كيف لي ابدأ

البارت التاسع&سأتبعك🖤

أخفيتُ عنهم دمعتي متعمداً
والحزنُ رغم وجعي ما بانا
أخفيتُ كسراً في الفؤادِ ببسمه
عمًن احبُ كأنهُ ما كانا
وبكيتُ في الليلِ الطويل ودمعتي
كالغيمِ تهطلُ قوةً احياناً "
يا بأس قلبي في الغروره جمرةً
أتحب ان تعيد ما كانا
رغم العدول عن الاسى ببسمه
لكنه أصر ان يضل مكانا
♡♡♡♡
أنمار... لحد هسه ماكو خبر عن أختي جاي احاول أداين فلوس بس محد يقبل ينطيني حتى الاشخاص إلي جنت معتبرهم سند إلي وتوقعت انو راح يساعدوني اذا طلبت منهم ويوكفون وياي بالضروف الصعبه بس ماكو ولا واحد ساعدني كأنهم غرب تصرفاتهم تغيرت وياي كلهم طلعوا مصالح يلعن حظي ..
كعدت وخليت أيدي ؏ رأسي أفكر شلون نطلع من ههاي المشكله أستغفرالله .

دارين... جنتت يم اخته كلش هادئه تالي اجت ام انمار وابوانمار
ام انمار... لعد وين سيلا؟؟؟
دارين... خاله مدري شكلج !!
ام انمار... ليش شنو صاير وين بنتي؟!
دارين... خاله ....
ام انمار.. احجي خاله ولاتصعدين صغطي !!
دارين.. خاله..س..سيلا خطفوها!
ام انمار وهيه تشهك... شللوون بنتي راحت ياعامر خطفووا بنتي بنتي راحت وهي شمخ بروحها بحيث دم طلع من وجهها
لام جكد ماتكون قاسيه وياكم بس صعب تتحمل فراقكم 9 اشهر حملتكم بطنها وتناطر بالصبر حته شوفكم وبالنهايه تروحون من أيديها برمشة عين لاسلام ولا كلام

عامر(ابو انمار).... هسه اتصصل ؏ انمار اكله
دارين.. انمار يدري وراح مدري وين
عامر.. يدري وماكلي هذا يريد يموتني (يحجي وصوته مبحوح والخنكه كاتلته
دارين.. عمو عامر جاي يحاول يتصل بأنمار بس يطلعله خارج نطاق بعدين نسمع صصوت مثل الواحد طاح رحنه ركضنه جانت خالتي ام انمار متخربطه شلناها وخذها عمو للمستشفى ماكدرت اروح وياهم كلي ضلي يم بنته خطيه بعدها صغيره بس متأكدده هيه تفتهم حته كاعده وماتحجي وبس تباوع ..
تالي كلت بدال ماكاعده وماأسوي شي خلي احاول اتصل ؏ انمار بلكت يريد حاولت مره مارد مره ثانيه رد
انمار... الو هها دارين شنو تريدين؟ ؟
دارين... انتَ وينك؟؟ بعصبيه وخوف '
انمار ... ليش شصاير؟؟
دارين.. امك اتخربطت وداها عمو عامر للمستشفى وانه ضليت يم اختك
انمار... شنو ... هسه جااي

رحت للمستشفى دخلت سئلتهم وين غرفة هدى تميمي
...رقم غرفتها 16 بطابق ثاني
أنمار.. تمام
رحت ركض واول مادخلت للغرفه أستقبلني ابوي أول ماشافني اجه صيح عليه
عامر...وين جنت هها ولك اختك مخطوفه واحنه ماعدنه خبر انتَ شنو فهمني انتَ شنوووو
أنمار ... يابه هدي احنه بالمستشفى وبعدين جنت جاي ادور عليها
عامر.. شنو دور عليها هيه بزونه ضايعه ودور عليها جاي انكلك انخطفت اختك ا ن خ ط ف ت بس ياحسافه

أنمار.. دك تلفوني رجعت
سجاد(الخاطف) ... شووف مهلتك راح تخلص وانته لحد هسه ماجبت الفلوس
أنمار.. اذا انتو طالبين 10,000,000 يعني اكيد ماراح اكدر اجمعه بيوم واحد واحنه بدوله غريبه مانعرف بيها احد
سجاد.. والله شوف اني مالي دخل إلي عليه اشوف الفلوس جاهز وباي
سد التلفون ...