بداية-الحب-🍃-باللهجة-الجزائرية-💫

p.a.r.t 02

الفوطو لي راهي الفوق تعبر تع منغيضكمش انا نهبطلكم لي بارت ونحط لي كرونيك ومنصيبش تفاعل اسما انا مش بنادم اسما انا رخيس اسما انا منسواش اسما انا بير خادم اسما انا حمار زادم اهومي لاه العيب ضروك ياك باطل راك تقرى وفوطي وخلي كومونتار ياك مش رح تنقصو من عمرك

والشي الي زاد عليا امي مسقساتش عليا ومابانتش خفت لايكون صرالتلها حاجة جاء اليوم الي نخرج فيه من هاذاك الجحيم رجل للوراء ورجل للقدام قشي بالي وحالتي يعلم بيها غير ربي سبحانو مشيت مشيت والجوع والتعب هدني لحقت لدارنا طلعت بخطوات ثقيلة خايفة ومرعوبة من الشي الي يستناني لقيت الباب مبلع صونيت حد ماجاوب قتلني التعب رقدت بحذا الباب مفقت الا بيد تجبدني هزيت نلقاها امراة في الاربعينات قاتلي نوضي اتنطرت وقعدت على روحي قلتلها واش كاين شكون انت قاتلي انا مولات الدار قلتلها انا مولات الدار قاتلي اااه انت الي وصاتني الي باعت الدار عليك قلتلها وين راهي قاتلي علاه واش دخلني فيها خلاتلك حقيبة وراحت دخلت جابتلي هازيك الحقيبة طيشتهالي وقااتلي تقدري تروحي قبل مايجي راجلي قلتلها اوكي هزيت بعضي وباعدت شوية وفتحت هاذيك الحقيبة لقيت شوية قش نتاعي اوراق نتاعي وشوية دراهم ورسالة لفتت انتباهي ازربت حليها لعلها تجاوبني على الاسىئلة الي في خاطري حليتها قالتلي اسفة بنتي نحبكم بصح قررت نروح نكمل حياتي في بلاصة اخرى انشاء الله افرج عليك ربي ويعطيك على قد قلبك لكبير بااي طاحت دمعتي سبقتني عرفت بلي امي تخلات عليا بكيت بكيت رحت للوتال شوية رخيص كان قريب لدارنا ونعرف مولاتو مليح
حكمت شامبرة وطلعت طيشت روحي على الفرش ورقدت مفقت الا على صوت الدقديق في الباب فتحت لقيتها مولات النزل هاذاك باستني وقاتلي عاش من شافك والله بعد الهدرة الي خرجت عليكم انا نعرف اخلاقك مليح والله ماصدقت هبطت راسي من الحشمة قاتلي كوني هانية راكي بنتي اقعدي الهنا حتى يفرج ربي وتلقاي وين تروحي وامك ربي يهديها انا قضيت عمري نجري من طبيب لطبيب لعل اينوب عليا ربي ونجيب بنوتة كيفك وهي تفرط فيك وانا دموعي هابطة عييت مانقول نضت دوشت لبست من القش الي كان في الحقيبة وخرجت رحت للجامعة دخلت للكلاس دار ليا الغاشي اكل ويضحكو ويهدرو بيناتهم عرفت بلي لخبر انتشر ورجعت سيرة على كل لسان ثم ثم عيطولي للادارة رحت قالولي اسفين بصح راقي موقوفة من لقراية عندك سوابق خرجت نكركر في رجليا ونبكي بحرقة لين تنفخو عينيا رجعت للنزل دخلت للبيت وبت ليلة كاملة نبكي ونخمم في مستقبلي واش مخبيلي نضت الصباح نحوس على خدمة والو كل يوم نفس الروتين نظل نحوس ولعشية ندخل قاتلي مولات لوتال تقدري تعاونيني انا وحيدة ومحتاجة سند في الحياة فرحت من قلبي وحضنتها حسيتها الام الي عوضني بيها ربي باه ننسى امي الي رغم كل شئ مازالت نحبها ونتمنالها الخير