الحلقة الثانية............................................................... .............يا ربي كون معايا يا رب وفقني ونجحني يا رب حرمتني من اهلي في الدنيا ارحمهم و هما عندك و لا تحرمني من دراستي يا رب ......هذا الدعاء تدعيه يا سمين كل ما تنوض الصباح عمرها ما نسات تترحم علر والديها الله يرحمهم ................طاطا راني كملت شغلي و راني رايحة دوكا .........ايه روحي ترح منك الروح ونتهنا منك انشاء الله .... هبطت راسها و مشات حاكمة الدمعة بين الشفر والشفر و بالعة غصتها و تقول في قلبها يا ماما لوكان جيتي حية متخلينيش نخرج لشر وراكي تدعي ربي يوفقني و يا بابا لوكان جيت حي انت تان لوكان راك وصلتني و كي نكمل نلقاك تسنا فيا ....قالت اعودو بالله من كلمت لو و هبطتلها دمعة سخونة على خدها مسحتها ومشات و الوجاع لي تحس بيه عالم بيه غير ربي سبحانو ........فوتت الباك و حست بلي خدمت مليح فيه ولحق نهار النتيجة امال و نوال نجحو و هي تان لكن بتقدير ممتاز الاولى على مستوى الولاية و و الثالثة على المستوى الجهوي مرت عمها زادت حقدت عليها اكثر و اكثر ...... وزادت ذلتها عملت حفلة لبناتها في اكبر الاوتيلات عرضت فيها القريب و البعيد رغم انهم ماجابوش هديك النتيجة لي تشرف و قالت ل ياسمين تبقى في الدار مايشرفهاش تحضر وحدة منحوسة لحفلة بناتها .....راحت ياسمين لبيتها حطت راسها على مخدتها و هي تبكي و لات تتخيل لو والديها عايشين حياتها كيفاش رح تكون ......اكيد كانت باش تفرح بيها اما قدر الله و ماشاء فعل هاذي حياتها ولازم تتقبلها فتحت التاقة تع بيتها كانت هي المنفذ تعها الوحيد ........كي تشوف في السما تنسى كل الحياة لي عايشتها و هي هكداك حتى شافت الدار لي مقابلتها او كيما تسميها هي البيت المهجورةمي هاد المرة شافت فيها خادامين وناس يدخلو في المابل ....عرفت بلي جاوهم جيران جدد ........ايه الله يهنيهم والله يجعلها عتبة خير عليهم يارب ارزقنا مين رزقتهم يا رب ...زعمة يجي النهار لي نتزوج ونتهنى و نستقر هههههه والله و تسمعني طاطا سليمة تذبحني تي شكون يدي وحدة منحوسة ههههه مي الصح الصح لي يشوف حالتي يقول سندريلا اااااه يا رب هم يضحك و هم يبكي ..........سمعت الباب تفتح راحت تجري لقاتها مرت عمها سليمة و معاها رية وسكينة ههههه اه قصدي امال ونوال ....طاطا نحطلكم تتعشاو ...لالا تعشينا .....طاطا كيفاه فاتت الحفلة .......جوبتها امال *واش رايك انت مدام مكنتيش حاضره ..
