انا اسمي "گيـﮯمـ نآمـجون" دكتور نفسي،انا دكتور زي اي دكتور عادي كنت شغال في مستشفي اول متخرجت من الجامعه فضلت فيها ٥ سنين ومشيت، وبابا الله يرحمه كان شاريلي شقه في عماره قريبه من البيت عشان ابقي اعملها عياده،فلما سبت المستشفي بعدها بفتره فتحت العياده وجهزتها وبقيت بعالج الناس واساعدهم وربنا كرمني، وانا عايش لوحدي مامتي وبابايا الله يرحمهم، واخواتي كل واحد في حياته الي بيشتغل والي متجوز، وانا شغلي كل حياتي، انا من البيت للشغل ومن الشغل للبيت وهكذا.
معنديش غير صاحب واحد هو "جيـﮯمـيـﮯن" صاحبي من ايام الجامعه وساعات بنقعد سوا ودايما متواصلين مع بعض وهو ساكن جمب العماره الي جمب عيادتي والناس كلها عارفه ان احنا صحاب من زمان.
حياتي كانت كويسه وماشيه و كل حاجه تمام، لحد في يوم كنت في العياده قاعد بعد مخلصت كل الحالات الي عندي وطلبت اكل وقعدت اتعشي وبعدها ابقي اروح انام علطول، فخلصت العشي وقفلت نور العياده وخلاص بفتح الباب عشان نازل، اول مفتحته لقيت واحد لابس اسود فاسود ولابس كاب مغطي وشه وقاعد في الزاويه الي قدام باب العياده، قاعد حاطط راسه بين ركبه، وكان منظره مريب استغربت وخوفت، فضلت دقيقه باصصله انه يتحرك او ياخد باله ان حد واقف، او انو يتهز لكن مفيش خالص فقومت قايله.. بصوت مليان خوف... انت مين......... مردش قومت قايله تاني، انت مين حضرتك وبتعمل اي هنا وقاعد هنا ليه،..... مردش وانا خايف انه ساكت كده ومش بيتحرك مع اني بشوف حالات بشعه وبلاوي بس اول مره ابقي كده، هو كان صامت ومش بيتحرك افتركته ميت او فيه حاجه، بعدها لقيت جسمه بيتهز وبيتنفض ووشه مش باين ولا اي حاجه لقيته عمال يرتعش اكتر ويقول.. بهمس.. "مش انا الي عملت كده مش انا" ويكررها كتير في همس.. قومت قايله اي الي مش انت ف اي.. وبرضو عمال يكرر فيها ونا ثابت مكاني ومتجمد مش عارف اتحرك ولا اعمل حاجه بعدها قولت اقربله ممكن يكون فيه حاجه ولسه جاي اقربله اشوف ماله ده وقفت قدامه شويه لقيته اتنفض مره واحده وقام شايل الكاب الي كان لابسه .. في اللحظه دي شوفت......ابشع منظر شوفته في حياتي حرفيا كان ابشع منظر ممكن اي حد يشوفه انا فضلت بصصله ومبرق وهو مبرقلي اكتر من عشر دقايق وكان جسمي مشلول مش عارف اتحرك وعايز اطلع اجري مش عارف وانا لسه مش مستوعب ان ده بجد، قعدت اقرأ قرٱن في سري وقومت مغمض عيني قولت ممكن اكون بتخيل بس لما فتحتها لقيته لسه، لقيت ان ده حقيقي انا مش قادر اصدق. وشه كله كان اسود و فيه دم اسود. طالع من بوقه ووشه كان متخرشم وكلو كان دم وكان بينزف من عنيه دم اسود، بعدها لقيته غطا وشه تاني وساعتها جسمي اتفك وبقيت عارف اتحرك.
طلعت اجري علي السلم ونزلت الشارع وانا لسه مش مستوعب الي انا شوفته، وكنت في حاله صدمه حرفيا، كملت جري علي بيتي ووصلت قومت طالع، فضلت قاعد شويه اقرأ قرٱن وكنت مرعوب وخايف انام شغلت اذاعه القرٱن وكنت مرعوب وخايف انام فضلت قاعد اكتر من ٣ ساعات باصص ف السقف وعمال افكر في الي انا شوفته ده، بس بعدها مقدرتش فقومت داخل علي السرير احاول انام شويه فدخلت فردت جسمي علي السرير واحاول انام وروحت في النوم ويارتني منمت.....
حلمت ابشع حلم حلمته في حياتي حلمت....
Rewan...
أنت تقرأ
لَمً أکْنِ أنِآ || It wasn't me ~
Mistério / Suspenseمـگنتشـ عارف أن في يوم وليله حياتي تتغير بالشكل ده ولا تخيلت اني ممكن ابقي في الرعب ده، ابشع حاجه عرفتها بعد اليوم ده محدش يتخيلها، الكذب والخيانه عمر مكان ليها مبرر مهما حصل.
