ملاكي-ام غمازه)
البارت السادس -6-
ملاك..يا هلا بالغاليه شلونج يعمري
ياسمين..هلا بيج كلبي تمام ونتي
ملاك..الحمدلله امشي خلي نكعد بالحديقه حضرت الج كيكه تحبيها
ياسمين..بربج كيكه بالفراولة موو 😃
ملاك..ههههه اَي والله امشي رحنه كعدنه وجبت الكيكه أكلت منه بقينه نحجي وحجيتله عله ماهر وهيه نصدمت
ياسمين..شلون ولج والله حظ ههههههه
بس مبين خوش ولد
ملاك..اَي حلو بس عله روحه حبيبتي المهم شكو ماكو بعد
ياسمين..ههههههه اَي اعرف والله كلشي ماكو يلا حبي اني اروح لان تأخرت
ملاك..ليش ابقي ع الغده يولي ماعدنه شي
ياسمين..لا حبي والله ماكدر هم عندي طلعه العصر ويه أمي
ملاك..😕وك حياتي عله راحتج بس عيديها وتعاي مره ثانيه
ياسمين..انشاءالله حياتي يلا مع السلامة
ملاك..الله وياج عمري راحت ياسو ودخلت للبيت سويت غده للولد لان راح يجون وكملت وسويت تحليه صعدت لغرفتي اخذت شاور ولبست تراك نيلي ضفرت شعري تعطرت ونزلت لكيت الولد جايين وامي تحضر الغده رحت ساعدتها وصبوا وكملو نضفت المطبخ ورحت أراجع دروسي لان باجر دوام واخذت غفوه 😴
نرجع لماهر ☺️....
ماهر..بعدما بقيت يم بيت فهد احس مرتاح وبالي ويه الملاك الي ما شفته من يوم الي جيت شكله صغيره وترفهه وبريئه وخجولة وقويه بنفس الوقت وني حبيت كل هالصفات الي بيه وغمازته الي اخذت كلبي ولا الشعر والجسم اووووف بويه اني صبر ما بقى عندي اريد اشوفها بس خلي الكفه بنت بغداد لعبت بكلبي لعب رجال شكبري شعرضي هيج سوت بيه هلفصعونه ههههههه يصير خير وني افكر دخل فهد ..هلا فهودي
فهد..هلا بيك يالغالي اعذرني اطول عنك بس والله مشغول ومالي مجال
ماهر..حبيبي فهودي لاتهتم بهاي الأمور اني هم ما باقي انشاءالله باجر اتوكل ارجع للشغل انتو مشكورين ما قصرتوا وياي اردها الك انشاءالله
فهد..يمعود ماهر عله بختك شهل حجي عيب اصلاً تحجي بي انته ع الرأس حبيبي باي وقت البيت مفتوح الك صدك جذب وبعدين بعدك صارلك يومين بس من اجيت
ماهر..يا بعد كلبي تسلم ابو صگر ما تقصرون فضلكم سابق والله خلصت إجازتي ولازم ارجع لشغلي اني من رحت للسليمانيه جانت الوالده مريضه تعبانه ورحت شفتها ولاا تعرفني ما اطول عله شغلي هيج وباجر انشاءالله أباشر الدوام
فهد..هاااا انشاءالله ما عدها غير العافيه الوالده عله راحتك حبيبي بس امانه بأي وقت تريد البيت مفتوح الك تجي يمي ماشي
ماهر..تسلم ابو صگر يعافيك ربي ويسلمك انشاء الله
فهد..يلا أحبَيب اخذ راحتك نام وارتاح
ماهر..انشاءالله فهودي الله وياك بعد ما راح فهد ما اجاني نوم طلعت بلحديقه واني بكلبي متمني اشوفه قبل ما اروح من طلعت جان اشوف الحوريه الي جنت احجي عنه اي اَي هيه ملاكي شفتها كاعده بالحديقه بالكاع ومنتجيه ع المرجوحه وحاضنه رجولها ومغمضه عيونها اويلي من المنضر فوكاها لابسه برموده ماروني والرجلين كطن والشعر المضفور ياخذ العقل شلون بيه اني ويه هلترافهه كله رحت يمه أمشي ع كيف وصلت كعدت يمه وكتلها شديسوي الحلو هنا رفعت رأسها بصدمه وكالت بصيحة انت الي شدسوي هنااا
ملاك..بليل كعدت الساعه1 ميته من جوعي لان ما تعشيت اخذت لفه وكتابي لان عندي امتحان رياضيات ورحت بالحديقه أكلت وكعدت اراجع تعبت شوي نتجيت ع المرجوحه وحضنت رجولي وغمضت عيوني شوي وفزيت من صوت واحد يمي كال الحلو شديسوي هنا باوعتله بصدمه وشفته ماهر صحت بي وكتله انته الي شدسوي هنااا😠
ماهر..طلعت اشوف الكمر 😉
ملاك..نننننن 😒كمت حته اروح لزم ايدي وكال.......
لهنااااا ونتهى البارت السادس أتمنى تعجبكم وتحبوها بس شجعوني بالتصويت والتعليق 💐❤️
انتضروووووو البارت السابع........💝💝
