استيقظت بطلتنا "ساره" على صوت والدتها وهي تقول:قومي يبنتي حرام عليكي بقالي ساعتين باجي اصحيكي............. تقوليلي عشر دقايق الاقيهم ساعه
ساره صحت من عند السرير و بدأت تستيقظ وتقول لوالدتها:ده بدل صباح الخير يعني......هههههه...... نفسي مره يماما تصحيني براحه..... هههههه...... على الأقل علشان نفسيتشي.........
الأم:قومي يا آخرة صبري...... حضري معايا الاكل يلا
ساره بمرح:قوليلي بس يا ماجده فين حسن
ماجده بغضب :بت متقوليش ماجده دي بتعصبني...... وبعدين في حد يقول كده على ابوه
ساره بمرح:هي حسن دي شتيمه
ماجده:قومي يلا يا لمضه ومتقوليش ماجده حاف كده تاني...... فاهمه
ساره:اومال ساموكوا لي مش علشان تتندهوا بأسميكم....... دة اي يارب العيله دي
ماجده:صح انتي عايزة ابوكي في أي
ساره:ماجي ده موضوع يخصني انا وحسن لو سمحتي متدخليش........ وبعدين لما الكبار يتكلموا العيال يسكتوا
ماجده:عيال مين دول إلى هيسكتو
حطت ساره ايديها على بوقها وقالت:منا سكت اهو يا ست الحبايب
ماجده:ايوة كده اتعدلي
ساره:بجد يماما انا عايزه اكلم بابا
ماجده:لي يا ساره فيه حاجه
~~~~~~~~~~~~~~~~~~~~~~~~~~~~~
صحا سيف علي المنبه اليومي بتاعه على عادته و قام اخذ حمام منعش ولبس بدله سوداء و تحتيها قميص ابيض اللون حتى أصبح في كامل شياكته
جه أحمد اخوه وقال:بس اي يعم الشياكه دي رايح فين بقا
سيف:هكون رايحه فين عالشركه اكيد عايز حاجه
احمد:لأ منا خلاص لابس ومقرر اني هنزل انهارده عالشركه
سيف:لي يا أحمد انت سخن
أحمد:لا........ ادبس في اختك انت بقا يا معلم
سيف:لي مالها مليكه
احمد:قصدك هببت اي مليكه...... هي دي حد يخاف عليها ده يخاف منها....... زهقانه بقا يا سيدي قالت ترخم(زي بقيت اخواتنا يعني😂)......... تقوم تطلع قرفها علنا احنا بقا
مليكه دخلت لحظت ما سمعت أحمد وهو بيقول.... "قصدك هببت اي مليكه.................. تقوم تطلع قرفها علينا".......
ثم قالت:بقا انا بطلع قرفي عليكم يا ابو بوز مترين منك له
جرت مليكه بسرعه من الغرفه واتجهت إلى غرفتها وقفلت الباب بالمفتاح..... (متدققوش معايه في اللغه العربيه ضايعه مني ها 😂)....... لأنها عارفه انهم بيغضبوا من كلامها دة........ (ناس نكد والله ياباشا)
مشا سيف هو وأحمد بعد ما جهزوا خالص
~~~~~~~~~~~~~~~~~~~~~~~~~~~~~~
ساره:يماما انا عاوزه اشتغل بقا
_تاني الموضوع ده يسارة
التفت ساره للصوت ده وهو صوت على اخوها
سارة:انت بتطلع منين ياض
علي:بعيدا عن ياض دي نتكلم فيها بعدين....... وبالنسبه لموضوع الشغل ده مينفعش يساره اولا انا مش حارمك من حاجه علشان تقولي كده ونا اهو بشتغل ونتي اما تخلصي جامعتك تبقى تشتغلى وثانيا بقا ودة الأهم اني مش عاوز اي تأثير في الجامعه عندك يا ساره
ساره:علشان خاطري يا على في الاجازه بس والله
علي:اوك لو في الاجازه بس يسارة غير كده لأ
