوق هاذيك انا نقتلكم اذا قريتوها وفوطيتوش وخليتو كومونتار ونزيد ندعي عليكم دعوة شر ونوكل عليكم ربي تحت شعار (احمودة باغي طرطقلي عرق)

انا امنية 21 سنة جزائرية وامي لبنانية توفى ابي وانا في عمري 3 سنين واختي 7 سنين هزتتنا امنا وسافرنا للبنان استقرينا لهيه امي كانت قبل ماتتزوج كانت عارضة ازياء بصح كي تزوجت ببابا بطلت الخدمة كي توفا بابا ورجعنا حاولت ترجع لخدمتها بصح اكيد مش كيما الاول كانت تخدم في اماكن غير محترمة نوعا ما المهم كانت تصرف علينا يعني عايشين والسلام فاتو لعوام اختي لكبيرة دخلت للجامعة دارت طب اسنان وكملت قرايتها في فرنسا انا اديت الباك ودرت انجليزية درت حجاب صحيح امي عارضتني بزاف بصح في الاخير قاتلي انت حرة وكبيرة كنت مانخالطش منكذبش على روحي كنت نحشم بماما ومنحبش مامبا يعرفو الناس بلي هي امي كنت منطوية من البيت للجامعة في الليل كانت امي تقضي سهراتها مع المشروبات والاصدقاء واللعب يااماا تروح عندهم يا اما هوما يجيو عندها المهم تسهر كنت نداوس معاها على هاذو لفعايل ونقولها حرام عليك كي كان بابا حي مكنتيش هاك واش صرا كانت تقولي غلطتي لكبيرة كي تزوجتو وضيعت مستقبلي المهم كنت نحسد اختي خاطر باعدت وتهنات من حياة الذل هاذي رجال داخلين رجال خارجين واحد النهار كنت راقدة على 2 تاع الليل نسمع الحس ولعياط في الدار نضت نلقا الغاشي يجري انا بيتي لفوق واحد ماكان يطلع سهراتها كامل اديرهم تحت 🙊🙊🙊🙊طليت لقيت لابوليس والغاشي يجري رجعت لبيتي لين جاو دخلو 2 من لابوليس هزوني للمركز شفت لثمة بزاف وجوه كاين الي نشوفهم وكاين الي جامي شفتهم يسقسو فيا وانا في عالم واحد اخر ولاحظت بلي ماما ماكنتش لثمة بكيت بكيت وترجيت واحد ماسمعني ولاصدقني دخلت للسجن 3 شهر وانا نعاني من غير سبب تمنيت لوكان مت ومعشتش الجحيم الي عايشاتو والعار الي راح يلحق بيا بعد مانخرج من هاذ المكان

هاهي صورة امنية متكحلوش بزاف

خمسة وخموس عليها ربي يحفضها من العين خموس وجبريل  زين ودين وطاعة الوالدين اك فاهم قولو مشاء الله لا تعينوهالنا هههههه