................................... اريس كي كان راجع للوتال قاعد يفكر زعمة صح كاين هكدا عباد نية الله و باقي يتفكر فيها كي كانت تبكي دخل لوتال لم حوايجو و خرج..............................فلة و ياسمين قاعدين في الصالون و ياسمين الوجاع رح يقطعها هما قاعدين حتى سموعو الباب يطبطب راحت فلة فتحت ومش مصدقة شكون جا ليها اريس جا ماتت بالفرحة ياسمين ياااااسمين شوفي شكون جا ............ااااه اريس واش جيت دير عندنا ...........اهاه صار هكدا مالا نقولهالك جيت ......باش نقعد فوق قلبك و نبقى هنا حتى تحاوزني فيفي ههههههههههههه........طلع اريس مع فلة وراتلو بيتو و منبعد قدام بيت ياسمين و راحت للكوزينة و ياسمين طلعت لبيتها تمدت اما قوى عليها السطر ناضت باش تجيب تيزانة حسبت فلة نساتها هي فتحت الباب و خرجت لقاتها جابتهالها ...........فلة:درتلك فيها العسل باش يعطيك القوة عمبالي بلي سطر تع ليغاقل يفشل ..........ياسمين الله يخليك مامي تصبحي بخير .........هي دخلت جات تغلق الباب و يدخل اريس لقاها واقفة مخلوعة .............اريس:كنت حسباتلي صغير مي انت ضهرتي مرة ..........ياسمين حشمت وهبطت راسها كي هاداك لي عامل عملة و حشمان منها ...............اريس:ههههه ياه حشمت قوليلي قداش عندك منلي كبرتي و ولات تجيك هههههههه...................ياسمين حطت الكاس تع التيزانة و حاوزاتو مي ماتت بالحشمة كي ناضو الصبح مقدرتش تشوف في وجهو من الحشمة و هو ميت عليها بالضحك .........فاتو اليامات و اريس قرر باش ينقل الخدمة تاعو لدزاير و يستقر قريب لامو و علاقتو هو و ياسمين قواة ولاو ديما مع بعض في الاول كان بضن انو الاحساس لي في قلبو مجرد شفقة اما مع الوقت عرف انو هو يحبها و عترفلها بحبو مام ياسمين ولات تحبو اما حشمت تعترفلو ......امال كانت ديما تشوفهم مع بعض طلبت من امها تعاونها في خطة باش يفرقوهم اما امها كلي خايفة من سر يتكشف و محبتش تعاونها رغم هذا امال بقات تخطط مرة وهي خارجة تلاقات بياسمين................اهلا سمونة واش هاذي الغيبة رانا جيران و منتلاقاوش مع بعض واشن هاذا............الله غالب ضروف واش راه اريس ولد خالتك تعرفي حاجة والله غير توحشتو عمبالك البنت لي تديه عندها الزهر الرجولة لي عندو تقتل سقسيني انا نقلك لانو لصار بيني و بينو كيف لي يصير بين المراة وراجلها ......ياسمين نصدمت اما مبينتش ...........امال يكفينا هدرة زايدة هيا في لامان ياسمين كانت متفاهمة مع اريس باش يتلاقاو وكانت ناوية تعترفلو بحبها ليه اما ليقائها مع امال قلبلها كل الموازين و الحسابات لي كانت حاسبتها ..........سلام اريس ........سلام حبي وين كنت طولتي .........سامحني السيركيلاسيون راك تعرفها بلا ما نزيد نقولك ............ايه واش كنت حابة تقولي من البارح وانا نسنا .............. .الحلقة 14 .............................هيا واش كنت رح تقولي ..................ياسمين:اريس انا منحبكش و لازم نحبسو علاقتنا..............اريس:واش قلتي عاودي ..................ياسمين:لي سمعتو انا وانت ملازمش نكملو مع بعض مناش متوالمين .................حتى لدوكا وين عرفتي بلي ماناش متوالمين حتى كي قلبت حياتي شكون هاذا لي تحبيه ااه شكون واش عطاك و انا معطيتكش جاوبي نحكي معاك انطقي نقولك حاجة الكلام هاذا ندمك عليه ياسمين............راح لبيرو فلة دخل ليها قالها .....ماما حاب نفتح معاك موضوع وراني متردد ..........فلة: احكي قول واش خصك ..........اريس:ياسمين .............واش بيها ياسمين تعجبني و وليت نحبها وحاب نتزوج بيها ................ايه ياهاذيك الفرحة ..............اما كاين مشكل................. واش هو المشكل ....................منحبهاش تعرف اني انا لي طلبت منك خليها كلي انت لي حبيتي تعرفيها حشامة و نخافها ترفض ..................اتهنى انا تان عندي مدة و انا نقلب فيها داخل راسي و هاذي احسن فرصة ..............ماما حاجة وحدخرا تان ..............واشن خييييييير .................نحب العرس يكون بسرعة ...............ههههههه انشاء الله يا عريس .................في العشية كي راحت فلة لدار راحت لبيت ياسمين و بدات جبدتلها الموضوع ........فلة:ياسمين بنتي انا ما عندي غير انت و اريس في هاذي الدنيا وانا منعرف وقتاش ربي ياخذ امانتو...............ياسمين:مامي انت لي راكي تقولي في هذا الكلام..............ايه انا عندي غير انتم و نحب نتهنى عليك على هاذا حبيت نطلب منكم طلب و سبقت فيك انت قبل اريس ............قولي ماما عينيا نعطيهملك........ نحبكم تتزوجو انا منتهناش عليك مع حتى واحد غير مع اريس و منتهناش على اريس غير اذا كنت انت مرتو ...........ااااه انا واريس ...............ايه انت واريس و نتمنى مترجعينيش خايبة .............حطت راسها في الارض و كنت تفكر ياسمين هاذاي هي لي بقاتلك من اهلك و اول مرة طلبت منك حاجة انت رح تخيبيها.
