صفا ،، حجيت بصوت متقطع و ضعيف
صفا: حـ حسام .... حسـ ـسام ... حسام !!!!
ظلمت الدنيا وحسيت الگاع تفتر و فقدت الوعي ......... گعدت علا صوت امي تذب على وجهي وتظرب على خدي فتحت عيوني وگعدت
ماما: ها حبيبتي شبيج؟ شصارلج؟
صفا: ماما!!
گمت ويا ماما و گعدنا على الكرسي ...... درت وجهي شفتهم بعدهم گاعدين حسام والبنية ... ظليت اباع عليهم ودمعتي بعيني ... انتبهت علبنية عرفت انو هيه طالبة بمدرستنا لأن شايفتهه بس ماعندي علاقة وياها ولا تعرفني .... ظليت اباوع و مقهورة كلش 💔😔 ... بس همه منتبهوا عليه
شوية ورجعنا اني وماما للبيت واني حسيت نفسي مثل المكسورة 💔 وهوه اصلا مكسورة ..... دخلت الغرفتي وذبيت روحي علفراش لأن حتة مبدلت ملابسي مالي واهس بكلشي 💔😔 ...
جنت ناسيتة ومرتاحة ليش من طلعت صار گبالي 💔 وشلون موقف طالع وي وحدة ويسولفون ويظحكون .... عافني علمودها 😔✋ صارت حبيبتة الجديدة ... معقولة هيج تكسر بيه حسام
ظليت ابجي واتذكر بحسام وبلحظات الحلوة .... وراها ارجع اتذكر من شفتة وية غيري 💔😔 ياألله بعد ما اتحمل
نمت واني ابجي واشهگ وبنفس الوقت اريد اكتم البجي .... جانت اصعب ليلة بعمري نايمة وابجي بدون صوت .... لمن نهد حيلي ونمت بدون ماحس ...
گعدت الصبح تعبانة ... اسمع ماما دتحجي رحت شفتهه طلعت دتخابر ... رحت غسلت وجهي شفته تعبان ومتغير من السهر والبجي الدمرني ... طلعت سألت ماما
صفا: منو جنتي تخبارين؟؟
ماما: خالتج ... هيه خابرتني وگالت حتجيب ننوشة وتجي تظل عدنا كم يوم لأن ابوج مموجود وهنه هم ضايجات شوية ...
صفا: ايي والله اني هم ضايجة كلش .. زين يسون مشتاقة لننوشتي 😍
فرحت كلش والخبر نساني شوية من التعب ... ظليت ارتب بلبيت واطبخ ويه ماما سوينا كہَيہّـ🍰ـكہَ وعصاير واكلات طيبة 😋😋
كملت شغلي رحت سبحت وبدلت لبست تراك لون بصلي حلو..... ورتبت شعري سويتة كعكة........... باوعت الوجهي خليت شوية مكياج وطلعت ❤💋 وااوو فديتني أجنن 😂😂
صار الظهر واجتي خالتي وننوشة ... سلمت عليهن وگعدنا سولفنا واكلنا سوية وعجبهم طبخي 😇❤ وكيكتي بعدين عفنا ماما وخالة يسولفن وصعدنا الغرفتي .... وظلينة نسولف اني وننوشة
نرجس: اي شكو ماكو؟؟ شبيج وجهج متغير؟؟😮
صفا (بحزن وحسرة حجيت ): والله مادري شحجيلج؟ ومنين ابدي!!
نرجس: هاا يعني اكو شي ... يلا يلللا سولفيلي من الالف للياء
ظليت حجيتلها قصة حسام وكلشي صار وياية واسولفلها وابجي ... وهيه تسكت بيه 😔
أنت تقرأ
ويلُ آدمِ إِذا دارَتْ الدُنيا
General Fictionقصة عراقية واقعية بقلمي 💋💙 لا اعلم ماذا اكتب في الوصف لكن لا اريد حرق القصة عليكم
