بيت جدي

البارت 2

سلام كيفكم انا قلت بنزل البارت الثاني بعد ساعتين لكن بنزلة الحين قلة احسن.....

وأتمنى يكون اعجبكم البارت الاول...

يالله لا أطول عليكم خليكم مع البارت...

لا تنسون تعلقون...

باي..
*********************
ان قلت اني احبك*

ماهي أروع من ~ كلامك

وان صرخت اموت فيك***

تضعف الكلمه أمامك ""*

للأسف حتى فديتك ،،

صارت أصغر من ؛؛ مقامك

"'"'"'*****"'"'"'******
شعر الكاتبه(Aloon)...

**؟***؟****؟***؟****؟*****
في بيت الجد.....عند البنات بعد ماجلسوا مع خديجة وسولفوا وضحكوا...

غدير : بنات وش رايكم نخلي واحد من العيال يودينا البقاله...

البنات بأصوات متفاوته :مستحيل يوافقوا...في الأحلام...تخيلي بس تخيلي..حلم ابليس بالجنه....

وبعد محاورات ومشاورات ومخاصمه وضرب......قرروا على شخص واحد ممكن يوافق....

ليان : خلاص يا غدير روحي لعبدالعزيز وقولي له يودينا البقاله أن شاء الله يوافق...
غدير : لا انا ماراح اروح خلو عبيرووه تروح...
عبير بلعانه علشان قالت عبيروه : ماني برايحه علشان قلتي عبيروه إذا اعتذرتي رحت...
غدير : في الأحلام عادي محن في حاجة امثالك انا بروح له...
يارا بنفاذ صبر : خلاص روحي قولي له امتغثنا ونا عارفه انه بيقول لا...

لبست غدير جلالها....ونزلت ودخلت الصاله...

غدير : عبدالعزيز تعال شوي ابيك....
قام عبدالعزيز : هلا وش بغيتي....
غدير بمصلحه : عزوزي حبيبي انت اخوي الكفو حبيب اخته صح...
عبدالعزيز : دام فيها عزوزي حبيبي ف فيها مصلحه....
غدير بترجي : تكفى  نفداك بطلب منك طلب وقل تم...
عبدالعزيز بنفاذ صبر : تم....اخلصي وش تبي...
غدير : ابغاك تودينا السوبر ماركت ....
عبدالعزيز : كلكم يالبنات. ...لا مافيه ارسلوا لي الأغراض وانا اجيبها....
غدير بكذبه : لا حن بنروح أن فيه اشياء مانعرف اسمأها بس نعرف اشكالها تكفى خلنا نروح.
عبدالعزيز عرف انها تكذب : خلاص 5 دقايق وانتوا جاهزين....
غدير وهي تناقز من الفرحه وتبوس خد عبدالعزيز : يسلموا يا أحلى اخ ف العالم احبك....
عبدالعزيز بقرف يمسح خده : اف الله يقرفش خلاص روحي لا تخليني اغير را....

ما مداه يكمل إلا غدير طايره للبنات ماشاف إلا غبارها. ..ضحك عبدالعزيز وراح للعيال دخل..

عبدالعزيز : يا عيال اسمعوا انا بودي البنات للسوبر ماركت....من بيروح معي...
وليد : انا ماراح اروح ناقص يفشولني ذولي المهبل خير رايحين عزيمه كل البنات...
فيصل : والله انك صادق..وانا بعد ماني برايح..
سليمان : انا بروح معك معليك منهم...
محمد 1 : وانا بعد بروح معك...
محمد 2 : انا ماني برايح....(اكتب محمد 1 و 2....لأن فيه ثنين محمد..محمد 1 اخو ليان ومحمد 2 اخو وليد وحسن)