.......... فلة:ياسمين طاحتلك ورقة شوفيها واش ...................رفدت ياسمين الورقة ياه هاذي رسالة باسمي ..................اريس :اقرايها ........فتحت ياسمين الريسالة تقرا و دموعها سبقوها .......ياسمين بنتي مدامك تقراي في هاذي الرسالة يعني تزوجتي و بنيتي دارك راني نكتب في هاذي الرسالة ومالو لحضات باش نجيبك لدنيا صح مش رح نربيك اما نعرف بنتي راح تكون متربية و خلوقة و نحب نقلك بلي حبيتك من يوم عرفت روحي حامل بيك و باباك ثان حبك و رسمنالك حياتك كيفاش رح تكون لكن قدر ربي انو منكملوش حياتنا معاك و نتفرقو عليك اما ربي شاهد علينا انا داعيينك دعاوي الخير و انشاء الله ربي يوفقك في كل خطوة في حياتك كتبتلك هاذي الرسالة باش نكشفلك الحقيقة موت باباك ماكانش مجرد حادث كان مؤامرة مدبر بين سليمة و عشيقها بعد ما كشفهم باباك قررو باش يقتلوه هي ما اسمهاش سليمة اسمها لويزة بن**** بنت عيلتها كامل مجريمين معندهاش خاوتها كانو كلهم عايشين في دار دعارة و هاذيك المراة لي تقول عليها امها هي مش امها ام عشيقها اما زورو الاوراق كلهم و عطاوها اسمهم هي مش اختهم و اما عايشة باسمهم و تقربت منهم لانهم من نفس الطينة و تزوجت من عمك يازيد على مالو و التوام ماهمش بناتو هما ولاد مختار عشيقها لي تقول عليه خويا بعد ماكشف باباك حقيقتهم قررو يقتلوه و يحرقو بيه الطونوبيل و ماكانوش يعرفو الي انا عندي الادلة و نعرف حقيقتهم ..............نتمنى تكشفي الحقيقة و انا عطيت الاوراق لسعاد و طلبت منها تعطيهملك بعد ماتتزوجي باش ميقدروش ياذوك و انت في دار راجلك ربي يهنيك و يوفقك يا بنتي و قلبي و ربي راضيين عليك دنيا و اخرة و نتمنى يجي النهار و تتلاقاي فيه مع اختي فلة باش تعوضك حنان الام .........اسمحيلي اسمحيلي اسمحيلي ....امك زهوة...... ياسمين ولات تبكي بالشهقة ماما ماما والله مسامحاتك والله ماني زعفانة عليك واله غير نجيبلك حقك و حق بابا و ناخذ بثاركم انت امي و حبيبتي و مفتخرة اني بنتك مااااااااااماااااااا وطاحت تغاشات جابولها الطبيب قالهم جاها انهيار عصبي و لازمها الراحة كي فاقت كانت مزاتلها الشهقة تع البكيا ........اري اري اريس اعطيني ما ........شربها اريس الما ............ياسمين كيفاش راكي تحسي في روحك رياحتي شوي ...........ايه الحمد لله وين راهي مامي..............راهي تحكي مع المحامي عطاتلو الادلة والله و الله و رحمة يما زهوة يا ياسمين
يا ياسمين غير نجيبلك حقك في هاد ال15يوم ولا منتسماش اريس ولد فلة ............فاتو اليا مات كلشي انكشف عند الشرطة بقا غير مختار يجي من تركيا و هاذي ثان حسبلها اريس حاسابها طمعو بمشروع كبير و فيه ارباح 100مليون دولار جابو يجري من تركيا هو حط رجلو في المطار و لابوليس كانو معاه و قبضو على سليمة او لويزة و انكشفت الحقيقة و اخذو حكم مؤبد مع الاعمال الشاقة بتهمت النصب و الاحتيال و تزوير اوراق قانونية و الزنى و القتل العمدي و محاولة اخفاء الادلة ..............ويازيد ثان ماشي قليل ضهر متزوج في السر على هاذا كانت كل ما غيب لويزة ميدخش بكري خلاتو ياسمين عايش في دارها لي ورثتها على باباها .........و نوال طلقها راجلها بعد ما عرف انها غشاتو وبقات هي و ختها في الدارلي خلاها باباهم الحقيقي في تركيا .......
*************"**"*********
فوت & كومونت بليز ماتنسوش
