كيف لي ابدأ

الباارت الثالث

كل يووم انتظر كي تشرق الشمس واعيش يوم جديد يوم احله اكون فيهِ اقوى يوم يكون ليس فيه مشاكل يوم او خطوه لتحقيق احلامي ليس عليك ان تكون غنياً او لديك المال لكي تكون سعيداً ولكن ادرك ان هذهِ حياتك يمكنك ان تعيش فيها كيف ماشئت كيف مااردت دون تدخل احد..
♧︎.♧︎.♧︎.♧︎
اليووم جان يووم كلش مو حلو بوكتها جنت راجعه من المدرسه ولكيت عمامي موجودين بالبيت وابوي وجهه مايبشر بالخير واخواني مفزوعين وامي جان جاي تبجي بس من شافتني مسحت دموعها رحت تقربت منها وكتلها ماما شصاير
_الام(بنبره حزينه وفاقده الامل)..... ماكوشي روحي بدلي وتغدي كلشي ماكو لاتفكرين.
_خووش رايحه
رحت بدلت وانه افكر شنو صاير انه متأكده صااير شي وليش امي جاي تبجي وعمامي مجتمعين صحت لاختي صغيره بلكت افتهم منه شي ليان
_هها شنو
_ليش عمامي جاين ؟؟
_مدري بس صاير شي كلش مو حلو وسمعت عمي يكول ماكو غيره حلين لو تبطل من المدرسه وتزوجها لابني لو ساافرون للخارج .بس هذا سمعته ومفتهمت شي
سيلا...شقصده لازم تبطل وتزوج ابني جااي يقصد منو؟ .. خلصت تبديل بسررعه وطلعت جان عمامي استوهم طلعوا وامي من شافت ابووي رجعت تبجي وابووي دمعه بطرف عينه
_بابا شنو صاايرر احجي ليش امي جاي تبجي وليش عمامي موجودين
الام...ماكو شي بنتي
_لعد ليش جااي تبجين
الاب.... لا ياام انماار لازم تعرف وهاي القصه تخصها ليمتى نضل سااكتين لازم تعرف شنو جاي يصير وهي جبير وراح تفهم ..شووفي ياابنتي قبل يوومين وصل تهديد وانه غلست كلت يجووز واحد جاي يلعب من جهال لو شووف شنو وماأخذته بجديه بس اليووم وصل نفس تهدديد
سيلا..بس هذا تهدديد المنه وشنو بي؟؟ سئلت هذا السؤال وانه اعرف شنو بي من تهدديد واعرف كلشي بس تمنيت لو يطلع غلط تمنيت ابو انماار ....بي تهديد (سكت) يي بابا بي تهديد المنه شنو من تهدديد
ابو انماار... مدري شحجي بنتي مدري شكوول بس لاتخاافين صدكيني راح اسووي كلشي اكدر علي وراح اطلعج من ههاي المشكله لاتخاافين

_سيلا... من سمعت ابووي هيج يحجي واول مره اشووف دموع ابووي تنزل الي اعتبرته سووبرمان بطفولتي صعب شووف اهلك كدامك ضعيفه وبسببك صعب شووف دموع امك تنزل علمودك وابوك الي يحاول يهديك ويكلك انته قوويةة وهو بنفسه ضعيف وضايع ومايعرف شنو يسووي. ههذا اليووم ماراح انسى بعمري بهذا اليووم حياتي ومستقبلي جان مهدد الاحلام الي حلمت بيها لليل ونهار ضااعت دخلت للغرفتي شفت اوراق الي رسمت بيها احلامي محطوطه فووك جربايتي الي جنت اعتبرها مصدر قووتي باوعت ؏ جربايتي الي جنت كل لليله انام واحلم واتخيل بمستقبل جنت اتمنى اعيشه وعندي أمل اني اعيشه صعب كلشي رسمته يندهر وينمسح صعب تعيش كأنسان مهدد وانته تعرف راح تموت أيامك معدوده والي يتحكمون بعمرك ناس ظالمه

خلص اسبووعين وانه لاداومت للمدرسه ولاطلعت من البيت اخاف اطلع برى البيت شووي وبهذا الاثناء ابووي قرر انو نسافر خارج العراق ورفض انو يزوجني لان كال اليووم تهدد ههاي بنتي باجر يههددون اخته وهيج ماراح تخلص احسن حل وسنه سنتين يتعودن ؏ حياتهم هناك ....

كمل الجوازات وسافرنه لتركيا سافرت بدون مااودع صديقاتي لاساره ولا ملاك لان مانريد احد يدري احنه راح نسافر هيج أإمن
بالنسبه الي اول مره اسافر بس ماعشت ههاي لحظه لان جنت خايفةة وافكر شلون راح نعيش

بعد مرور شهر بتركيا

حياتي تحسنت سجلت بدورات تعليم لغه وداومت بالمدرسه صار عندي صديقات اخووي كمل دراسته بالكليه واختي هم عيشتنه احسن والحمدالله

بس صعب تعيش بدوله ماتعرف بيها احد صح تركيا بيها اهواي عرب وههاي عراقين بس ماتعرفهم مو نفس اقاربك من يجي العيد ضل حسره لان اجواء العيد تختلف ورمضان هم وتذكر كل ذكرياتك القديمه وتحن وتشتاق للماضي بس نحاول نتعود ونكول ههاي قسمتنه وهذا المكتوب نعيشته

^^^^^^^^^^^
لهنا يخلص البارت ردت اكمله بس خلصت الوقت للكتابه خليكم متحمصين للبارتات الجاي لان راح يكون اهواي حمااس واحداث واكشن🌚🖤
**********
ياترا سيلا نسته لابو عيون الي ماتعرف اسمه لو لا؟؟ تكدر تلتقي بيه وهو بالعراق وهي بتركيا ؟؟ وبعدها حياتها مهدده بالقتل؟؟
احبجم
*********