بيت جدي

البارت10

السلام عليكم كيفكم......

رح انزل اليوم بارت طويل...

اتمنى ينال اعجابكم...."أبك يالفصحى..هع"....

انا الكاتبه(Aloon)....راح اكتب البارت هذا واللي بعدها بإذن الله...

واللي كتبت البارت9..الكتابة (ROON)...

المهم لا تبخلوا علينا بتصويتكم ودعمكم...

يالله لا أطول عليكم أخليكم مع البارت.......

باي.....

*************************************
اسامر الليل واتخيل الحبيب!،

واتخيلك جنبي مو مريب!،

ويمر طيفك وكأنه غريب!،

ويودع وكأنك ماعاادك بطيب!،

يا ويلي كيف بصبر واشوفك قريب!،

وتحاكي غيري وانا الي امالي تخيب!،

^^:^^:^^:^^:^^:^^:^^:^^:^^:^^:^^
شعر الكاتبه"(R♡)"

""""""""""""""""""""""""""""""""""""""
في بيت العمه نوف ...وتحديد في غرفة البنات بعد مارجعوا....

ليان : هي ورعه...اسمعي وش رايش نقول لأبوي يقول لخوالي نطلع شاليه...
روان جالسه على الجوال وماهي منتبهه لليان : ايه ايه صادقه...
ليان تكمل : طيب وش نقولهم يعني من يقنعهم...
روان ويهي ماهي معطتها وجهه : والله..... حرام...
ليان مستغربه : وش اللي حرام....حرمت عيشتش(أعوذ بالله من ذي الدعوه)..
روان توها تركز : وش.... ايش،...كيف....من..
ليان متنرفزه : الله ياخذش ياقردة.....ساعه اتحاكا وانتي مفغره على الجوال...احاكي نفسي..
(احاكي،اتحاكا= اتكلم،اتحدث،،.....مفغره= مفهيه...)
روان بفهاوه : وش كنتي تقولي....
ليان بعصبيه وصراخ : قلت وش رايش نقول لأبوي يقول لخوالي نطلع شاليه...
روان تسكر اذنها : طيب طيب...بسم الله علي...اكلتيني بقشوري...
ليان متنرفزه : بسم الله منش......اقول اخلصي علينا كيف نقنع ابوي...
روان تتربع : انتي عندك أسلوب إقناع....حاولي تقنعي ابوي وهو بيسمع منك....
ليان تصفقلها : ماشاء الله...حل متعوب عليه.....كان من غير ما أخذ رأيش نزلت وأقنعت ابوي...
بس قلت يمكن عندش فكره ثانيه.....طلعتي درج....حلوا في الوجه (بسم الله دعاويها تخوف)...
روان : بسم الله....بنت وش ذي الدعاوي....خلاص توكلي قولي لأبوي...
ليان تقوم وتكش على روان : دخلوا في ذا الوجه...ما منش فايده...

ونزلت ليان تحت في الصاله يتقهوو....أبو سليمان...أم سليمان....سليمان...محمد...واحمد وعمار،.،
يلعبوا سوني...

ليان : السلام عليكم...

الكل : وعليكم السلام...

ليان وهي تجلس جنب أبوها : وش حالك يوبه....أربك بخير...
ابو سليمان : الحمد بخير....وينش يا بنتي مختفيه ما نشوفش إلا إذا فيه مصالح...
ليان في نفسها (الله يسود وجهي..الا هذي الدرجه انا عاقه) : افا يبه لا بس جيت اقعد معكم...
الا محمد غريبه جالس معنا...
محمد : والله اني كل يوم جالس لكن انتي اللي ما قد جلستي عشان تشوفيني إذا جلست...
سليمان بضحكه : هههههه.....تسوي فيها انا الابنه الباره....وانتي أربعه وعشرين ساعه....تكلمي خويتش ذي مدري شسمها....
ليان متنرفزه : اقول تلبخ انت وياه...الا ابوي وش رايكم يعني بما ان الاجازه اللي بين الترمين قربت...وش رايك نطلع حن وخوالي وعمامي شاليه....منها نتجمع ومنها ننبسط....هاه وش قلت...
ابو سليمان بتفكير : حن عادي طيب....لكن مدري عن خوالش وعمامش بيوافقوا....
ليان بفرحهه : ايوه عادي انت كلمهم وقلهم بنطلع شاليه...وكذا ويقطوا معنا...
ابو سليمان : خلاص طيب....بكلمهم وشوف....
ليان وهي تنط وتحب راس ابوها : الله يخليك لنا يا أحلى ابوي في الكون...والله ما خيبت ظني...
ابو سليمان : الحمد لله. ...اهم شي عندي سعادتكم.....
محمد يحرك رأسه يسار ويمين ويضرب كف بكف : اي والله صدق ابوي...ما تظهر لنا إلا ذا فيه مصالح....
سليمان بتأييد : اي والله انك صادق بنات ذا الجيل ما منهم فايده...'وهو يعلي صوته'....شف كيف تحت عيونها سواد من ذي الجوالات أربعة وعشرين ساعة عليها....
أم سليمان وهي تناظر في عيون ليان : اي والله انك صادق....جعلش معني بقايل...يا شاهر لازم ناخذ منهم الجوالات....
محمد بلعانه : اي والله يمه لازم تاخذوها....ذاك اليوم كنت طالع للدوام...ودخلت غرفة البنات اشيك....لقيت الأخت قاعده تكلم صديقتها على الجوال...كانت الساعه 7:00...تقريبا...
ليان وهي تعطي محمد وسليمان ذيك النظرات اللي خلتهم يقمطوا العافيه : كذابين يمه...." وهي تطالع محمد" ماشاء الله....مريت علينا يوم انت طالع الدوام ولا راجع من برى من عند اخوياك....
واصلن منت داري عن سوقنا.....متنا..احترقنا....كذاب....شفت يوبه ولدك ما يرجع إلا الساعه 7....
ابو سليمان : صدق يا محمد...والله لو هو صدق...ما تخرج من البيت...لمدة اسبوع...هذا أنا حلفت..
ليان تفاحر محمد من تحت عشان ابوها ما يشوفها...
محمد وهو وده يقوم ويتوطا في بطن ليان : لا يبه لا تصدقها الكذابه...انا ارجع البيت الساعة 12..
ليان وهي تتذكر سالفة الشاليه : يله اناا بروح أخبر البنات عن الشاليه...