ملاكي-ام غمازه)
البارت الثاني -2-
ملاك..طبعاً وره ما طلعت من يم اهلي كملت يومي بالمدرسة عادي عندي صديقتي اقضي وقت وياها كلش احبه واعتبره اختي اسمه ياسمين حلوه واني وياها نفس العمر
ملاك..صباحوو ياسو
ياسمين..صباحوو ملوكه تاخرتي ولج
ملاك..وج والله أخذتني النومه شسوي يلا حبي امشي خلي نفوت لا ننطرد من المديره ههههههه
ياسمين..هههههه والله صدك امشي ع السريع
ملاك..دخلنه اني وياسو للمدرسه وكملت يومي ضحك وامتحنت وطلعنه
ياسمين..وج ملوكه جوعانه امشي خلي ناكل من المطعم القريب منا هذه ابن خالتي يشتغل بي
ملاك..ي والله حته اني جعت لان ممتريكه امشي لعد
رحنه وصلنه المطعم جان عائلي كلش حلو وراقي دخلنه وطلبنه اكل جان شاورما ومقبلات لان كلش احبها وخطيه ابن خالتها لياسو دارانه لان ياسو بنت خالته
ملاك..واحنه دناكل وجان يدخل شخص للمطعم جان شكله يجنن يسحر اَي بنت تشوفه اني عفت الأكل وخليت ايدي ع وجهي واباوعله صفنت وجان ياسو تكرصني من ايدي وصحت اااااخ هوه كعد بالطاولة الي كدامنه هوه جان لابس نضارات من صحت اااخ نزل نضارته وباوعلي وضحك اني كلش خجلت بوقته
ياسمين..جنت اباوع لملوكه تركت الأكل وخلت اديها عله وجها وصفنت اني ءأشر اله بايدي ماكو وجان اجي واكرصه صاحت ااخ كتله ووجع شبيج ولج صفنتي ورحتي بغير عالم شعندج هيه شو خجلت ودنكت رأسه استغربت كتله ولج ملوكه شبيج تسودنتي ههههه اني شو باوعت للطاوله الي صايره كدامنه ولكيت شاب شكله كلش حلو ورزن من شكله مبين ثكيل اني هنا عرفت اكو انه بالموضوع ضحكت وكتله اذا كملتي عيني ملوكه نكدر نطلع لان تأخرنه
ملاك..ها.اي.نطلع صح تاخرنه يلا كومي
طبعاً ردنه ندفع حساب الأكل بس خطيه ابن خالت ياسو ما قبل وكال عليه لانو اول مره تجوني تشكرنه من وطلعنه اني الطريق كله امشي وبالي يم الشاب الي شفته بالمطعم فدوه يخبل يا ترى شنو اسمه وراح اكدر اشوفه مره ثانيه هههه يمه شبيه تسودنت عليه
ياسمين..نمشي واباوع لملوكه توزع ابتسامات بالطريق كتله ولج شبيج تتبسمين ضحكيني وياج
ملاك..هههههه نجبي ياسو ماكو شي يعني الواحد ميضحك شوي لو حرام
ياسمين..هاااا لا عيني حلال اضحكي بس تره اكشفج اكشفج يلا باي حبي وصلت البيت 😘👋🏻
ملاك..هههه الله معاج كلبي مشيت وصلت بيته لان مو بعيد من بيت ياسو كلش قريب دخلت بيتنه وتلكتني نبع الحنان
ايمان..هلا بملوكتي شلونج يمه
ملاك..هلا بريحة الجنه الحمدلله ماما بس تعبانه اريد انام شوي
ايمان..ليش يمه ما تتغدين انتي حته ريوك ما تريكتي تعاي اصبلج حبيبتي
ملاك..يروحي ميحتاج اتغديت بالمطعم اني وياسو جنت مشتهيه شاورما ورحنه
ايمان..هااا لعد ماشي يمه بألف عافيه روحي نامي ومن تكعدين اقري زين بنيتي
ملاك..وك مامي باي امووووواااح💋
صعدت لغرفتي اخذت شاور ولبست برموده سوده وتعطرت ونمت ما حسيت الا مسره تكعدني الساعه 5العصر جايه علينه رجلها جايبها حته تبات يمنه جابتلي ليا وسلمت عليه ونزلت بقيت اني وليا العب وياها وبعدها غسلت ونزلت اني وليا سلمت عليهم لكيتهم كاعدين بالصالون ورحت يمهم
محمد..هلا بغاليتي شونج ملوكتي شون المدرسه اليوم
ملاك..تمام بابا الحمدلله زينه مسايره السادس شون ما كان
محمد..ههههه عفيه بنتي شدي حيلج حته تخلصين من اول سنه تعالي نطيني ليا حبيبت جدو
ملاك..اَي بابي الله كريم نطيته ليا وكعدت يم مسره اَي سراوي احجيلي شلونج اخبارج
مسره..بعد كلبي والله الحمدلله بخير اسأل عن اخبارج
ملاك..تسال عليج العافيه والله اني تمام الحمدلله بس مشتاقتلج عوبه
مسره..يدومج انشاءالله حبي هههه والله اني اكثر بس والله ليا متعبتني ومشغولة بيه طول الوقت
ملاك..بعد روحي حبيبت خالتها فديته تتغلا عليكم غير ههههههه
مسره..هههههه تتغلا وبس مو شالعه كلبي ههه
ملاك..الي يريد الحلو يصبر على مره حبيبتي هههههه
مسره..هههههه ي والله الحمدلله
ايمان..يلا تعالو كمل العشه
ملاك..اَي ياروحي وشنو العشه
ايمان..دجاج مشوي وبرياني ومقبلات عيني ملوكه
ملاك..اويلي ع البرياني عششقققييي🤤الي مووووو
مسره..هههه نجبي ولج ماما سوته الي مو الج
ايمان..ههههه حبيباتي انتو اني سويته الكم كلكم بس لتتعاركون يلا تعاي
ملاك..كعدنه كلنا ع الطاوله وبابا يكعد بالمقدمه واني اكعد يمه لان امووووت عليه تعشينه وكملنه ورجعنه بالصاله كملته التعليله وتونسنه ويه مسره من تجي اتونس وياها لان اني أبقى وحدي لانو ماعندي بس هي أختي وكلش افرح من تجي ونبقى ما انام للصبح اني وياها
لهنااا وينتهي البارت الثاني يحلوين تفاعلو حته افرح واكمل القصه 🌹❤️
انتضرووو البارت الثالث.........