ساره:حبيبي يا اخ يايا قمر انت
علي:مش كنت ياض من شويه...... مصلحجية..... فين اختك الهبلة الأوزعه
_انا هبله واوزعه يا زرافه
علي:اي يا هنا انتي كنتي بتتجسسي
هنا:اه الصراحه ههههه...... وبعدين تعالى هنا انا مش اوزعه يبابا انت الي طويل زياده عن اللزوم
علي:طب سيبك من انك اوزعه انتي هبله ياحبيبتي
هنا:برده هيقولي اوزعه بردو
علي:يعني هبله عادي يا هبله
سارة دخلت في النص مرة واحدة:جماعة مينفعش كده......... أي سكتو لي انا كنت لسه هقول متمد ايدك ياض
علي:عارفه لو مسكتي همد ايدي عليكي انتي
سارة:لأ ياحبيبي انا بقولك عليها مش عليا..... ثم تابعت بخبث....وبعدين دة انا حبيبتك وجاهزتلك الحمام علشان تاخد شاور..... ثم تابعت بصوت واطي..والبس بقا يا معلم هعهعهعهعهع
علي: انتي هبله يساره بتضحكي مع نفسك
ساره: اه هبله.....يلا بقا ادخل
علي:ولو اني مش مستريحلك بس اوك
دخل على الحمام وسارة كانت حطاله صابونه على الأرض ووقع على في الأرض..... بعد ما طلعوا على وأعدوا علي السرير
علي:ماشي يا ساره الكلب
ماجده:لي يبني بس مالها سارة
علي:هي الي وقعتني
سارة:انا عارفه النظرات دي ها............عاااااااااااااااااا الحقوني يابااااااااااااااا
سارة وهي واقفه على الكنبه هربانه من امها استهدي بالله يا شوكولاته سايحه جوه كيك
ماجدة:والنعمة انا الي هخليكي سايحة دلوقتي
سارة:اهدي بس يا ست الحجة ماجي ثم تابعت بمرح كنتاكي علم عليكوا على فكرة
ضحكت الان ونست هي جايه لي اصلا
سارة:انا رايحه البس بقا علشان أقدم في الشركة
هنا:بسرعه كدة
ساره:اه
ثم ذهبت ساره ولبست سلوبيت ابيض في اسود عليه جاكت جينز قصير و لبست ةوتشي ابيض و لبست حجابها ثم اتجهت للشركة
~~~~~~~~~~~~~~~~~~~~~~~~~~~
سارة وهي داخله الشركة خبطط في سيف
سارة:انت عامي يسطا متمشي عدل
سيف:انتي عبيطة يبت انتي
سارة:عبيطه مين ياض انت....... اوعا بقا كده سيبني امشي
سيف في نفسه:لو إلى فى دماغي صح مش هخليكي تشوفي يوم عدل
ثم اتجهوا الاسانسير ووقفوا مع بعض من غير كلام حتى اتفتح الاسانسير وسارة قاعدة مستنيه ينادوا على اسمها
العميله:سارة حسن
سارة:ايوة انا
دخلت سارة واتصدمت من المنظر إلى شافته
سارة:هو انت
~~~~~~~~~~~~~~~~~~~~~~~~~~~
بصوا بقا انا قولت ابدأ بأول حلقه مش أحداث جامده اوي يعني علشان اسيب التقليل ورا تمام عايزه بقا توقعاتكم وارائكم في الكومنت تمام💖
يارب بقا تعجبكم😂🌺
#مغرور ولكني احببته💖
استنوا بقا الحلقه الجايه🌺
أنت تقرأ
💖مغرور ولكني احببته💖
Ficción General💖💗القصه عباره عن أن فيه بنت اسمها ساره من عائله بسيطه بس هي بتمتلك جمال لا يقارن بأحد بعيونها الزرقاء وبشرتها البيضاء وشعرها البني الفاتح الحريري الذي يتخطي ظهرها بطول بسيط و زاد جمالها جمالا حجابها الذي ينور وجهها🙊 وسيف وهو من عائله غنيه جدا ومع...
