ويلُ آدمِ إِذا دارَتْ الدُنيا

بارت ٨

ظليت ادور بلگاع لحد ما لگيت فوني ... عيوني جانت غرگانة بدموع لدرجة ما اشوف شي مغوشة كلش 😭💔 ..... فتحتة وداريد اتصل بحسام واگلة مثل ماتريد اطلع وياك عادي 💔💔 ...... اي شي تريد صور كامرة بكيفك
بس لتعوفني ..... افتحت رمز الفون دخلت على رقم حسام ..

انصدمت وحسيت دموعي جمدن وگلبي وگف .... انشليت وجمدت بمكاني ماتوقعت هيج لگيتي حاضرني .... معقوولة؟!!!!!
معقولللة هيج حسام؟؟ نهيت كلشي بيناتنا بحظر 💔
معقولة سويت هيج بدون متتردد ولا گلبك يوجعك؟؟!
هيج انتها كلشي بحظر 😔😭 .... معقولة علاقتنا انبنت على هيج شي
اوف يالله .... شيصبرني 😔..... يعني حتا ميريد يسمع مني اي شي!!!

ثاني يوم رحت للمدرسة متحطمة كلش 💔 ..... حجت وياي المديرة علمود مستواية ادراسي وكثرة غياباتي عن المدرسة .... تحججت بظروف والمرض وطبعا جان مبين على وجهي مريض وتعبان ...
قررت تسامحني هلمرة واذا تكررت غياباتي ودرجاتي الضعيفة حتطلب ولي أمري .... طبعا ماما وبابا ميدرون بدرجاتي هيج انخفض مستواهن 😔✋

حجيت لسالي ولريما بكلشي صار امس واني دابجي وجهي صار احمر 😭 حتة ريما من شافتني هيج فاقدة وابجي ظلت متعرف شتسولي ....
متعرف شتحاجيني واسكت ... وسالي كذلك ظلت تطرد بالطالبات الي ظلن متجمعات يمي ويگولن شبيهه؟ ليش تبجي ؟؟

هدأت شوية واخذتني للحمامات غسلت وجهي ...
ورجعنة گعدنة بلساحة 💔

ريما : شوفي صفا ... اني هاذه الجنت خايفة منة!!! 
بمانو هوه ميريدج انسي يا حبيبتي الف واحد يتمناج غيرة ... ترا هوه الخسران مو انتي 💔 .... ماعرف شلون يتصرف وياج

صفا:  مستحيل لا لا معقولة هيج انتهه كلشي بيناتنة؟؟!( ورجعت ابجي)

سالي:  شوفي صفا بما انو هوه الي حضرج يعني هوه اصلا مجان يحبج عكس ماجنة نتوقع 😔 .... اسفة صفا من اليوم انتي لازم تنسي

ريما:  هااا شفتن؟
وصحيح يا صوفيتي من اليوم لازم تتعودين وترجعين مثل قبل
وخلي بالج شي ترا هاذه مو حب ابددد الحب مو هيج

هاي علاقة فاشلة خلتج تهملين دراستج وصحتج ...
لازم تتعودين من اليوم ماكو شخص اسمة حسام بحياتج

صفا ( باوعتلهن بنضرة حزينة وبطرف عيني ) :
انتن عبالجن انسا بسهولة؟؟
يعني انتن طلبن مني اعيش بدون مي؟
ماگدر ماگدر اعيش بدون حسام 💔😔

ريما ( بصوت حاد خلتني افز من مكاني ) :
اييي وشلون جنتي عايشة قبل لتشوفي؟؟
ماكو هيج شي 😠 ... ماكو انسان ميعيش بدون انسان 💔😡

سالي:  لتخافين انتي راح تملين وتنسي وتشوفين حياتج 😔
واحنة وياج اليوم وباجر وعگبة منتركج بعز انكسارج ❤✋

.................

حاولن صديقاتي بكل الطرق انو يخففن عني ...... بس الجرح الجديد مو بساع يطيب ... بس اني اگول اصلا جرحي ابد مايطيب حيظل ينزف طول عمرة لأن اني جنت كلش متعلقة بي .... بس هوه ماحبني مثل ماحبيتة 💔
اني الي ظليت الليل كلة اتخيل يوم زواجنا .... واني لابسة البدلة البيضة ونطگ صور سوية 😭💔 ...... گاعدة وافكر بأسماء اطفالنا وشلون حنعيش حياتنا .... واگعد اطلع صورته وتخيل ابني يطلع يشبهه 😔💔