#شمس_مظلمه 🌻
#الحلقه 7
حسام ...
صوت هرجه تحت شكلا وصلو مسكت يدها هيا ننزلو ابتسمت و هزت راسها نزلنا تحت وكانو واصلين
شمس لما شافت ناس غرباء قربت بسرعه مني و مسكت في ذراي بحتت فيها و ابتسمت و عمتي قربت منا
عمتي : حضنتني وليدي
حسام : ضحك و حضنها نورتي ليبيا
شمس : دفيت الوليه عشان هيا حضنت حسامي
حسام : بحت فيها بصدمه و ضحك
شمس : مسكت يديه الثنين عشان تحضنش اخيى "اخرى"
عمتي : تبحت و مش فاهمه شي
حسام : هزيتلها راسي حنفهمك و بحتت في شمس شمس عدي قمعزي باهي
شمس : هزيت ياسي "راسي" ب لالا
حسام : شمس
شمس : نزلت عيوني و هزيت ياسي "راسي" ببه 🙁 ومشيت قمعزت ع الكنبه
عمر : اووو حساام
حساام : سلم عليه و خبط ع ظهره نورتنا يابرنس
عمر : النور نوركم شن جو و الامور
حسام : كلا تمام شنو اموركم انتو
عمر : الحمدلله بخير
عمتي : حسام فهمني من البنت هذي
حسام : ابتسم مراتي
عمتي : شهقت هييي امتى زوجت انتى و كنها هكي
حسام : تعقد شويا موضوع طويل شويا توا تريحي انتي و بعدين نفهمك
سعيده : واللهي هذا يلي صار في ثلاث ايام قال تبي نزوج و خذا بنت الخدامه و فوقها مريضه
عمتي : شهقت هيي قصدك الي زمان مريضه
حسام : هدا روحه اسمها شمس و ياريت محد يحكي ع انها مريضه و شمس مراتي يلي يمسها يمسني
عمتي : سام انا ماعنديش مشكله مع البنت و حرام ربي يشفيها بس كيف تاخذها ياحسام البنت باين عليها انها مريضه الناس شن يقولو علينا
حسام : حط يده ع كتفها ماتشغليش بالك ب كلام الناس ياعمتي توا تريحي و نحكو بعد الغداء
امير : هيا تفضلو تفضلو
عمتي : جت بتحكي
عمر : اميي خلاص انهي
عمتي : بحتت فيه و سكتت و خشت جوا
حسام هز راسه ل شمس تجيه
______________________
عمت حسام اسمها احلام عندها بنت جنى و عيل واحد يلي هوا عمر
سعيده : و الله مانندري شن دارله نين خذاها
امير : اميي
سعيده : شنو امي شنو قلت غلط من يرضى ياخذ مريضه
امير : انتي تبي تبدي شكلك عمر ونطلعو للخيل
عمر : هز راسه هيا نفتكو من وجيج الصبايا
صبو امير و عمر طلعو و عيون رغد عليه
ياسمين : هزتها انتي يابت
رغد : هممم
ياسمين : عيونك فضحنك
رغد : رايح يهبل بكل
ياسمين : يهبل لروحه و خليك في حالك را يحس عليك امير
رغد : خلاص و انتي درتيلي جناازه
جنى : قربت منهن امير تغير واجد
رغد و ياسمين بحتن في بعضهن و ضحكن
للكاتبه ' #wiush_hamo
_______________________
حسام : مسكت وجها بين يديا حبيبي تعدي لماما
شمس : هزيت ياسي "راسي" ب لالا و بصوت واطي نبيك انت
حسام : ابتسم باهي تعالي و كريتها لحضني
شمس : حضنته و ابتسمت
